SÁBADO XVI DEL TIEMPO ORDINARIO

LECTURA PETEÎHA:

Ko’ágã ñahendúta Tupã Ñandejára ñe’ẽ Éxodo arandukápe oĩ háicha 24, 3-8

Moisés omombe’u Israelguápe upe Jesús he’iukáva. Ha maymáva he’i: Rojapóta opa mba’e he’íva Tupã Ñandejára.

Upérõ Moisés ohai Tupã Ñandejára ñe’ẽ ha opu’ãvo pyhareve omopu’ã yvyty rembe’ýpe altar ha 12 ita ñembo’y, umi 12 Israel ñemoñare guáre.

Upéi oiporavo mitã rusu Israelgua omymbahapy ha omymbajuka haguã Tupã Ñandejárape tóro ra’y, mba’e kuave’ẽ ramo joajurã. Moisés ombohyru umi mymba ruguy mbytere, ha upe mbytere ambuépe ohypýi altar.

Upéi ohupi ipópe kuatiañe’ẽ ojehai haguépe ñe’ẽ ñome’ẽ ha ohenduka maymávape. Israelgua oĩ haguéicha he’i: Rojapóta opa mba’e he’íva Tupã Ñandejára.

Upérõ Moisés ohypýi upe tuguy maymáva ári ha he’i: Kóva hína tuguy ñe’ẽ ñome’ẽ rehegua Tupã Ñandejára ojapóva pene ndive, oje’e háicha ko kuatia ñe’ẽme.

Tupã Ñandejára Ñe’ẽ.

SALMO ÑEMBOHOVÁI 49, 1-2. 5-6. 14-15

Opavave: Emomba’e guasu Tupä Ñandejárape

Ñandejára, Tupã oĩva opa tupã ári, oñe’ẽma.
Ha’e ohenói opa ko yvy apére oikóvape,
kuarahy resë guive kuarahy reike peve.
Sión, táva ne porãmba jepéva, upépe Tupã omimbipa. O.

“Pemboatypa umi che momba’évape,
umi imba’e kuave’ẽ rupi iñe’ẽ ome’ẽ va’ekue chéve.”
Yvága omombe’u ha’e heko jojaha,
Tupã Ñandejára upe oporombojovakéva. O.

Emomba’e guasu Tupã Ñandejárape nde py’aite guive,
ha eikuave’ẽ ichupe upéva.
Che renói rejejopy vai jave, ha che upégui roguenohẽta,
ha nde che momba’e guasúta. O.

ALELUIA Sant 1, 21bc

Aleluia.
Pejapyhýke py’a porãme pe Ñe’ẽ oñeñotÿva pende pype, ikatúva pene pysyrö.
Aleluia.

EVANGELIO

Ko’ágã ñahendúta Ñandejára Jesucristo rekove ha hemimbo’e San Mateo omombe’u háicha

13, 24-30

Upe ramo Jesús omombe’u jevy opavavépe ambue ñe’ẽ mbojoja. Ha he’i ichupekuéra: “Tupã Ñandejára sambyhy yvágagui oúva niko ojogua peteĩ oñotỹ va’ekuépe mba’e ra’ỹi iporãva ikokuépe.

Peteĩ pyharépe katu, ojekepa jave hína, oike ikokuépe peteĩ hese ija’e’ỹva ha oñotỹ ñana pe trígo apytépe, ha upéi oho. Pe trígo ty oñepyrũ opu’ã. Ha hi’ávo katu opu’ã avei umi ñana ijapytépe.

Pe kokue jára rembiguái kuéra oho hendápe ha he’i ichupe: ‘Karai, pe mba’e ra’ỹi reñotỹ va’ekue nde kokuépe niko iporã va’ekue. Mba’éicha piko péicharõ osë ko’ã ñana ijapytépe?’ Pe kokue jára he’i ichupe kuéra: ‘Oime va’erã niko peteĩ che rayhu’ỹva ojapo ra’e.’

Upépe umi hembiguái he’i ichupe: ‘Rohótapa romondóro umi ñana?’ Ha’e katu he’i ichupekuéra: ‘Nahániri, ani ágä pemondorokuévo umi ñana, pemondoro avei umi trígo. Iporãve jahejánte okakuaa oñondive oguahẽ meve ñemono’õha ára.

Upe ñemono’õha árape, ha’éta umi omba’apóvape omondoro raẽ haguã umi ñana, ha ojokua aty atýpe ojehapy haguã. Upe rire omboatýne hikuái pe trígo, ha omoĩ oñeñongatu haguãme.”

Ñandejára Jesucristo Ñe’ẽ