MIÉRCOLES XV DEL TIEMPO ORDINARIO

LECTURA PETEÎHA:

Ko’ágã ñahendúta Tupã Ñandejára ñe’ẽ Éxodo arandukápe oĩ háicha 3, 1-6. 9-12

Moisés oñangareko hembireko ru, pa’i Jetró Madián pegua, ovechakuérare ñúme. Peteĩ ára ogueraha ijovechakuéra yvy ojeiko’ỹha rupi ha oguata Tupã Ñandejára yvyty Horeb gotyo.

Upépe ojechauka ichupe Tupã Ñandejára remimbou peteĩ tata rendýpe osẽva ñuatĩ mátagui. Moisés ohecha upe ñuatĩ máta hendy ha ndokáiriva. Upérõ he’i ijupe: Arovia’ỹ haguãicha ko ahecháva hína!

Mba’éicha rupi piko upe ñuatĩ hendy ha ndokáiri? Ta ñemboja mandi ta hecha upe ojehúva hína. Tupã Ñandejára ohechávo oñembojaha, ohenói Moiséspe ñuatĩ pa’ügui ha he’i ichupe: Moisés, nde Moisés!

Ha ha’e he’i: Rohendu che Jára! Mba’épa erese chéve?

Ha Tupã Ñandejára he’i ichupe: Eipe’a raẽ nde py rehegua reñemboja mboyve ko’a gotyove. Cháke upe yvy repyrũháme ikarai hína.

Ha upéi he’i: Che hína Tupã, nde ru kuéra ypykue omomba’e guasu va’ekue . Che hína Abraham Tupã, Isaac Tupã ha Jacob Tupã.

Upérõ Moisés oñomi hova okyhyjégui ohecha ramo guarã Tupã Ñandejárape. Ahendu Israelgua ipyahë asy ramo ha ahecha avei Egiptogua ojopy vai ramo hendivekuéra.

Upévare ko’ágä romondo. Aipota reho Faraón rendápe renohẽ haguã Egíptogui Israel guápe. Ha Moisés he’i Tupã Ñandejárape: Ha che piko máva aha haguã Faraón rendápe anohẽ Egíptogui Israel guápe?

Ha Tupã Ñandejára he’i ichupe: Che aĩta ne ndive. Renohẽ rire Egíptogui che retã guápe, opa ite peẽ che momba’e guasúta kóva ko yvytýpe. Ha ojekuaáta che romondo hague.

Tupã Ñandejára Ñe’ẽ.

SALMO ÑEMBOHOVÁI 102, 1-7

Opavave: Tupã Ñandejára imba’e porã ha oporoporiahuvereko.

Amomba’e guasu Tupã Ñandejárape che py’a ite guive,
che py’aite guive amomba’e guasu héra marangatu.
Amomba’e guasu Tupä Ñandejárape che py’aite guive,
nda che resarái chéne heta mba’e porã ome’ẽ hague chéve. O.

Ha’e oheja rei chéve che rembiapo vaikue
ha che mongueráva opaichagua mba’asýgui.
Ha’e ndohejái apa yvy kuápe ha mborayhúpe
che añuã ha che mokunu’ũ. O.

Tupä Ñandejára heko joja opa ojapóvape
ha ohecha kuaa umi ojejopy vaívape.
Moiséspe ha’e ohechauka hembipota,
ha Israélpe mba’e hechapyrãva. O.

ALELUIA Cf. Mt 11, 25

Aleluia.

Che Ru nde niko hovasapyre, Tupã yvy ha yvága Jára, rehechauka haguére mba’e guasu ete Sambyhy rehegua umi michïvévape.
Aleluia.

EVANGELIO

Ko’ágã ñahendúta Ñandejára Jesucristo rekove ha hemimbo’e San Mateo omombe’u háicha

11, 25-27

Upe ramo Jesús he’i: Romomba’e guasu che Ru, yvága ha yvy Jára, reñomi haguére ko’ã mba’e umi iñarandu ha imba’e kuaávagui, ha reikuaauka umi iñarandu’ỹvape.

Upéicha che Ru, péichante voi reipota va’ekue ojehu. Che Ru niko omoĩ che poguýpe opa mba’e. Avave ndoikuaái Tupã Ra’ýpe, Túva añónte. Ha avave ndoikuaái Túvape, Tupã Ra’y añónte, ha umi ojekuaaukávape Tupã Ra’y.

Ñandejára Jesucristo Ñe’ẽ