ÑANDEJÁRA HESUKRÍSTO RETE – CORPUS CHRISTI

ÑANDEJÁRA HESUKRÍSTO RETE – CORPUS CHRISTI

LECTURA PETEÎHA:

Ko’ágã ñahendúta Tupã Ñandejára ñe’ẽ Génesis arandukápe oĩ háicha 14,18-20

Upe ramo Melquisedec, Salem ruvicha guasu, Tupã yvatetegua pa’i, ogueru pan ha vino, ha ohovasa Abrámpe he’ívo: “Ta nde rovasa Tupã yvatetegua, ojapóva yvy ha yvága. To ñemomba’e guasu Ñandejára yvatetegua, ha’e ne pytyvõ nde rayhu’ỹvape rehundi haguã”.
Opa mba’e oguerahávagui Abram ome’ẽ Melquisedécpe 10gui peteĩ.

Tupã Ñandejára Ñe’ẽ.

Opavave: Romomba’e guasu ndéve, Ñandejára.

SALMO ÑEMBOHOVÁI 109, 1-4
Opavave: “Nde hína pa’i Melquisedec chagua opa árape guarã”.
Ñandejára he’i che ruvicha guasúpe:
“Eguapy che akatúa gotyo,
ta moĩ ne pyenda ramo umi nde rayhu’ỹva”. O.

Sión guive Tupã ne mombarete.
“Opa nde rayhu’ỹva toĩmba nde po guýpe. O.

Reikove ypy guive nde mburuvicha hína,
ha marangatúgui rejajaipa.
Chete voi ysapýicha romoheñói va’ekue pe amo ko’ẽjúgui”. O.

Tupã ome’ẽ iñe’ẽ héra rehe ha nopyrũi chéne hese:
“Nde hína pa’i Melquisedec chagua
opa árape guarã”. O.

LECTURA MOKÔIHA:
Ñahendúta Tupã Ñandejára Ñe’ẽ San Pablo ohai va’ekue ikuatia peteĩháme Corinto guápe 11, 23-26

Ñandejára che mbo’e va’ekue ko’ã mba’e ha che ambohasa hína peẽme. Upe pyhare Ñandejára Jesús oñemoñuhãta hápe voi, ohupi va’ekue ipópe mbujape, ha omomba’e guasu rire Tupãme, omboja’o ha he’i: “Kóva ha’e che rete, oñeme’ẽva pende rehehápe. Kóva pejapo, che rehe pene mandu’ahápe”.

Upéicha avei, ojekarupa rire, ohupi pe vino ryru ha he’i: “Ko vino ryru hína pe ñe’ẽme’ẽ pyahu oñemboajéva che ruguy rupi. Péicha pejapo va’erã jepi, che rehe pene mandu’ahápe”. Aipo ramo, ou peve Ñandejára, peẽ peromandu’a imano, pe’u jave jepi ko mbujape, ha pey’u vove ko vino.

Tupã Ñandejára Ñe’ẽ.

Opavave: Romomba’e guasu ndéve, Ñandejára.

SECUENCIA
Esta secuencia es optativa. Si se la canta o recita, puede decirse íntegra o en forma breve desde: Este es el pan de los ángeles…… (*Kóva ha’e angelkuéra mbujape)

Emomba’e guasu, ne Pysyrõhára pe, Sion, emomba’e guasu purahéipe nde ruvicha ha nde Rerekuápe.
Emomba’e guasu nde katu háicha,

Ha’e niko tuichavéva opavavégui ha araka’eve nda ikatumo’ãiva emomba’eguasupa
Ko árape ojejerure ñandéve Ñamomorã haguã pan ome’ẽva tekove.
Pe pan Cristo ome’ẽ va’ekue hemimbo’ekuérape
oñembyatyhápe hikuái oño pehenguéicha.

Ñamomba’e guasu pe pan kyre’ỹme, ñamo mba’e guasu vy’apópe, toñehendu javy’aitereiha.
Ko árape jaguero mandu’a

Ko karu guasu marangatu oñembo pyahu hague.
Ko mburuvicha guasu pyahu renondépe,
Pascua tekove pyahu rehegua omohu’ã pe Pascua ymaguare.

Ko ñemomorã pyahu niko omyengovia pe itujávape, pe añetegua omopotĩ ñande rekove pe mba’e rehendy omyesakã iñypytũva.
Cristo ojapo va’ekue karu pyharépe he’i ojejapo jevy haguã mborayhu rehehápe.

