DOMINGO SEMANA XIV TO

LECTURA PETEÏHA:

Ko’ágä ñahendúta Tupä Ñandejára ñe’ẽ Zacarías arandukápe oĩ háicha                    

    9,9-10                    

Evy’a etereíke táva Sión!

Epurahéi vy’águi Jerusalén!

Nde ruvicha guasu ou, imarangatu ha omimbipa,

ojejapo’ỹ rehe vúrro ra’y ári oguapy.

Ha’e ohundíta umi Efraím kárro, kavaju Jerusalén ha hu’y ñorairõrã.

Tetãnguérape oguerúta py’a guapy ha oisãmbyhýta yguasu guive yguasu peve, ysyry Eufrátesgui yvy opaha peve.

Tupä Ñandejára Ñe’ẽ.

Opavave: Romomba’e guasu ndéve, Ñandejára.

SALMO ÑEMBOHOVÁI         145, 1-2. 8-11. 13c – 14

Opavave: Nde réra amomba’éne opa ára.

Tupä che Jára, ndéve romomba’e guasúta che ruvicha.

Nde réra amomba’éta opa árape.

Ára ko’ẽ rehe romomba’e guasúta,

ha nde réra amomba’éne opa ára. O.

Ñandejára imba’e porã ha oporoporiahuvereko.

Ha’e oporohayhu ha hasýpe ipochy,

opavavépe ha’e ohecha kuaa,

ha ohecha ramo opa hembiapokue. O.

Opa ne rembiapokue ta ne momba’e guasu, Ñandejára,

opa nde rehe ojeroviáva ta ne momba’e guasu.

Ha’ekuéra tomoerakuã tuichaha upe ne retã,

ha’ekuéra toikuaauka nde ne mbareteha. O.

Ñandejára nopyrũiva iñe’ẽ rehe,

ha’e ipy’a porã opa mba’épe.

Ñandejára ojoko umi ho’ávape,

ikangývape omopu’ã jevy. O.

LECTURA MOKÖIHA:

Ñahendúta Tupä Ñandejára Ñe’ẽ San Pablo ohai va’ekue Roma guápe

                          8, 9. 11-13

Che pehenguekuéra:

Peë katu ndapeiko véima upe yvypóra rekópe, Espíritu rehéma, Tupä Espíritu oiko rupi pende pype. Oguereko’ỹva Jesucrísto  Espíritu ipype, nda ha’éi  Jesucrísto  rehegua.

Ha pe Jesús moingove jevyhare Espíritu oikove ramo pende pype, upe omoingove jevy va’ekue Jesucrístope voi, omoingove jevýta umi pende rete omano va’erãva, Tupä Espíritu oikovéva pende pype rupi.

Aipo ramo, che pehẽngue kuéra, jareko jajapo va’erã jaikóvo, ha nda ha’éi  yvypóra reko kangýpe. Peiko ramo peë yvypóra reko kangýpe, pemanóta. Ha Espíritu rupi pejuka ramo upe yvypóra reko kangy, peikovéta.

Tupä Ñandejára Ñe’ẽ.

Opavave: Romomba’e guasu ndéve, Ñandejára.

ALELUIA Cf, Mt 11, 25

Aleluia.

Romomba’e guasu che Ru, yvága ha yvy Jára, reñomi hague rehe

ko’ã mba’e umi iñarandu ha imba’e kuaávagui, ha reikuaauka umi iñarandu’ỹvape.

Aleluia.

EVANGELIO

Marandu porã Ñandejára Hesukrísto rehegua San Mateo omombe’u háicha

 11, 25-30

Opavave: Romomba’e guasu ndéve, Ñandejára

  Upérõ Jesús he’i: Che Ru, nde pópe niko oĩ yvága ha yvy. Romomba’e guasu reñomi haguére ko’ã mba’e umi iñarandu ha imba’e kuaávagui, ha reikuaauka haguére umi iñarandu’ỹvape.  Upéicha che Ru, péichante voi reipota vaekue ojehu.

      Che Ru niko omoĩ opa mba’e che pópe. Avave ndoikuaái Ñandejára Ra’ýpe, Túva añónte. Ha avave ndoikuaái Túvape, Ñandejára Ra’y añónte, ha umi che  aikuaaukasévape.

“Peju che rendápe opa peẽ pene kane’õ ha pemba’apo pohýiva, ha che ndive pepytu’úta. Peheja tamoĩ pende apére che júgo, ha pejapo che ha’éva peẽme. Ha peikuaáta che py’a porãha ha ndajejapoiha, ha che ndive pejuhúta pytu’u. Pe júgo amoĩ tava pende apére niko ivevúita peẽme, ha ndaipohýi mo’ãi upe aipotáva peraha”.

Ñandejára Jesucrísto Ñe’ẽ.

Opavave: Romomba’e guasu ndéve, Ñandejára Hesukrísto.