LECTURAS DEL MIÉRCOLES SEGUNDO DE ADVIENTO

LECTURAS DEL MIÉRCOLES SEGUNDO DE ADVIENTO

Ko’ágã ñahendúta Tupã Ñandejára ñe’ẽ Isaías arandukápe oĩ háicha 40, 25-31

Tupã Ñandejára Marangatu oporandu: Mávare piko che mbojojáta, añembojoja haguã hese?

Pejesaupi ha pema’ẽ.

Máva piko umi mba’e apohare?

Pe he’íva peteĩ teĩme hembiaporã ha héra rupi ohenói.

Ha’e ipokatu ha ipu’aka mbarete rupi ndaipóri ou’ỹva ijapytépekuéra.

Mba’ére piko ere, Jacob, ha ere jevy nde Israel:

“Tupä Ñandejára nda che recha kuaái.

Tupã mba’eve ndoikuaaséi che hegui?”

Nde reikuaái nga’u piko?

Araka’eve piko nerehendúi Tupãha, opa ára Ñandejára?

Ha’e ojapo ko yvy tuichakue, ndaijuku’ái, naikane’õi, iñarandu ndaijapýrai.

Ha’e omokyre’ỹ ikane’õvape, ikangývape omombarete.

Mitã rusu jepe ijuku’a ha ikane’õne, karia’y oñepysãnga ha ho’áne, ojeroviáva Tupä  Ñandejárare katu ikyre’ỹ jevýne ha taguatóicha ovevéne.

Ijuku’a’ỹre oñaníne ha oguatáne ikane’õ’ỹre.

Tupã Ñandejára Ñe’ẽ.

SALMO ÑEMBOHOVÁI 102, 1-4. 8. 10

Opavave: Amomba’e guasu Tupã Ñandejárape che py’aite guive

Amomba’e guasu Tupã Ñandejárape che py’a ite guive,

che py’a ite guive amomba’e guasu héra marangatu.

Amomba’e guasu  Tupã Ñandejárape che py’aite guive,

nda che resarái chéne heta mba’e porã ome’ẽ hague chéve. O.

Ha’e oheja rei chéve che rembiapo vaikue

ha che mongueráva opaichagua mba’asýgui.

Ha’e ndohejái apa yvy kuápe

ha mborayhúpe che añuã ha che mokunu’ũ. O.

Tupä Ñandejára imba’e porã ha oporoporiahuvereko,

ndaipochy reíri ha oporohayhu.

Nomoengoviái ñandéve ñane angaipa,

ha ndojapói ñande rehe ojapo haguãicha. O.

ALELUIA

Aleluia.

Tupã Ñandejára ou oi pysyrõ hetãguáme.

Ovy’a ite umi oha’aröva osẽ haguã ohuvaitï.

Aleluia.

EVANGELIO

Ko’ágã ñahendúta Ñandejára Jesucristo rekove ha hemimbo’e San Mateo omombe’u háicha  11, 28-30

Upe ramo péicha he’i Ñandejára Jesucristo: Peju che rendápe opa peẽ pene kane’õ ha pemba’apo pohýiva, ha che pomombytu’úta. Peheja ta moĩ pende apére che mba’e pohýi, ha pejapo che ha’éva peẽme. Ha peikuaáta che py’a porãha ha ndajejapoiha, ha che ndive pejuhúta pytu’u. Pe mba’e pohýi amoĩtava pende apére niko ivevýita peẽme, ha ndaipohýi mo’ãi upe aipotáva peraha.

Ñandejára Jesucristo Ñe’ẽ.