LECTURAS DEL DOMINGO II DE CUARESMA

LECTURAS DEL DOMINGO II DE CUARESMA

PRIMERA LECTURA

Ko’ágä ñahendúta Tupä Ñandejára ñe’ẽ Génesis arandukápe oĩ háicha                                                                     12, 1-4a

Tupä Ñandejára he’i Abrámpe:

Eheja ne retã ha nde ru róga, ha Te reho  upe yvy che ahechaukátava ndévepe. Ambohetáta ne ñemoñare ha oikóta ichugui tetã guasu. Rohovasáta, romoherakuã mombyrýta ha nde rupi ambue kuéra ojehovasáta. Ahovasáta umi nde rovasávape, ha ajahéita umi nde rehe ojahéiva rehe. Nde rupi ojehovasáta tetãnguéra yvy arigua.

Abrám oho, Tupä Ñandejára he’i haguéicha ichupe.

Tupä Ñandejára Ñe’ẽ.

SALMO ÑEMBOHOVÁI          33, 4-5. 18-20. 22

R. Tupä Ñandejára ne mborayhu ta ore añuamba.

Upe Tupä Ñandejára he’íva niko añete, ha opa mba’e ojapo teko jeroviápe.

Ha’e ohecha ramo teko joja ha opa mba’e hendápe ojejapóva.

Yvy niko henyhẽ chovi imborayhúgui. R.

Tupä Ñandejára katu oñangareko umi ichupe omomba’évape

ha imborayhu rehe ojeroviávape.

Umívape ha’e ndo hejái   omano ñembyahýi guasu ou jave. R.

Ore anga oha’arö Tupä Ñandejárape ha oñangarekóva ore rehe.

Tupä Ñandejára, ne mborayhu ta ore añuãmba.

Upéva roha’arõ nde hegui. R.

SEGUNDA LECTURA

Ñahendúta Tupä Ñandejára Ñe’ẽ San Pablo ohai va’ekue ikuatia mokõiháme Timotéope                           1-8b-10

Che ra’y rohayhuetéva:

Nde aveíkena ehasa asy remoherakuã hague rehe pe marandu porã. Tupä Ñandejára ne mombaretéta upéva reropu’aka haguã. Tupä Ñandejára niko ñane pysyrõ va’ekue, ha ñande poravo imba’erã. Péicha ojap, nda ha’éi  omoengovia haguã ñandéve mba’eve ñande japo va’ekue. Ha’e ojaposéguinte péicha ojapo, ha imba’e porãgui.

Tupä Ñandejára niko, Cristo Jesús rupi, imba’e porã ñane ndive opa mba’e oñepyrũ mboyve guive. Ha mba’eicha ite pevépa ha’e imba’e porã, ko’ágã ojehechauka ñandéve Cristo Jesús rupi, pe ñane pysyrõva. Ha’e upe ohundi va’ekue ñemano ha marandu porã rupi ohechauka pe jeikove opa’ỹva.

Tupä Ñandejára Ñe’ẽ.

ACLAMACIÓN    Cf. Mt 17, 5

R. Romomba’e guasu ndéve Ñandejára Jesucrísto.

Pe araígui oñehendu peteï Ñe’ë he’íva:

Kova hína che Ra’y ahayhu etéva, pehendu ichupe.

R. Romomba’e guasu ndéve Ñandejára Jesucrísto

EVANGELIO

Ko’ágä ñahendúta Ñandejára Jesucrísto  rekove ha hemimbo’e San Mateo omombe’u háicha.

Pejapysaka porãtapa hese?                                                        17, 1-9

Upe ramo Jesús ogueraha Pédrope, ha Santiago ha tyvýra Juánpe, ha ojupi hikuái peteï yvyty ijyvatéva ru’ãme. Upépe henondépe kuéra, Jesús rete oñemoambue ohóvo. Hova oñepyrũ omimbi kuarahýicha, ha umi ijao katu morotĩ sakã ha ojajaipa. Ha peichahágui katu ohecha Moisés ha Elíaspe, oñemongetáva hína Jesús ndive. Upépe Pedro he’i Jesúspe:

Che Jára, iporã ite niko ikatu rehe roime ko’ápe. Reipota ramo ajapóta peëme pene rendaguã, peteï ne mba’erã, peteï Moiséspe guarã ha Elíaspe guarã avei.

Pedro oñe’ẽ aja, ou peteï arai omimbipáva ha ojaho’i ichupe kuéra. Pe araígui oñehendu peteï ñe’ẽ he’íva:

Kóva hína che Ra’y ahayhu etéva, che aiporavo va’ekue. Pehendu ichupe.

Hemimbo’e kuéra ohendúvo upéva, oñesũ omboja peve hova yvy rehe, okyhyje etereígui. Jesús katu oñemboja hendápe kuéra. Ha opokóvo hese kuéra he’i:

Pepu’ã, ani pekyhyje.

Ha ojesaupívo, ndohecha véima avavépe. Jesús ha’eñoha mante ohecha.

Oguejykuévo pe yvytýgui, Jesús he’i ichupe kuéra:

Aníke pemombe’u avavépe ko pehecha va’ekue che, yvypóraicha aju va’ekue, aikove jevy peve omanóva apytégui.

Ñandejára Jesucrísto  Ñe’ẽ.