LECTURAS DEL SÁBADO 14 DE DICIEMBRE
14 diciembre, 2019LECTURAS DEL LUNES 16 DE DICIEMBRE
15 diciembre, 2019LECTURAS DEL DOMINGO 15 DE DICIEMBRE
Primera lectura:
Ko’ágä ñahendúta Tupä Ñandejára ñe’ẽ Sofonías arandukápe oĩ háicha
3, 14-18a
Epurahéi Jerusalén, esapukái vy’águi Israel retã, evy’a Jerusalén!
Evy’a nde py’a ite guive! Tupä Ñandejára ndaipochy véima ne ndive, omosẽma nde rehe ija’e’ỹvape.
Tupä Ñandejára Israel ruvicha nde pype oĩ. Ndo jehu mo’ãvéi mba’eve ivaíva.
Upe ramo Jerusalénpe oje’éta: “Ani rekyhyje Sión,térã rehe ja nde jyva ikangy!” Tupä nde Jára oĩ nde pype, ha’e imbarete ha ne mo’ãta!
Tupä Ñandejára ovy’a ne ndive. Imborayhúpe ne moingove pyahúta. Ovy’a ha opurahéita nde pýri, Ojevy’a háicha arete jave.
Tupä Ñandejára Ñe’ẽ
SALMO ÑEMBOHOVÁI Is 12, 2-6
R. Pembo aguyje Tupä Ñandejárape, héra pehenói.
Ha’e hína Tupä Ñandejára, jejopy vaígui che pe’áva, hese ajerovia ha nda kyhyjéi.
Che Jára che mo’ã ha che mombarete, opa mba’e vaígui che pe’a. R.
Y penohẽta vy’a pópe ha ivaívagui ñesẽ ykuágui pey’úta. Upe árape pejéta:
“Pembo aguyje Tupä Ñandejárape, héra pehenói, Peikuaauka tetã nguérape imba’e mombe’upyrã, perosapukái héra jojaha’ỹ. R.
Pepurahéi Tupä Ñandejárape, ojapo hague rehe mba’e ndaijojahaiva, ha opa rupi ete pemoerakuã. Pesapukái vy’águi Siongua:
Tuicha itégui pende apytépe Israelgua Imarangatúva!” R.
Segunda lectura:
Ñahendúta Tupä Ñandejára Ñe’ẽ San Pablo ohai va’ekue Filipos guápe
4, 4-7
Che pehenguekuéra:
Pevy’a opa ára Tupä Ñandejára rérape. Ha’e jevy peëme: Pevy’a! Opavave toikuaa pene mba’e porãha. Tupä Ñandejára hi’aguĩma.
Ani pejepy’apy mba’eve rehe, pemoĩ uvei opa mba’e Tupä Ñandejára pópe pene ñembo’épe; pejerure ha peme’ẽ avei ichupe pende aguyje. Ha Tupä Ñandejára ome’ẽne peëme ipy’a guapy, tuichavéva opa ikatu va’erãgui yvypóra oha’arõ. Ha pe py’a guapy oñangarekóne pende py’a ha pene ñe’ã rehe, Cristo Jesús rupi.
Tupä Ñandejára Ñe’ẽ.
ALELUIA Is. 61, 1
Aleluia.
Tupä Ñandejára espíritu oĩ che pype, che poravo hague rehe imba’erã.
Ha’e che mondo araha haguã ñe’ẽ iporãva mboriahukuérape
Aleluia.
EVANGELIO
Ko’ágä ñahendúta Ñandejára Jesucrísto rekove ha hemimbo’e San Lucas omombe’u háicha.
Pejapysaka porãtapa hese?
3, 2b-3 10-18
Upe ramo Tupä Ñandejára oñe’ẽ Zacarías ra’y Juánpe, yvy ojeiko’ỹhápe, ha opa rupi ysyry Jordán rembe’y rupi, Juan oiko he’i opavavépe ojevy va’erãha Tupä Ñandejárape ha oñe mongaraiuka va’erã, Tupä Ñandejára oheja rei haguã ichupekuéra iñangaipa.
Aipo ramo, umi oĩva upépe oporandu ichupe:
Mba’e piko rojapo va’erã?
Ha Juan he’i ichupe kuéra: ijao mokõiva, to me’ẽ peteï pe oguereko’ỹvape. Ha pe hembi’úva, to ñomboja’o hapicha oguereko’ỹva ndive.
Oñe mboja avei oñe mongarai haguã umi omono’õva viru jehepyme’ẽ Rómape guarã, ha oporandu hikuái Juánpe:
Mbo’ehára, mba’e piko ore rojapo va’erã?
Juan he’i:
Ani peipe’ave pe peipe’a va’erãgui. Oĩ avei ñorairõhára oporandúva Juánpe:
Ha orépa mba’e rojapo va’erã?
Juan he’i ichupekuéra:
Ani peipe’a mba’eve avavégui, pemongyhyjévo térã pembojávo hese ojapo’ỹ va’ekue. Ha pevy’ánte pene rembiapo repykue rehe.
Opa oĩva upépe ojepy’a mongeta, ha oñeporandu Juánpa nda ha’éi chéne hína pe Mesías. Juan katu he’i ichupe kuéra:
Che niko añetehápe ýpe pomongarai, ha oime peteï oútava pene mongarai Espíritu Santo ha tatápe. Ha’e ipokatuve che hegui, ha chéve ija’ỹva ajora ichupe ipy rehegua sãnte jepe. Yrupẽ ipópe oipe’áta pe ikoga’a ra’ỹi hakãngue reígui. Oñongatúta pe ha’ỹingue, ha ohapýta pe hakãngue rei, peteï tata araka’eve ogue’ỹtavape.
Ha péicha, ha hetave ñemo ñe’ẽme, Juan oporomo marandu mba’e porã ou va’erã rehe. Upéi ave, oja’o Heródespe oguereko hague rehe ikuñárõ ityvýra anga rembireko Herodíaspe, ha opa hembiapo vaikue rehe. Herodes katu, umi hembiapo vai kuérakue ári ombojo’ave peteï: omoinge Juánpe yvyrakuápe.
Ha péicha, ha hetave ñemoñe’ẽme, Juan oporomo marandu mba’e porã ou va’erã rehe.
Ñandejára Jesucrísto Ñe’ẽ.