DOMINGO VIGÉSIMO NOVENO DURANTE EL AÑO

DOMINGO VIGÉSIMO NOVENO DURANTE EL AÑO

LECTURA PETEÎHA    EX 17, 8-13

Ko’ágã ñahendúta Tupã Ñandejára ñe’ẽ ñe’ẽ Éxodo arandukápe oĩ háicha

Ou Amalec gua ha ojeity Israel gua ári Refidím- pe. Moisés he’i Josuépe: Eiporavo kuimba’e kuéra ha esẽ pyhareve eñorairõ Amalec gua ndive. Che ajupíta yvyty ru’ãme, Ñandejára yvyra jekoha re- heve.

Josué ojapo he’i haguéicha ichupe Moisés ha osẽ oñorairõ Amalec gua ndive. Upe aja Moisés, Aarón ha Hur ojupi yvyty ru’ãme. Moisés ohupi aja ipo yvate, Israel gua ipu’aka Amalec guáre.

Omboguejy aja katu, Amalec gua umi Israel guápe omboguevipa. Moisés katu ijyva kane’õ ha upéma ramo Aarón ha Hur omoĩ ichupe ita oguapy haguã, ha’e kuéra katu oñemoĩ mokõi- ve ijyke guio ojyva joko ichupe yvatévo. Upéicha opyta hikuái kuarahy oike peve. Ha Josué ipu’aka Amalec guáre kyse pukúpe.

Tupã Ñandejára Ñe’ẽ.

Opavave: Romomba’e guasu ndéve, Ñandejára.

SALMO ÑEMBOHOVÁI  120,1-8

O.: Ñandejára che pytyvõta.

Umi yvyty rehe ajesaupi ha che py’apýpe ha’e:

Máva piko che pytyvõta? Ñandejára che pytyvõta,

Ha’e niko yvága ha yvy apohare. O.

Ha’e   ndoheja   mo’ãi   ne   pysyrỹi. Upe nde rehe oñangarekóva ndokéiva araka’eve.

Ndokéiva térã ndokevýiva

upe Israel rehe oñangarekóva. O.

Ñandejára oñangarekóta nde rehe,

Ha’e upe nde ypýpe oĩva ne pytyvõ haguã.

Árape kuarahy ndojapói chéne nde rehe mba’eve

térã jasy pyharekue. O.

Ñandejára ndoheja mo’ãi ojehu ndéve mba’eve ivaíva, Ha’e oñangarekóta nde rehe.

Ha’e oñangarekóta nde rehe resẽvo ha rejevývo, Ko’ágã guive opa ára peve. O.

LECTURA MOKÕIHA        2TIM 3, 14-4,2

Ko’ágã ñahendúta Tupã Ñandejára Ñe’ẽ San Pablo ohai va’ekue ikuatia mokõiháme Timo- téope.

Che ra’y rohayhuetéva: Aníke araka’eve re- jei umi mba’e reikuaáva ha reroviávagui. Nde niko reikuaa porã mávapa nembo’e va’ekue. Ne mandu’áke ne mitã guive reikuaaha Ñan- dejára Ñe’ẽ. Reikuaa ikatuha nemoarandu ha ikatuha ne pytyvõ rejerovia ramo Cristo Je- sús rehe. Ñandejára Ñe’ẽ niko henyhẽ pu’aká- gui, ha iporã ñambo’e ha ñañemoñe’ẽ haguã ñande rapichápe, japoheko mbo’e ha ñaporo moarandu haguã hekopete.

Upéicha ramo, pe Ñandejárape omomba’e guasúva noikotevẽ mo’ãi mba’eve ojapo haguã opa mba’e iporãva. Ñandejára ha Cristo Jesús rérape, oútava Mburuvicha guasúicha ombojovake haguã oi- kovéva ha omanóvape, ajerure jevy jevy ndéve remo sarambi haguã pe marandu porã. Emo- herakuãke ijahápe ndéve ha ija’ỹháme avei. Eñe’ẽ opavavépe ku oguerovia añete haguãi- cha pe eréva, eñemoñe’ẽ ha mbegue mbegué- pe eheko mbo’e ichupekuéra.

Tupã Ñandejára Ñe’ẽ.

Opavave: Romomba’e guasu ndéve, Ñandejára.

ALELUIA  HEB 4, 12

Aleluia. Ñandejára Ñe’ẽ niko oikove ha ipu’aka. Oike ñande py’apy okañyvehápe, ha oipyguara ñane remiandu ha ñande py’a. Aleluia.

EVANGELIO LC 18, 1-8

+ Marandu porã Ñandejára Jesucristo rekove ha hemimbo’e San Lucas omombe’u háicha.

Opavave: Romomba’e guasu ndéve, Ñandejára.

Upe ramo Jesús omombe’u hemimbo’e kuéra- pe peteĩ káso ohechauka hag̃ua chupekuéra mba’éichapa oñembo’e vaerã, ani hag̃ua ipy’a kangy

Oiko vaekue ndaje raka’e peteĩ puéblope peteĩ juez ndokyhyjéiva Tupãgui ha nomom- ba’éi etéva voi avavépe. Ha upépe ndaje oiko vaekue avei peteĩ viúda py’ỹinte ohóva hendá- pe ha he’ímiva chupe, “Ág̃a ku pléito arekóva hína oúvo ndéve kena, ehecha osẽ porã hag̃ua chéve”. Ñepyrũrã pe juez nopenái hese. Upéi katu he’i ipy’apýpe, “Ndakyhyjéi ramo jepe Ñandejáragui, ha namomba’éi ave avavépe, ai- pytyvõta chupe. Ỹro niko manterei ág̃a oúne che rendápe, che monguerái peve.”

Upéi katu Jesús he’ive: Pehechápa hína mba’épa he’i pe juez reko karẽ. Peẽ piko pei- mo’ã Ñandejára noipytyvõ mo’ãi umi ha’e oi- poravo vaekuépe, ára ha pyhare oñembo’éva chupe. Peimo’ã nga’u piko ha’e oñeha’ãrõukáne hag̃ua. Nahániri. Pya’eterei niko pene pytyvõ vaerã. Ha ág̃a che aju jey vove yvy ári, ajuhúne- pa Ñandejárare ojeroviáva.

Ñandejára Jesucrísto Ñe’ẽ.

Opavave: Romomba’e guasu ndéve, Ñandejára Jesucristo.