LECTURAS DOMINGO SEXTO DE PASCUA

LECTURAS DOMINGO SEXTO DE PASCUA

LECTURA PETEÏHA:

Ko’ágä ñahendúta Tupä Ñandejára ñe’ẽ Apóstol kuéra rembiapokuépe oĩ
háicha 8, 5-8. 14-17

Umi árape Felipe oho Samaría pegua táva guasúpe ha oñepyrũ oñe’ẽ ichupekuéra Cristo rehe. Upepegua oñembyaty ha opavave ojapysaka porã upe Felipe he’íva rehe, ohechágui umi techaukarã ha mba’e hechapyrãva ha’e ojapóva. Heta oguerekóva mba’e pochy okuéra, ha umi demóño osẽ ichugui kuéra osapukaihápe, ha heta oguata’ỹva ha paralítikope oñemonguera avei.

Upéva rehe ojevy’a eterei upe távape. Umi apóstol Jerusalénpe oĩva, oikuaávo Samariagua oguerohoryha Ñandejára Ñe’ẽ, omondo upépe Pedro ha Juánpe. Oguahẽvo, oñembo’e hikuái
umi Samariagua ogueroviávare, oñeme’ẽ haguã ichupekuéra Espíritu Santo, Ne’ĩra gueteri niko ou ra’e mavave ári Espíritu Santo, oñemongaraínte ra’e Ñandejára Jesús rérape. Upéma ramo Pedro ha Juan omoĩ ipo hesekuéra ha oñeme’ẽ ichupe kuéra Espíritu Santo.

Tupä Ñandejára Ñe’ẽ

Todos: Romomba’e guasu ndéve, Ñandejára.

SALMO ÑEMBOHOVÁI 66 1-3a. 4-7a. 16. 20
R.Mayma yvy ape rehe peikóva, vy’a pópe pepurahéi Tupäme.

Mayma yvy ape rehe peikóva, vy’a pópe pepurahéi Tupä Ñandejárape.
Héra peropurahéi, ha peje ichupe:
“Tuichaite mba’e niko ne rembiapokue”. R.
Opavave ne momba’e guasu nde rereropurahéi.

Peju pehecha Tupä Ñandejára rembiapokue,
umi mba’e hechapyrãva ñande rehehápe ojapóva. R.

Yguasu niko mbyte rupi omboja’o,
ha ñande ru ypy kuéra upe rupi oguatahápe ohasa.
Ha upéva heta ñane mbovy’a.
Ipu’akágui opa mba’e oguereko ipo guýpe. R.

Peë Tupä Ñandejára pemomba’éva, peju ta mombe’u peëme
mba’épa ha’e ojapo che rehe. Tupä Ñandejára hovasapy!

Ha’e che ñembo’e ohendu, ha akóinte che rayhu. R.

LECTURA MOKÖIHA:
Ñahendúta Tupä Ñandejára Ñe’ẽ San Pedro kuatia peteï hápe oï háicha 3, 15-18

Che pehengue kuéra pohayhu etéva: Pembojerovia Crístope, Ñandejára ramo pende py’aite guive. Opa ára peime pemombe’u haguãicha umi peëme oporandúvape mba’e rehepa pereko esperánsa. Ha upéva pejapo pejejapo’ỹ rehe ha py’a poräme. Peiko pende py’a guapy haguãicha, ikatu haguã umi oñe’ẽ vaíva pende reko porãre, Cristo reroviaha ramo, otĩ hikuái iñe’ẽgui.

Iporãve jahasa asy jajapo hague rehe mba’e porã, upéicha oipota ramo Tupä Ñandejára, ha ani jajapo hague rehe ivaíva. Cristo jepe niko omano ñande pekádo rehe, peteï jevy opa ára guarã. Ha’e nda ipekádoi va’ekue, ha umi iñañáva rupi ohasa asy, pende reraha haguã peëme Tupä Ñandejára rendápe.
Omano hetépe ha oikove jevy espiritu rupive.

Tupä Ñandejára Ñe’ẽ.

Todos: Romomba’e guasu ndéve, Ñandejára.

ALELUIA Jn 14, 23

Aleluia.
Pe che rayhúva ojapo che ha’éva ha che Ru ohayhúta ichupe.
Ha che Ru ndive rojúne roiko hendive.
Aleluia.

EVANGELIO
Marandu porã Ñandejára Hesukrísto rehegua San Juan omombe’u háicha 14, 15-21

El pueblo aclama: Romomba’e guasu ndéve, Ñandejára.

Upérõ Jesús he’i idisípulo kuérape: – Peẽ che rayhu ramo, pejapóta umi mba’e che
ha’éva peẽme. Ha che ajeruréta che rúpe ombou hag̃ua peẽme peteĩ pene pytyvõ
vaerãva, oĩ hag̃ua pene ndive opa árape. Upéva hína Espíritu Santo, ha ha’e oikuaaukáta
peẽme añeteguáva. Umi Ñandejárare ojerovia’ỹvape katu, ndou mo’ãi pe Espíritu Santo.
Umíva niko ndohechái ha ndoikuaái chupe. Peẽ katu niko peikuaa chupe, ha’e oĩgui
pene ndive ha oikótagui pende pype.

Ndapoheja mo’ãi tyre’ỹ. Aju jeýta aime hag̃ua pene ndive. Ko’ẽrõite, umi Ñandejárare
ojerovia’ỹva nda che recha mo’ã véima. Peẽ katu che recháta ha peikovéta, che aikove
jeýtagui. Upéva upe árape, peẽ pehecha kuaáta che peteĩnteha che ru ndive, ha peẽ
peteĩnteha che ndive, ha che peteĩnteha pene ndive. Upe ohendu ha ojapóva che ñe’ẽ,
ohechauka che rayhu añeteha. Che ru ohayhúta chéve che rayhúvape, ha che avei
ahayhúta chupe, ha ajechaukáta chupe.

Ñandejára Jesucrísto Ñe’ẽ.

Todos responden: Romomba’e guasu ndéve, Ñandejára Hesukrísto.