JUEVES TERCERO DE PASCUA

JUEVES TERCERO DE PASCUA

Primera lectura:

Ko’ágä   ñahendúta Tupã Ñandejára ñe’ẽ Apóstolkuéra rembiapokuépe oĩ háicha    

                            8, 26-40

PeteĩÑandejára remimbou he’i Felípepe: “Epu’ã ha tereho yvy gotyo, upe tape Jerusaléngui Gaza gotyo guáre.” Ko tape ohasáva yvy ojeiko’ỹha rupi. Felipe opu’ã ha oho, ha tapépe ojuhu peteĩ kuimba’e Etiopiagua ndive. Upéva mburuvicha, Etiopía ruvicha guasu kuñáva viru rerekua, oho va’ekue Jerusalénpe omomba’e guasúvo Tupãme. Ojevy hína hetãme ikárrope, ha omoñe’ẽ ohóvo maranduhára Isaías kuatiañe’ẽ.

Espíritu he’i Felípepe: “Eñemboja ikárrore.” Felipe oñembojávo ohendu omoñe’ẽha Isaías kuatia Ñe’ẽ, ha oporandu ichupe: Hesakã porãpa ndéve upe remoÑe’ë va rehóvo?

Upe Etiopiagua he’i ichupe: Mba’éicha piko hesakãta, ndaipóri ramo omoesakãva chéve?

Ojerure Felípepe ojupi ha oguapy haguã ijykére. Upe omoñe’ẽva ohovo hína kóva:

 “Ojereraha ovecháicha ojejuka haguã, ovecha ra’ýicha okirirĩva iñapihã renondépe, ha’e ndoje jurupe’ái.

Oñemotĩndy ha noñe mbojovakéi hekópe.

Mávapa imandu’áne iñemoñarére?

Hekove niko ojepe’a ko yvy árigui”.

Pe mburuvicha Etiopiagua oporandu Felípepe: Mávare piko he’i ko’ã mba’e maranduhára: ijehe piko térã ambuére?

Upérõ Felipe oñepyrũvo upe Etiopiagua omoñe’ẽvagui, ohenduka ichupe marandu porã Jesús rehegua. Upéi ohasávo hikuái peteĩ hi’yha rupi, pe mburuvicha he’i: Ápe oĩ y, ikatúpa che añemongarai?

Upérõ omombyta ikárro, mokõive oguejy ýpe, ha Felipe omongarai ichupe. Osẽvo hikuái ýgui, Ñandejára Espíritu ogueraha Felípepe, ha pe mburuvicha ndohechavéi ichupe. Upéi oho hapére, ipy’a renyhẽ vy’águi. Felipe ojejuhu Azótope, ha ohasa umi táva rupi omoerakuãvo marandu porã, oguahẽ meve Cesaréape.

Tupã Ñandejára Ñe’ẽ.

SALMO ÑEMBOHOVÁI       65, 8-9. 16-17. 20

R. Opavave tetã pemomba’e guasu Tupã Ñandejárape.

O bien:

Aleluia.

Opavave tetã pemomba’e guasu Tupã Ñandejárape.

Pehenduka pende purahéi Tupã Ñandejárape.

Hese ae niko jaikove, ha na ñande rejái ñañehundi. R.

Peẽ Tupã Ñandejára pemomba’éva, peju ta mombe’u peẽme

mba’épa ha’e ojapo che rehe:

Héra niko ahenói ha ichupe amomorã

aguerohory amomba’e guasúvo. R.

Jehovasapyre Tupä Ñandejára.

Ha’e che ñembo’e ohendu, ha akóinte che rayhu

nomboykéi iporiahuvereko chehegui.

¡Tetä nguéra pemomba’e guasu Tupä Ñandejárape!. R.

ALELUIA     Jn. 6, 51

Aleluia.

“Che hína pe mbuja Tekove rehegua  yvágagui oúva.

Umi ho’úva ko mbujágui  oikovéta opa ára ite”,

he’i Ñandejára Jesucristo.

Aleluia.

EVANGELIO

Ko’ágä   ñahendúta Ñandejára Jesucristo rekove ha hemimbo’e San Juan omombe’u háicha. Pejapysaka porãtapa hese?                                                       6, 44-51

Upe ramo Jesús he’i: Avave ndoúi che rendápe ndoguerúi ramo ichupe kuéra che Ru, che mbou va’ekue. Ha che amopu’ã jevýne ichupe kuéra ára pahápe. Maranduhára kuéra kuatiápe niko he’i: “Tupã Ñandejára oheko mbo’éta opavavépe.” Aipo ramo, oimeraẽ ohendúva che Rúpe ha ohejáva ha’e oheko mbo’e ichupe, umíva ou che rendápe.

Kóva nde’iséi oĩha ohecháva che Rúpe, nahániri. Pe Tupãgui oúvante pe ohecha va’ekue ichupe. Añetehápe ha’e peẽme: pe ojeroviáva che rehe oikovéta opa ára guarã. Che hína pe pan oporomoingovéva. Pende ru kuéra ypykue niko ho’u va’ekue maná yvy ojeiko’ỹháme, ha omano jevýnte avei upe rire. Che niko añe’ẽ peẽme mbuja oguejýva yvágagui, ha oimeraẽ ho’úva upéva nomano mo’ãi.

Che hína pe mbuja oporomoingovéva, oguejýva yvágagui. Upéva pe pan ho’úva oikovéta opa ára guarã. Pe mbuja che ame’ẽtáva peẽme niko che rete voihína, che ame’ẽva opavave rehehápe, oikove haguã.

Ñandejára Jesucristo Ñe’ẽ.