LECTURAS: LUNES 1° DURANTE EL AÑO

LECTURAS: LUNES 1° DURANTE EL AÑO

Ñahendúta Tupã Ñandejára Ñe’ẽ San Pablo ohai va’ekue Hebreos guápe    1, 1-6

Yma ite Tupã Ñandejára oñe’ẽ va’ekue ñande ru ypy kuera kuépe heta jevy ha heta hendáicha, umi maranduhára rupi. Ko’ágã katu, ko’ã ipahavevogua árape, oñe’ẽ ñandéve Ta’ýra rupi. Ha’e rupi niko ojapo va’ekue opa mba’e ha oheja ichupe imba’erã.

Ha’e niko Tupã Ñandejára reko mimbipa, Tupã ha’e háicha ite voi, ha pe omoĩmbáva hendápe opa mba’e iñe’ẽ pu’akapa rupi. Ñane mopotĩ rire ñane rembiapo vaikue etágui, oguapy yvágape Tupã Ñandejára guapyha akatúape. Mba’e guasu eteve umi Tupã Ñandejára remimboúgui, ha’e ohupitýgui Tupã Ñandejáragui téra mba’e guasuvéva peha’e kuéra oguerekóvagui.

Tupã Ñandejára niko nde’íri avave hemimboúre:

“Nde ha’e che Ra’y, che romoñemoña ko árape.”

Ha nde’íri avei avave hemimboúpe:

“Che itúvata ha ha’e che ra’ýta.”

Ambue hendápe katu, ohechaukávo Ta’ýra peteĩ etépe he’i:

“Opa Tupã Ñandejára remimbou to momba’e guasu ichupe.”

Tupã Ñandejára Ñe’ẽ.

SALMO ÑEMBOHOVÁI        96, 1. 2b. 6. 7c. 9

Opavave: Tupã Ñandejára mburuvicha guasu hína.

Ko yvy tuichakue tovy’a, umi yvy y mbyte rupi oĩva to vy’a.

Arai ypytũ oñuãmba ichupe, teko hekopegua ha teko joja iguapyha ramo oguereko. O.

Yvága heko joja omoherakuã ha maymáva ohecha heko mimbipa.

Otĩ omomba’éva, umi tupã gua’u rehe ojeroviáva. O.

Tupãnguéra oĩ haguéicha henondépe oho ojeity.

Nde ore Jára Yvatetegua, reime opa ko yvy ári, opa tupã nguéra ári. O.

ALELUIA          Mc 1, 15

Aleluia.

Ñandejára Jesucristo he’i:

“Tupã Ñandejára Sambyhy hi’aguïma

pejevy pene rembiapo vaikuégui ha perovia Marandu porä”.

Aleluia.

EVANGELIO

Marandu porã Ñandejára Jesucristo rekove ha hemimbo’e San Marcos omombe’u háicha         1, 14-20

Upe ramo Juan Bautista oñemoakãsã rire, Jesús oho Galiléape omoerakuã haguã Tupã Ñandejára marandu porã. He’i: “Oguahẽma upe ára oje’e va’ekue, ha Tupã Ñandejára sãmbyhy hi’aguîma. Pejevy Tupã Ñandejára gotyo ha perovia pe marandu porã.”

Jesús ohasa jave ohóvo yguasu Galiléa rembe’y rupi, ohecha Simón ha ityvýra Andréspe. Ha’e kuéra niko pira renohẽha, ha oity hína hikuái pyaha ýpe. Jesús he’i ichupe kuéra: Peju che moirũ, ha che pombo’éta penohẽ haguã pende rapichápe jejopy vaígui.

Upepete voi oheja hikuái umi pyaha, ha oho hendive.

Ha Jesús ohovévo upégui, ohecha Zebedeo ra’y kuérape, Santiago ha ityvýra Juánpe, ikanóape omoatyrõva hína umi ipyaha kuéra kanóape. Upépe voi ohenói ichupe kuéra, ha ha’e kuéra oheja itúva Zebedeo ha ipytyvõha kuéra ikanóape, ha oho Jesús ndive.

Ñandejára Jesucristo Ñe’ẽ.