LECTURAS: DOMINGO 2º DURANTE EL AÑO

LECTURAS: DOMINGO 2º DURANTE EL AÑO

Primera lectura:

Ko’ágä ñahendúta Tupä Ñandejára ñe’ẽ Isaías arandukápe oĩ háicha            49, 3-6

Tupä Ñandejára he’i chéve:

“Nde Israel, che rembiguái, nde rehe ajerovia”.

Che katu ha’e che pype:

“Reínte añeha’ã ra’e, ha che kane’õ rei mba’everã”.

Ñandejára katu oñangareko che rehe,

ha Tupä Ñandejára ome’ẽ chéve che rembiapokue repy.

Ha ko’ágã oñe’ẽ Tupä Ñandejára, upe che apo va’ekue che sy rye guive hembiguairã, che rehe ae Jacob ojevy haguã ha’e gotyo ha Israel oñemoĩ ijyke rehe.

Che katu tuicha mba’e Ñandejára renondépe, ha Tupä Ñandejára che mombarete.

Tupä Ñandejára he’i chéve:

“Nda ha’éi che rembiguairãnte roipotáva remoĩ jevy haguã hekópe Jacob ñemoñare

ha ojevy haguã umi hembýva Israélgui. Romoingóta uvei tetã nguéra resapeharõ, ikatu haguã

yvy jerekuévo oñesẽ jejopy vaígui”.

Tupä Ñandejára Ñe’ẽ.

SALMO ÑEMBOHOVÁI     40, 2. 4ab. 7-10

R. Ko ápe aime Tupä Ñandejára, ajapo haguã ne rembipota.

Tupä Ñandejára rehénte ajerovia.

Che rendápe oñemboja ha che rendu.

Che jurúgui omoheñói purahéi pyahu, ha Tupä Ñandejárape amomba’e guasu. R.

Rejerure rangue mymba juka ha mba’e kuave’ẽ, térã mymba hapy tembiapo vai jeheja reirã,

hendaguépe reju che resape’a. Upéva rehe ha’e ndéve: “Nde pópe añemoĩ”. R.

Ne rembiapoukapýpe he’íma voi umi mba’e che ajapo va’erã.

Tupä che Jára, nde reipotávante niko che aipota,

ne rembiapoukapy areko che ágã ruguápe. R.

Tupä Ñandejára, nde reikuaa akirirĩ rangue, opavavépe aikuaauka hague

nde reko joja. Nde reikuaa porä, che Ru. R.

Segunda lectura:

Ñahendúta Tupã Ñandejára Ñe’ẽ San Pablo ohai va’ekue ikuatia peteï háme Corinto guápe        1, 1-3

Che Pablo, Tupä Ñandejára oipota rupi
Jesucrísto  apóstol, Sóstenes ndive
romomaitei umi Tupä Ñandejára iglésia Corinto peguápe. Romomaitei ave opa umi
oñehenóiva oiko haguã Tupä Ñandejára mba’éva ramo, ha umi opa rupi omomba’e
guasúva Ñandejára Jesucrístope, Ñandejára ha umi Tupä mba’éva Jára. Tupä ñande
Ru ha Jesucrísto  Ñandejára to hekuavo  pende ári ipytyvõ ha ipy’a guapy.

Tupä Ñandejára Ñe’ẽ.

ALELUIA      Jn 1, 14a. 12a

Aleluia.

Upe ñe’ẽ ou va’ekue yvypóra ite ramo ha oiko ore apytépe

Umi ichupe omoguahẽ va’ekue ha hese ojerovia va’ekuépe katu omoingo

Aleluia.

EVANGELIO

Marandu pora Ñandejára Jesucrísto  rekove ha hemimbo’e San Juan omombe’u háicha 1,29-34

Upe ára ambuépe, Juan ohecha Jesús oñembojaha ohóvo hendápe, ha he’i: “Péina ápe, Tupä Ñandejára ovecha ra’y oheja reíva iñangaipa opavavépe ko yvy ári. Ha’e hína upe che mandu’a hague ha’e ramo: ‘Che rire oúta peteï tuichavéva che hegui, ha’e oikove hague rehe che aikove mboyve. Chete voi, ndaikuaái va’ekue mávanepa ha’e. Péicha ramo jepe, aporomongarai aikóvo ýpe, maymáva Israelgua oikuaa haguã mávapa ha’e”.

Ha Juan voi he’i va’ekue kóicha: “Ahecha Espíritu Santo yvágagui oguejýva, ha pykasúicha opyta hi’ári. Upéma ramo, che ndaikuaái va’ekue mávanepa ha’e. Upe che mbou va’ekue aporomongarai haguã ýpe, he’i chéve: ‘Upe nde rehechava Espíritu Santo oguejyha hi’ári, upéva hína upe oporomongaraíva Espíritu Sántope. Chete voi ahecha va’ekue, ha aikuaa porã Tupä Ñandejára Ra’yha ha’e”.

Ñandejara Jesucristo  Ñe’ẽ.