LECTURAS DOMINGO 30° DURANTE EL AÑO

LECTURAS DOMINGO 30° DURANTE EL AÑO

LECTURA PETEÎHA
ECLO 35, 12-14. 16-18
Ko’ágã ñahendúta Tupã Ñandejára ñe’ẽ ñe’ẽ Eclesiástico arandukápe oĩ háicha

Ñandejárako hína mbojovakeha heko jojáva ha avavépe nombojeroviái hekope’ỹ. Poguasu rehehápe ndo apo’íri mboriahúpe, ha ohendu ojejopýva rembijerure.

Nomboykéi tyre’ỹme ojerurérõ, térã imenave’ỹva pe ipyahẽrõ. Ñandejárape omomba’e guasúva, ojererohory, ha imba’e jerure oguahẽ yvága peve.

Mboriahu ñembo’e ohasa arai, ha oguahẽ meve ijapýpe ndopytu’úi. Naikane’õi upe yvatetegua oike peve ombojovake haguã imarangatúvape, ha ojapo upe ipo jojáva.

Tupã Ñandejára Ñe’ẽ.

Opavave: Romomba’e guasu ndéve, Ñandejára.

SALMO ÑEMBOHOVÁI

33, 2-3. 17-19. 23
O.: Imboriahúva oñembo’e Ñandejárape ha ha’e ohendu.

Amomba’e guasúta opa ára Ñandejárape,
ichupe aropurahéita tapiaite.
Ñandejára ombovy’a che rekove.
Imboriahúva to hendu ha tovy’a!. O.

Heko vaívagui katu ndoikuaaséi mba’eve,
umíva opa vaerã tesaráipe.
Ñandejára ohendu umi ijohéi pyréva ñembo’e
ha oipe’a ichuguikuéra ipy’ambyasy. O.

Ñandejára oñemboja umi ohasa asýva rehe
ha oguenohẽ umi ikangypávape jejopy vaígui.
Ñandejára oguenohẽ jejopy vaígui
hembiguáikuérape, ha mba’eve ivaíva ndo jejapói chéne hendápe
oguahẽva rehe. O.

LECTURA MOKÕIHA
2Tim 4, 6-8. 16-18
Ko’ágã ñahendúta Tupã Ñandejára Ñe’ẽ San Pablo ohai va’ekue ikuatia mokõiháme Timotéope.

Che ra’y rohayhuetéva: Che aiméma ame’ẽ ha guãicha che rekove Ñandejárape ikuave’ẽmby ramo. Hi’aguĩma ára amano haguã. Hekoitépe niko añorairõ, ipahaite peve añani, ha ndajeíri che jeroviágui. Ko’ágã katu aha’arõ hína pe
jeguaka Ñandejára Jesucristo, mbojovakehára heko jojáva, omoĩtava che akã rehe pe árape, che reko potĩ hague rehe. Ha ndaha’e mo’ãi chéve añónte ome’ẽtava.

Ome’ẽta avei opa umi ipy’aite guive oha’arõ vape ha’e ou jevy. Ajereraha ypy ramo guare mburuvichakuéra renondépe che jehe añe’ẽ haguã, avave ndoúi va’ekue che pytyvõ. Che rejapaite hikuái, oĩ haguéicha. Ajerure Ñandejárape ani haguã ha’e omyengovia ichupekuéra upéva rehe. Ñandejára mante che pytyvõ ha che mombarete

Upéva rehe, ikatu va’ekue amoherakuã pe marandu osalváva opa umi Ñandejára rehe ojerovia’ỹvape. Ha upéicha Ñandejára Jesucristoche pe’a jaguarete jurúgui. Ha’e che mo’ãneopa mba’e vaígui, ha che rerahane yvágape ha’e
oisãmbyhyhápe. Toñemomba’e guasu ichupe opa ára! Amén.

Tupã Ñandejára Ñe’ẽ.

Opavave: Romomba’e guasu ndéve, Ñandejára.

ALELUIA 2Cor 5, 19

Aleluia. Cristo rupi Tupã Ñandejára ñane moingo porã jevy hendive, oheja reívo yvypóra angaipa,
ha ome’ẽvo oréve iñe’ẽ ojeiko porã jevy haguã
hendive. Aleluia.

EVANGELIO
LC 18, 9-14

Marandu porã Ñandejára Jesucristo rekove ha hemimbo’e San Lucas omombe’u háicha
Opavave: Romomba’e guasu ndéve, Ñandejára.

Upérõ ojapysaka hína Jesús rehe heta ojejapó va ha ojeroviáva ijehe ha oapo’íva hapichápe ha Jesús omombe’u chupekuéra kóva ko káso: “Oho ndaje tupaópe mokõi kuimba’e oñembo’évo. Peteĩva fariséo ha pe ambue katu impuésto kovraha. Pe fariséo oñembo’y ha oñembo’e kóicha: “Ñandejára, che aguyje ndéve na che mondáigui, nda che reko añái gui ha namyakãratĩrigui che rembirekópe. Ha upéi ave, ndajoguái amo impuésto kovrahápe.

Ha upéva ári, ajapo ajúno mokõi ára pukukue peteĩ semánape, ha opa mba’égui ame’ẽ ndéve 10gui peteĩ.”

Pe impuésto kovraha katu oñemoha’eño mombyrymi, ha nda’ipy’ái voi ohupi haguã hesa jepe yvá ga gotyo. Ha oinupãnupã ipyti’a, ha he’i: “Ñandejára, che poriahuverekókena.Pecador niko che.”

Upéi Jesús ojere he’i umi chupe ohendúvape: – Umi mokõi ojevývo hógape, Ñandejára oheja rei pe impuésto kovrahápe umi hembiapo vaikue, pe fariséope katu nahániri. Umi ojejapo ha oñembotuicháva niko oñemomichĩ vaerã ágã, ha umi oñemomichĩva katu oñembotuicháne.

Ñandejára Jesucrísto Ñe’ẽ.

Opavave: Romomba’e guasu ndéve, Ñandejára Jesucristo