SOLEMNIDAD DEL SAGRADO CORAZÓN DE JESÚS
11 junio, 2021DOMINGO XI DEL TIEMPO ORDINARIO
13 junio, 2021LECTURA PETEÎHA:
Ñahendúta Tupã Ñandejára Ñe’ẽ San Pablo ohai va’ekue mokõiha Corintos guápe
5, 14-21
Che pehẽnguekuéra:
Cristo mborayhu oñemomba’e va’ekue ore rehe, rohecha kuaa vove peteĩ omano hague opavavére ha, hendive, opavave omano hague. Ha Cristo omano opavavére, ikatu haguã umi oikovéva ndoikove véima ijupe guarã, oikove haguã uvei upe hesehápe kuéra omano ha oikove jevy va’ekuépe guarã.
Upévare ore Ko’ágã noroma’ẽ véima avavére yvypóra rekópe. Ymave roma’ẽ va’ekue péicha Crístore, Ko’ágã katu nahániri véima. Aipórõ, pe ojoajúva Crístore upéva peteĩ tapicha ipyahúva. Umi yma guare ohasáma, ha umi ipyahúva katu oguahẽ.
Opa ko’ãva, Tupã Ñandejára rembiapokue, Cristo rupi ñane moingo porã jevy va’ekue hendive voi, ha he’i oréve romoerakuã haguã jeiko porã jevy. He’ise Cristo rupi Tupã Ñandejára ñane moingo porã jevy hague hendive, oheja reívo yvypóra angaipa, ha ome’ẽvo oréve iñe’ẽ ojeiko porã jevy haguã hendive.
Ore hína, aipórõ, Cristo rembijokuái, he’ise, Tupã Ñandejára voi ojerureha upéva ore rupi. Aipórõ, Cristo rérape rojerure peẽme peiko porã jevy haguã Tupã Ñandejára ndive.
Cristo ndojapói va’ekue mba’eve ivaíva, opáichavo ñande rayhupápe Tupã Ñandejára oguereko va’ekue ichupe iñangaipáva ramo, jahupity haguã teko marangatu Tupã Ñandejára ome’ẽva Cristo rupi.
Tupã Ñandejára Ñe’ẽ.
SALMO ÑEMBOHOVÁI 102, 1-4. 9-9. 11-12
Opavave: Tupã Ñandejára imba’e porã ha oporoporiahuvereko
Amomba’e guasu Tupä Ñandejárape che py’a ite guive,
che py’a ite guive amomba’e guasu héra marangatu.
Amomba’e guasu Tupä Ñandejárape che py’a ite guive,
nda che resarái chéne heta mba’e porã ome’ẽ hague chéve. O.
Ha’e oheja rei chéve che rembiapo vaikue
ha che mongueráva opaichagua mba’asýgui;
Ha’e ndohejái apa yvy kuápe ha mborayhúpe
che añuã ha che mokunu’ũ. O.
Tupä Ñandejára imba’e porã ha oporoporiahuvereko,
ndaipochy reíri ha oporohayhu;
Ha’e ndoporo mongavajúi mante ndaipy’arói ha ndaipochy aréi. O.
Yvága oĩ mombyry háicha yvýgui, upéichaite tuicha imborayhu umi hese ojeroviávare;
Kuarahy resẽ mombyry háicha kuarahy reikégui,
upéicha omomombyry ñande hegui ñane angaipa. O.
ALELUIA Sal 118, 36a. 29b
Aleluia.
Che korasö emboguejy nde apoukapy rehe
ha eme’ẽ chéve ne remime’ẽ aikuaa haguã rembiapoukapy.
Aleluia.
EVANGELIO
Ko’ágä ñahendúta Ñandejára Jesucristo rekove ha hemimbo’e San Mateo omombe’u háicha. 5, 33-37
Upe ramo Ñandejára he´i hemimbo’ekuérape:
Peẽ peikuaa oje’e hague pende ypy kuérape yma: “Ani repyrũ ne ñe’ẽ Tupä Ñandejára renondépe reme’ẽ va’ekuére.”
Che katu ha’e peẽme: Ani peme’ẽ pene ñe’ẽ mba’evéicha vérõ. Ani yvágare, cháke upéva Tupä Ñandejára guapyha, térã yvýre, cháke upéva ipyenda. Ani Jerusalén rehe, upévako mburuvicha guasu Tupã Ñandejára táva. Pene akãre jepe ani peme’ẽ pene ñe’ẽ.
Peẽ niko ndaikatúi, peteĩ pene akãraguénte jepe pemoapatĩ térã pemohũ. Peje uvei ‘Héẽ’, térã ‘Nahániri’. Pejeve ramo, upéva ou pe ivaívagui.
Ñandejára Jesucristo Ñe’ẽ