LUNES TERCERO DE ADVIENTO

Ko’ágä   ñahendúta Tupã Ñandejára ñe’ẽ Número arandukápe oĩ háicha         24, 2-7. 17a

Balaam ojesaupi ha ohecha Israel guápe oĩva hína hekohápe aty atýpe, ñemoñare ojuehe guáva. Tupã Ñandejára espíritu oike ipy’a pýpe, ha Balaam oipyaha momarandu: Che Balaam, ku Beor ra’y, mombyry hína ahecha.

Ahendu umi mba’e Tupã Ñandejára he’íva, aikuaa ha’e oikuaáva avei.

Tupã Ñandejára ipu’akapáva heta mba’e ohechauka chéve che páype, che képe ramo guáicha.

Iporã Israel umi nde róga ha pende rekoha.

Ojogua umi ñu yvyty pa’ũ rupi ohasáva, ha umi yvotyty, ysyry rembe’ýre ipotýva, ojogua karaguataty oñotỹva Tupä Ñandejára ha umi kuri’y, y rembe’ýpe opu’ãva!

Israélpe upe y hembypáta, omohe’õ haguã hemitỹ nguéra, ha huvicha guasu aipo Agággui imbaretevéta.

Ama’ẽ hína Israel ko’ẽ ramo guáre, ahecha upégui osẽ, omimbíva kuarahýicha.

Tupã Ñandejára Ñe’ẽ.

SALMO ÑEMBOHOVÁI      24, 4-5a. 6-7bc. 8-9

R. Tupã Ñandejára, ehechauka chéve umi nde rape.

Tupã Ñandejára, ehechauka chéve umi nde rape, che mbo’e nde rapére.

Che sãmbyhy umi mba’e añete guávare.

nde Tupä che Jára, che Pysyröhára  R.

Ñandejára, mborayhu ha poriahuverekóre ne mandu’áke,

reñandúva ore rehe opa árape.

Che Jára, ani nde resarái che hegui, ne mborayhu niko tuicha.  R.

Tupä  Ñandejára niko imba’e porã ha imarangatu,

upévare oheko mbo’e heko vaívape.

Imboriahúvape oisãmbyhy ani haguätei ojavy,

ha hapére ichupekuéra omboguata. R.

ALELUIA Sal 84,8

Aleluia.

Tupã Ñandejára ore poriahuvereko ha ore pysyrö.

Aleluia.

EVANGELIO

Ko’ágä   ñahendúta Ñandejára Jesucristo rekove ha hemimbo’e San Mateo omombe’u háicha. Pejapysaka porãtapa hese?                                                    21, 23-27

Upe ramo Jesús oho jevy Tupaópe, ha oporombo’e jave upépe hína, oguahẽ hendápe pa’i ruvicha kuéra ha Israel moakãhára  kuéra. Oporandu ichupe hikuái:

Máva piko he’i ndéve rejapo haguã ko’ã mba’e? Máva pokatu rupi reju?

Jesús ombohovái ichupe kuéra: Che aporandúta avei peẽme peteĩ mba’e, ha peje ramo chéve, ha’éta peẽme mba’éicha rupípa ajapo ko’ã mba’e. Peje chéve: Máva piko ombou raka’e Juánpe oporomongarai haguã? Tupã Ñandejára térã piko yvypóra?

Ha’e kuéra katu oñepyrũ oñomongeta kyre’ỹ oñondive, ha he’i: “Ja’e ramo Tupã Ñandejára ombou hague ichupe, he’íta ñandéve: ‘Mba’ére ndaperoviái ra’e ichupe?’ Ha ja’e ramo yvypóra hague, opu’ãta ñande rehe opavave. Ha’e kuéra niko oguerovia hína Juan, maranduhára hague.”

Upévare he’i hikuái Jesúspe: Ndoroikuaái.

Upépe Jesús he’i ichupe kuéra: Upéicharõ, che avei namombe’u mo’ãi peẽme máva pokatu rupípa ajapo ko’ã mba’e.

Ñandejára Jesucristo Ñe’ẽ.