DOMINGO XI DEL TIEMPO ORDINARIO

DOMINGO XI DEL TIEMPO ORDINARIO

LECTURA PETEÎHA:
Motivación: He’i Proféta Ezequiel, Ñandejára otrosa umi yvyra máta kakuaa ha omopu’ã yvate umi yvyra karape. Ndoipotái upe oñembotuicháva ha ohayhu pe oñemomichĩva.

Ko’ágã ñahendúta Tupã Ñandejára ñe’ẽ Ezequiel arandukápe oĩ háicha 17, 22-24

Ñandejára he’i: Che avei aikytĩta pe yvyra ru’ã, peteĩ ijyvatévagui, aikytĩta peteĩ hoky ijyvatéva umi hakãgui, ha araháta añotỹ, Israel pegua yvyty ijyvatevévape.

Upépe hakãta ha hi’áta ha oikóta ichugui yvyra ne porãva, opaichagua guyra ojaitypóta ipype, ha hakã kuarahy’ãme ojehupapo joáta. Opa yvyra ñu megua oikuaáta che, opa mba’e Jára, aityha umi yvyra ijyvatevéva, ha amopu’ãha umi ikarapevéva, ambopiru umi hovy asýva ha ambohoky umi ipirúva. Che, opa mba’e Jára, ha’e ha upéicha ajapóne.

Tupã Ñandejára Ñe’ẽ.

Opavave: Romomba’e guasu ndéve, Ñandejára.

SALMO ÑEMBOHOVÁI 91, 2-3. 13-16
Opavave: Ajépa iporãite oreaguyje ndéve ore Jára.

Ajépa iporãite reñemomba’e guasu ramo, ore Jára.
Ajépa iporãite nde réra ojereropurahéi ramo Tupã Yvatetegua.
Ne mborayhu ropurahéita pyhareve,
ha nepyrũiha ne ñeẽ rehe pyharekue ku ndorokéi jave. O.

Ku mbokaja ipotývaicha opu’ãta imarangatúva
ha tajýicha oikove pukúta.
Ojoguáta umi yvyra oñeñotỹva Ñandejára tupaópe
ha umi Tupã rogaguy rupi ipotývape. O.

Ituja rire jepe hi’áne ha akóinte imbarete ha hovyũ asýne.
Upéicha ohechaukáne Ñandejára, heko jojaha
ha ndaiporiha hese ja’e va’erã. O.

LECTURA MOKÔIHA:
Motivación: Jarovia oikotaha upe Ñandejára he’íva. Jepe ndaikatúiramo gueteri jahecha umi mba’e porã ñaha’arõva uperire Ñandejára ykére.

Ñahendúta Tupã Ñandejára Ñe’ẽ San Pablo ohai va’ekue ikuatia mokõiháme Corinto guápe 5, 6-10

Che pehengue kuéra: Ñande niko jajerovia mante. Jaikuaa jaikove aja ko ñande retépe, ñaimetaha mombyry Ñandejáragui. Ko’ágã ndaikatúi jahecha chupe, jaikónte jajeko jeroviáre. Jajerovia ñande jehe, ha upévare ñaimese mombyry ñande retégui, jaha haguã jaiko Ñandejára ndive.

Upévare ñañeha’ã jajapo mante upe Ñandejára oipotáva, tañaime térã tañaime’ỹ ñande retépe. Opavave niko jaha va’erã Cristo rendápe, ha’e ñane mbojovake ha omyengovia haguã peteĩteĩme iporã térã ivaíva ojapo vaekuére, hetépe oiko aja.

Tupã Ñandejára Ñe’ẽ.

Opavave: Romomba’e guasu ndéve, Ñandejára.

ALELUIA
Aleluia.
Pe mba’e oñeñotýva niko ha’e Tupã Ñandejára Ñe’ẽ.
Pe oñemitỹva ha’e Cristo.
Aleluia.

EVANGELIO
Motivación: Jesús ombojoja Ñandejára Reino peteĩ semilla’íre oñeñotỹva ñande rekovépe, ñande comunidad-pe. Ndajahecháiramo jepe okakuaahína mbeguekatu.

Marandu porã Ñandejára Jesucrísto rekove ha hemimbo’e San Marcos omombe’u háicha 4, 26-34
Opavave: Romomba’e guasu ndéve, Ñandejára.

Heta ijaty upérõ ohendu haguã Jesúspe, ha’e he’i chupekuéra: “Ñandejára Reinope ojehu, ojehuháicha peteĩ kuimba’e oñemitỹva’ekuépe.

Ha’e okérõ térã ipáype, pyhare térã arakue, pe semílla heñói ha okakuaa, ha’e oikuaa’ỹre mba’éichapa. Pe yvýgui niko ijehegui voi heñói raẽ upéi hakã ha upéi heta hi’a. Ha umíva hi’ajúvo oñembyaty, oguahẽmagui mono’õha ára.”

He’i avei Jesús: Mba’épepa ojogua Ñandejára Réino? Mba’épepa ñambojojáta?

Ojogua ku mostása ra’ỹime oñeñotỹva. Mostása ra’ỹigui michĩvéva niko ndaipóri. Oñeñotỹvo katu okakuaave opa mba’e kokuépe opu’ãvagui, ha guyrakuéra jepe ou ojaitypo umi hakãre.

Upéicha Jesús oñemoñe’ẽ chupekuéra heta mbojoja ko’ãichagua rupi, ikatu haguã oike iñakãmenguéra. Ha mba’eve nde’íri chupekuéra mbojoja oiporu’ỹre. Idisípulokuérape katu omyesakã opa mba’e upe rire.

Ñandejára Jesucrísto Ñe’ẽ.

Opavave: Romomba’e guasu ndéve, Ñandejára Hesukrísto.