MIÉRCOLES TERCERO DE PASCUA

MIÉRCOLES TERCERO DE PASCUA

Primera lectura:

Ko’ágã ñahendúta Tupã Ñandejára ñe’ẽ Apóstolkuéra rembiapokuépe oĩ háicha     8, 1b-8

Esteban ojejuka rire upe árape voi oñepyrũ peteĩ ñepu’ã guasu Jerusalengua Jesucristo iglésiare. Opavave isarambi Judea ha Samaría rupi, umi apóstolkuéra katu nahániri. Mbovymi kuimba’e marangatu oñotỹ Estébanpe ha heta oguerojahe’o ichupe. Upe aja Saulo sarambi ojapo pe iglésiare, oike ógakuéra rupi oguenohẽ Jesús reroviaha kuimba’éva ha kuñávape, omoinge haguã koty ypytũme.

Umi osẽ va’ekue Jerusaléngui omoerakuã marandu porã mamo ohohápe. Felipe, peteĩ ha’e kuérava, oho Samaría pegua táva guasúpe ha oñepyrũ oñe’ẽ ichupekuéra Cristo rehe.

Upepegua oñemboaty ha opavave ojapysaka porã upe Felipe he’ívare, ohechágui umi techaukarã ha mba’e hechapyrãva ha’e ojapóva. Heta oguerekóva mba’e pochy okuera, ha umi mba’e pochy osẽ ichugui  kuéra osapukaihápe, ha heta oguata’ỹva ha ijapávape oñemonguera avei. Upévare ojevy’a eterei upe távape.

Tupã Ñandejára Ñe’ẽ.

SALMO ÑEMBOHOVÁI     65, 1-3a. 4-7a.

Opavave: Mayma yvy apére peikóva, vy’a pópe pepurahéi Tupãme.

O bien:

Aleluia.

Mayma yvy apére peikóva, vy’a pópe pepurahéi Tupãme.

Héra peropurahéi, ha peje ichupe:

“Tuicha ite mba’e niko ne rembiapokue.

Opavave ne momba’e guasu nde rereropurahéi. O.

Maymave yvypóra oñesü ne renondépe,

ha ndéve opurahéi, nde Rérape guarã.

Peju pehecha Tupã rembiapokue,

umi mba’e hechapyrãva ñande rehehápe ojapóva. O.

Yguasu niko mbyte rupi omboja’o,

ha ñande ru ypy kuéra upe rupi oguatahápe ohasa.

Ha upéva heta ñane mbovy’a.

Ipu’akágui opa mba’e oguereko ipo guýpe. O.

ALELUIA Jn. 6, 40

Aleluia.

Pe ogueroviáva Tupã Ra’ýpe oguereko Tekove ijapyra’ÿva ha Che amoingove jev’yta ichupe ára pahápe,

he’i Ñandejára Jesucristo.

Aleluia.

EVANGELIO

Ñahendúta Ñandejára Jesucristo rekove ha hemimbo’e San Juan omombe’u háicha 6, 35-40

Upe ramo Jesús he’i: Che hína pe mbuja oporomoingovéva. Upe che rendápe oúva naiñembyahýi chéne araka’eve. Ha upe che rehe ojeroviáva, ndaijyuhéi mo’ãi araka’eve.

Opáichavo, ha’éma kuri peẽme, peẽ ndapejeroviahái che rehe pehecha ramo jepe umi mba’e ajapóva. Opa umi che Ru ome’ẽva chéve, ou che rendápe. Ha umi che rendápe oguahẽvape che namosẽ mo’ãi.

Che niko ndajúi va’ekue ko yvy ári ajapo haguã pe che aipotávante. Aju va’ekue katu ajapo haguã che Ru, che mbou va’ekue, oipotáva. Ha che Ru, che mbou va’ekue oipotáva niko kóva: ani oñehundi che hegui avave umi ha’e ome’ẽa chéve, amopu’ã jevy haguã katu ichupe kuéra ára pahápe.

Che Ru rembipota niko kóva: opa umi Ta’ýrape ohecháva ha hese ojeroviáva oguereko haguã jeikove opa’ỹva. Ha che amopu’ã jevýne ichupekuéra ára pahápe.

Ñandejára Jesucristo Ñe’ẽ.