LECTURAS DEL 04 DE ENERO

LECTURAS DEL 04 DE ENERO

Primera lectura:

Ñahendúta Tupã Ñandejára Ñe’ẽ San Juan ohai va’ekue                  

        1 Jn 3, 22- 4, 6

Che ra’y kuéra: Ha’e ome’ẽta ñandéve opa jajeruréva, ñane Ñe’ẽ rendúgui hembiapoukapýpe ha jajapógui ha’e oipotáva. Ha hembiapoukapy hína kóva: Jarovia Ita’ýra Jesucrístope ha jajoayhu ha’e he’i haguéicha ñandéve. Umi ohayhúva hembiapoukapy oiko ipype, ha ha’e oiko ipype kuéra. Ha jaikuaa oĩha ñande pype, Espíritu ha’e ome’ẽ va’ekue rupi.

Che pehẽnguekuéra pohayhúva, ani perovia oimeraẽ he’ívape oñe’ẽha ichupe Tupã Ñandejára, peikuaa porã raẽ, jahecha pe espíritu oguerekóvapa ou Tupã Ñandejáragui térãpa nahániri, ko yvy henyhẽgui ohóvo maranduhára japúgui.

Péicha peẽ ikatu peikuaa mávapa oguereko Tupã Ñandejára Espíritu: Opa he’íva Jesucristo ou hague yvypóra teérõ, oguereko Tupã Ñandejára Espíritu. Upe ndoikuaaséiva mba’eve Jesúsgui, ndoguerekói Tupã Ñandejára Espíritu. Upéva rangue oguereko pe Crístore opu’ãva espíritu. Peẽ pehendúma ko espíritu ou va’erãha, ha che ha’e peẽme oĩmaha yvy ári.

Che ra’y kuéra pohayhu etéva, peẽ hína Tupã Ñandejára reheguáva, ha pende pu’aka va’ekue umi tekove japúre, pe Espíritu oĩva pende pype ipokatuvégui upe ipype kuéra oĩvagui. Umíva yvy arigua, upévare oñe’ẽ yvy ariguáre, ha umi heseguáva ohendu ichupe kuéra. Ñande katu, Tupã reheguáva.

Pe oikuaáva Tupã Ñandejárape ñane rendu ha pe ndaha’éiva Tupã Ñandejára rehegua na ñane rendúi. Péicharõ ikatu jaikuaa mávapa oguereko pe añete rehegua espíritu ha pe japu espíritu.

Tupã Ñandejára Ñe’ẽ.

SALMO ÑEMBOHOVÁI                         2, 7-8. 10-12a

R.Pemomba’éke Tupä Ñandejárape, peñesüke henondépe.

Ahendukáta Tupä Ñandejára Ñe’ẽ.

Ha’e he’i chéve: “Nde che ra’y. Che romoñemoña ko árape.

Ejerure chéve ha ame’ẽta ndéve, Tetã nguéra ne mba’e teerã, ha yvy oĩ haguéicha. R.

Upévare, peikuaa porãke mburuvicha guasukuéra!

Pehendu porãke tetã sãmbyhyhárakuéra!

Pemomba’éke Tupä Ñandejárape. Peñesũke henondépe, ani ágã péichahágui ipochy. R.

ALELUIA

Aleluia.

Jesús omombe’u Marandu Porä Sambyhy rehegua

maymavépe tapichápe omonguera imba’asýgui.

Aleluia.

EVANGELIO

Ko’ágä   ñahendúta Ñandejára Jesucristo rekove ha hemimbo’e San Mateo omombe’u háicha. Pejapysaka porãtapa hese?                                              4, 12-17. 23-25

Upe ramo Jesús ohendúvo Juan oñemyakãsã hague, oho jevy yvy Galiléape. Osẽ táva Nazarétgui ha oho opyta Cafarnaúmpe, peteĩ táva oĩva yguasu rembe’ýpe, Zabulón ha Neftalí ñemoñare kuéra ypýpe. Upéva ojehu oiko haguã heko itépe umi mba’e maranduhára Isaías omoĩ va’ekue kuatiáre he’i ramo:

“Zabulón ha Neftalí ñemoñare kuéra yvy opytáva   yguasu gotyo ysyry Jordán mboypýri! Nde, yvy Galilea, ambue tetãgua oikohápe!

Umi yvypóra nde pypegua, oiko va’ekue pytũmbýpe, ohecha tesape tuicháva.

Tesapeha peteĩ ohesapéva umi omanóma va’ekuéicha oikóvape”

Upe guive Jesús oñepyrũ oñemoñe’ẽ ha he’i: Pejevy Tupã Ñandejára gotyo. Hi’aguĩma hína ñesãmbyhy yvágagui oúva.

Jesús oiko yvy Galilea rupi, ha oporombo’e umi judío kuéra tupao rupi. Ha’e omoherakuã marandu porã oñe’ẽva Tupã Ñandejára sãmbyhýre. Hetápe avei omonguera opaichagua mba’asy ha mba’e vaígui. Jesús herakuã opa rupi yvy Siria tuichakue. Ha ojereru ichupe opaichagua hasýva ha hete rasýva, umi mba’epochy poguýpe oikóva, itarováva ha umi ijapapágui oguata’ỹva. Ha Jesús omonguera ichupekuéra. Heta oĩ ohóva Jesús rapykuéri Galiléagui, Decápolis, Jerusalén, Judea ha Jordán mboypýrigui.

Ñandejára Jesucristo Ñe’ẽ.