Ñandejára Jesucristo ñane mbo’e rupi ñamongarai pe pan ha vino oiko haguã ichugui kuave’ẽmby ñane pysyrõva.
Ha’e niko jerovia añetetegua Ñandejára Jesucristo rayhupárakuérape Pe pan ha vínogui oikóha hete ha huguy.

Nde nerehesa’ÿijói ha nde rehecháivape ojehechauka porãveta ndéve jerovia rupive, opaite mba’e oĩva yvy ape árigui.
Pe pan ha vino rupive, ojehechaukáva ñandéve añetegua iporãitéva.

Hete niko ha’e tembi’u ha huguy katu ygua, ko’ã tembiecharã pe niko oĩ Ñandejára Jesucristoite voi. Ojejapyhy ichupe
añetehápe ikatu’ÿ rehe mavave omboja’o omopẽ ha ombosa’i.

Ojapyhy peteĩ, ojapyhy heta iteve, ko’ãva ha umíva mavave ndaikatui ho’upa.

Peteĩme guarã tekove ha ambuépe guarã katu mano imarangatu ha iñangaipáva maymáva ojapyhy.
Iñangaipávape guarã ñemano, ha hekojojáva pe guarã tekove; ema’ẽmina mba’éichapa peteĩ tembi’u
peteĩme guarã tekove ha ambuepe guarã ñemano.

Pe mbujapépe karai ojemboja’óvo, ani nde py’ã mokoĩ ne mandu’ake peteĩ teĩva pehenguepe
oĩha Ñandejára Jesucristoite voi.

Pe añetegua oĩ hendaitépe pe tembiecharãnte oñepehe’ã ha Cristo pu’aka ha tuichakue noñemo michivéi.

• Kóva ha’e angelkuéra pan oikóva ichugui tembi’u yvypórakuéra pe guarã mbujape añete Tupã ra’y ha rajykuéra pe guarã.
  nda ha’ei jaguápe guarã.
  Heta techaukaha omo maranduma va’ekue: Isaac jehasa asy, pe ovecha ra’y jejuka ha pe mana ho’u va’ekue ñande rukuéra.
• Jesús, eñangareko porãva ore rehe, pan añetetéva, ore poriahuvereko mina
  ore mbopy’aguapy ha eñangareko ore rehe;
  ikatu haguãicha rohecha pe mba’e porã opave’ỹva yvypórakuéra apytépe.
  
• Nde, eikuaapáva ha nde katupáva,
• Nde, eme’ẽva oréve ore rembi’urã ko yvy ape ári, oreraha mína yvágape
  nde reiporavo va’ekue apytépe ne santokuéra ndive.
  
• ALELUIA Jn 6, 51
  Aleluia.
  Che hína pe pan oporomoingovéva, oguejýva yvágagui.
  Upéva pe pan ho’úva oikovéta opa ára guarã, he’i Ñandejára.

Aleluia.

EVANGELIO
Marandu porã Ñandejára Jesucrísto rekove ha hemimbo’e San Lucas omombe’u háicha 9, 11b-17
Opavave: Romomba’e guasu ndéve, Ñandejára.

Umi árape heta ijaty ha oguahẽ Jesús rendápe. Upépe ha’e oñe’ẽ chupekuéra Ñandejára Rréino rehe, ha upéi ave omonguera hasývape. Ka’aruetévoma katu, umi 12 apóstol oñemboja Jesús rendápe, ha he’i chupe: — Iporã va’erã niko remondopa ramo ko’ã genteta puebloha rupi. Upe rupi toho toheka oke haguã ha ho’u vaerã. Árupi niko ndaipóri mba’eve.

Jesús he’i chupe kuéra: — Peẽna pemongaru chupekuéra.

He’i hikuái: — Mba’éichata piko péva, ko 5 pan ha mokõi piránte jarekóva.

Ndorohói mba’érõ rojogua niko nañamongaru mo’ãi opavavépe.

Oĩ niko upépe amo 5.000 kuimba’e rupi. Jesús he’i idisípulo kuérape upémarõ:— Pemboguapy oñondive 50 rupi, aty-atýpe.
Ha péicha ojapo hikuái. Upéi katu Jesús ohupi umi 5 pan ha mokõi pira, oma’ẽvo yvága gotyo ohovasa, omboja’o ha upéi ombohasa idisípulokuérape ome’ẽ haguã opavavépe. Hetakue ho’u hikuái hyvatã meve. Hembývagui katu omono’õ hikuái 12 ajaka renyhẽ.

Ñandejára Jesucrísto Ñe’ẽ.

Opavave: Romomba’e guasu ndéve, Ñandejára Hesukrísto.