LECTURAS DEL DOMINGO 17 DE NOVIEMBRE

LECTURAS DEL DOMINGO 17 DE NOVIEMBRE

Primera lectura:

Ko’ágä ñahendúta Tupä Ñandejára ñe’ẽ Malaquías arandukápe oĩ háicha                    

            3, 19-20a

Ñandejára ipu’akapáva he’i: “Hi’aguĩma ára hendýva tatakuáicha ha opa umi ojejapóva ha heko añáva okáita ñana pirukuéicha. Upe ára oútava ohapýta opa mba’e ha mba’eve ndopyta mo’ãi ichugui kuéra. peë che momba’évape katu che reko joja omimbíta kuarahýicha oguerúva tesãi imba’e rendýpe.

Tupä Ñandejára Ñe’ẽ.

SALMO ÑEMBOHOVAI                              97, 5-9

R. Tupä oisãmbyhýta tetã nguéra teko marangatúpe.

Árpa púpe Ñandejárape tojepurahéi, mbaraka púpe ichupe tojepurahéi.

Turu ha trompéta púpe tojepurahéi Ñandejára, ñande ruvicha guasu renondépe. R.

Yguasu ha ipype oĩva tahyapupa, arapy ha opa ipype oikóva. Umi ysyry tojepopete,

ha yvyty kuéra tosapukái joa vy’águi. R.

Tojepurahéi Ñandejára renondépe oúgui ko yvy oisãmbyhy haguã. Ha’e oisãmbyhýta yvy teko jojápe ha tetã nguéra teko marangatúpe. R.

Segunda lectura:

Ñahendúta Tupä Ñandejára Ñe’ẽ San Pablo ohai va’ekue ikuatiañe’ẽ mokõiháme Tesalónica guápe                   

3, 6-12

Che pehenguekuéra:

Ore pehẽngue kuéra, rojerure peëme pejei haguã oimeraẽva ñane pehẽngue ba’apose’ỹvagui, ha ndoikóiva ore pombo’e haguéicha.

Peikuaa niko mba’épa pejapo va’erã peiko haguã ore roiko haguéicha: ore niko ndoroiko reíri va’ekue pende apytépe, ha ndoro’u reíri va’ekue avave rembi’u. Upéva rangue romba’apo va’ekue ára ha pyhare, ani haguã ore mongaru rei. Ikatu ramo jepe rojerure ra’e peëme ore pytyvõ haguã, romba’apo va’ekue rohechaukávo peëme mba’éichapa peiko va’erã.

Roime ramo guare  pene ndive niko ro’e va’ekue peëme kóva: Omba’apose’ỹva tokaru’ỹ. Rohendu oimeha pende apytépe oiko reíva, omba’apose’ỹva mba’evépe. Umívape ro’e Ñandejára Jesucrísto  rérape omba’apo haguã py’a guapýpe hembi’urã rehe.

Tupä Ñandejára Ñe’ẽ.

ALELUIA                                  Lc 21, 28

Aleluia.

Pemopu’ã pene akã. Pya’etéma peñepysyrõtagui”.

Aleluia.

EVANGELIO

Ko’ágä ñahendúta Ñandejára Jesucrísto  rekove ha hemimbo’e San Lucas omombe’u háicha. Pejapysaka porãtapa hese?                          

  21, 5-19

Ha ohendúvo hetápe oguerohoryha hikuái pe Tupao pegua umi ita hepýva ha kuave’ẽmby oñeme’ẽva Tupäme, Jesús he’i:

Opa mba’e pehechavagui, oguahẽta ára ndopyta mo’ãiha peteï itánte jepe ojo’ári. Oñehundipaitéta. Aipo ramo oporandu ichupe hikuái:

Mbo’ehára, mba’éicha piko rohecha kuaáta oguahẽmaha ára oiko potaha umi eréva?

Jesús he’i: “Pema’ẽ porãke. Aníke peheja avave pene mbotavy. Cháke oĩta heta oúva che rérape. He’íta hikuái: ‘Che ha’e upe Cristo’, ha ‘Oguahẽma ára’. Ha peëke ani peho hapykuéri kuéra. Pehendúta oikoha ñorairõ guasu opa rupi. Anínte peñemondýi. Umi mba’e niko ojehu raẽ va’erã voínte, jepe upéva nde’iséi oguahẽmaha pe ára paha”.

He’ive ohóvo ichupe kuéra: “Peteï tetã opu’ãne ambue rehe, ha opavave opu’ãmbáne ojuehe. Oikóta heta yvyryrýi guasu, ha oĩta ñembyahýi ha mba’asy heta hendápe. Ha ára rehe ojehechata heta mba’e oporomondýiva ha mba’e hechapyrã tuicháva”.

Ha opa ko’ã mba’e mboyve, peë peñemoakãsãta ha peñemuñáta. Pejereraháta umi judío kuéra tupaópe peñembojovake haguã. Pejereraháta yvyrakuápe ha pene moĩne umi mburuvicha guasu ha sãmbyhyhara kuéra renondépe, peiko hague rehe che ndive. Upéicha ramo ijáta peëme peñe’ẽ che rehe ichupe kuéra. Aníke peje py’apy peje va’erã rehe.

Che ame’ẽta hína peëme ñe’ẽ arandu meméva, avave umi pende rehe ija’e’ỹva ikatu’ỹtava ombohovái. Ha oiméta pene ra’ãva pende kupe guio, pende ru jepe, pende ryvy ha pende ryke’y kuéra, pende rogagua ha pene irũ nguéra. Oiméta pende apytépe ojejukáva, ha che remimbo’e hague rehe peë, avave ndaija’e mo’ãi pende rehe. Ha peteï pene akã rague jepe ndo’a mo’ãi pende hegui. Pejepytasóke, pehupity haguã jeikove opa’ỹva.

Ñandejára Jesucrísto  Ñe’ẽ.