LECTURAS DEL 21 DE DICIEMBRE: FERIA DE ADVIENTO

LECTURAS DEL 21 DE DICIEMBRE: FERIA DE ADVIENTO

Ko’ágã   ñahendúta Tupã Ñandejára ñe’ẽ Cantares arandukápe oĩ háicha       2, 8-14

¡Che rayhupára ñe’ẽ!

Péina ou che rembiayhu.

Ahendúma iñe’ẽ. Opo oúvo umi yvytýre.

Che rembiayhúko ku guasúicha, ku guasu pytã ra’y rusúicha.

Upépe oï, opyta opytu’u Péina oiméma okẽ kupépe.

Ovetãme iñakãsẽma, ha upe rupi oma’ẽ. Che rembiayhu oñe’ẽ ha he’i chéve:

“Epu’ã che rayhupára. Eju jaha, che yvoty. Na ema’ẽ! Ro’y ohasáma. Hendive ama ohopa. Ñúme yvoty heñóima.

Japuraheiha ára oguahẽma. Ñahendúma ñande yvýpe opurahéirõ jeruti. Ígo hi’áma, ha parralty omyasãi hyakuãngue.

Epu’ã, che rayhupára.

Eju jaha, che yvoty.

Nde, che pykasumi rekañýva ita apytépe, rejaitypóva ijyvateve hápe: Eheja ta hechami pe nde rova, tahendu pe ne Ñe’ẽ he’ẽtéva, tahecha pe nde rova iporãitéva.”

Tupã Ñandejára Ñe’ẽ.

O bien:

Ko’ágã  ñahendúta Tupã Ñandejára ñe’ẽ Sofonías arandukápe oĩ háicha    3, 14-18a

Epurahéi Jerusalén, esapukái vy’águi Israel retã, evy’a Jerusalén!

Evy’a nde py’a ite guive!

Tupã Ñandejára ndaipochy véima ne ndive, omosẽma nde rehe ija’e’ỹvape.

Tupã Israel ruvicha nde pype oĩ.

Ndojehu mo’ãvéi mba’eve ivaíva.

Upérõ Jerusalénpe oje’éta: “Ani rekyhyje Sión, térã reheja nde jyva ikangy!”

Tupã nde Jára oĩ nde pype, ha’e imbarete ha ne mo’ãta!

Ñandejára ovy’a ne ndive.

Imborayhúpe ne moingove pyahúta.

Ovy’a ha opurahéita nde pýri, ojevy’a háicha arete jave.

Tupã Ñandejára Ñe’ẽ.

SALMO ÑEMBOHOVÁI  32, 2-3. 11-12. 20-21

Opavave: Pemomba’e guasu Tupã Ñandejárape

Pemomba’e guasu Tupã Ñandejárape mbaraka púpe,

árpa púpe, pepurahéi ichupe.

Purahéi pyahu pehenduka ichupe.

Pembopu porãke ha peguerosapukái ichupe. O.

Umi mba’e Tupã Ñandejára ojaposéva katu

ndopa rei chéne araka’eve.

Ovy’a upe tetã oguerekóva Tupãme ijára ramo,

upe tetã ha’e oiporavo va’ekue imba’e teerã. O.

Tupã Ñandejára rehe ore rojerovia.

Ha’e upe ore pytyvõ  ha oñangarekóva ore rehe.

Ñandejára ore mbopy’a rory ha héra marangatúre rojerovia.

Tupã Ñandejára, ne mborayhu ta ore añuãmba. O.

ALELUIA

Aleluia.

David llave, reipe’áva Yvága opa aragua rokë,

eju ha emosasö umi oikóva pytümbýpe.

Aleluia.

EVANGELIO

Ñahendúta Ñandejára Jesucristo rekove ha hemimbo’e San Lucas omombe’u háicha   1, 39-45

Upe ramo María oho pya’ete peteĩ táva, Judá pegua yvytýpe, ha oike Zacarías rógape ha omomaitei Isabélpe. Ohendúvo pe María maitei, Isabel oñandu omýi pe mitã hyépe, ha Isabel henyhẽ Espíritu Sántogui. Ha upépe, oñe’ẽ hatãvo he’i:

Tupã Ñandejára nde rovasave mayma ambue kuñágui, ha ohovasa ne memby! Máva piko che ou haguã che rendápe che Jára sy? Ahendúvo ne maitei, che memby omýi vy’águi che ryépe. Revy’a iténe nde rerovia va’ekue oikotaha opa mba’e Tupã Ñandejára he’i va’ekue ñandéve.

Ñandejára Jesucristo Ñe’ẽ.