LECTURAS DEL DOMINGO V DE CUARESMA

LECTURAS DEL DOMINGO V DE CUARESMA

Ko’ágä ñahendúta Tupä Ñandejára ñe’ẽ Ezequiel arandukápe oĩ háicha 37, 12-14

Péicha oñe’ë Tupä Ñandejára:

‘Che retãgua maymáva, poguenohẽta pe yvykua peñeñotỹ haguégui ha pomondo jevýta tetã Israélpe. Ha ágã poguenohẽ jevýma ramo pe yvykua peñeñotỹ haguégui, pehecha kuaáta, Peë che retãgua, cheha Tupä. Che amoĩta pende pype tekove pytu che heguíva, ha peë peikove jevýta, ha pomoĩ jevýta pende yvy teépe. Upépe peikuaáta che, Tupä pende Jára, ha’e ha ajapo hague.’ Che, Tupä, ha’e upeichaha.

Tupä Ñandejára Ñe’ẽ.

SALMO ÑEMBOHOVÁI 130, 1-5. 6c-8

R. Tupä Ñandejára mborayhu niko naiñambuéiva.

Amo ipypukuvehágui niko ndéve añembo’e che Jára.
Che Jára, che rendu mína.
Ejapysaka porã che rehe,
ejapysaka che rembijerure rehe. R.

Ne mandu’átarõ ore rembiapo vaikue rehe,
piko máva oñemoĩta ne renondépe?
Nde katu reheja rei oréve ore angaipa
ikatu haguã ndéve romomba’e. R.

Che py’a ite guive aha’arõ Tupä Ñandejára che pytyvõ haguã,
ha arovia upe iñe’ẽ ha’e ome’ẽva chéve.
ku guárdia ajapóva ára ko’ẽ oha’arõ háicha,
eha’ärö Israel Tupä Ñandejárape. R.

Ejerovia Tupä Ñandejára rehe.
Imborayhu niko na iñambuéiva,
ha jejopy vaígui ha’e ñane renohẽta.
Ha’e oheja reíta Israélpe opa iñangaipa. R.

El Espíritu de Aqué que resucitó a Jesús habita en ustedes

SEGUNDA LECTURA:

Ñahendúta Tupä Ñandejára Ñe’ẽ San Pablo ohai va’ekue Roma guápe 8, 8-11

Che pehenguekuéra:

Upéva rehe, umi yvypóra reko kangy rehe oikóva ndaikatúi ombohorývo Tupä Ñandejárape.
Peë katu ndapeiko véima upe yvypóra rekópe, Espíritu rehéma, Tupä Espíritu oiko rupi pende pype. Oguereko’ỹva Jesucrísto Espíritu ipype, nda ha’éi Jesucrísto rehegua.

Ha Jesucrísto oikove ramo pende pype, omanóta ramo jepe pende rete pene angaipa kue rehe, pe espíritu oikove Tupä Ñandejára pene mboheko joja rupi. Ha pe Jesús moingove jevyhare Espíritu oikove ramo pende pype, upe omoingove jevy va’ekue Jesucrístope voi, omoingove jevýta umi pende rete omano va’erãva, Tupä Espíritu oikovéva pende pype rupi.

Tupä Ñandejára Ñe’ẽ.

ACLAMACIÓN Jn 11, 25a. 26

R. Romomba’e guasu ndéve Jesucrísto .
Che hína pe aporomoingovéva, ha aporomoingove jevýva.
R. Romomba’e guasu ndéve Jesucrísto .

EVANGELIO

Ko’ágä ñahendúta Ñandejára Jesucrísto rekove ha hemimbo’e San Juan omombe’u háicha.
Pejapysaka porãtapa hese? 11, 1-7. 20-27. 33b-45

Mokõive Lázaro reindy he’iuka Jesúspe:

Ore Jára, ne irũ rehayhu etéva niko hasy hína.

Upéva Jesús ohendúvo he’i:
Kóva ko mba’asýgui Lázaro nomano mo’ãi. Upéva rupi katu ojehechata mba’echa itépa tuicha Tupä ha Tupä Ra’y.

Jesús niko ohayhu Marta, tyke’ýra ha Lázarope. Ha oje’e ramo jepe ichupe Lázaro hasyha, opytave upe oĩháme mokõi ára. Upéi he’i hemimbo’ekuérape:

Jaha jevy Judéape.
Jesús oguahẽvo Betániape, ojuhu ojapóma hague 4 ára Lázaro retekue oñemoĩ hague itakuápe.

Marta ohendúvo Jesús oguahẽha ohóvo, osë ohuguaitĩvo. Marta katu opyta hógape. Marta he’i Jesúspe:

Che Jára, reime rire ko’ápe che kyvy nomanói va’erã mo’ã. Ha aikuaa ko’ágã jepe, Tupä Ñandejára ome’ẽtaha ndéve oimeraẽ mba’e ichupe rejeruréva.

Jesús he’i ichupe:
Nde kyvy oikove jevýta.

Marta katu he’i ichupe:
Che niko aikuaa ágã ára pahápe, ha’e oikove jevytaha opa omanóva oikove jevývo.

Upépe Jesús he’i ichupe:
Che hína pe aporomoingovéva, ha aporomoingove jevýva. Che rehe ojeroviáva, omano ramo jepe oikovéta. Ha opa oikovéva gueteri ha ojeroviáva che rehe, nomano mo’ãi araka’eve.

Ndépa rerovia ko’ã mba’e?

Ha Marta he’i ichupe:
Arovia che Jára. Che arovia nde ha’eha pe Mesías, Tupä Ra’y, ouva’erãva ko yvy ári.
Opoko Jesús py’a rehe ohechávo mba’éichapa María ojahe’o ha umi hendive ou va’ekue. Ha tuicha oguapy hese upéva. Oporandu ichupekuéra:
Mamo piko pemoĩ ra’e hetekue?

He’i hikuái ichupe:
Eju ehecha, ore Jára.

Upévo Jesús hasẽ. Ha umi upépe oĩ va’ekue he’i:
Pehecha piko mba’éichapa ohayhu ra’e ichupe?
Oĩ katu he’íva:
Ha’e niko omonguera va’ekue ohecha’ỹvape. Ndaikatúi chéne nga’u piko ojapo ra’e mba’e ani haguã Lázaro omano?

Jesús tuicha ñembyasy reheve oñemboja pe itakuápe. Pe itakua juru oñemboty peteï itápe.

Jesús he’i:
Peipe’a ko ita.

Marta, pe omanóva reindy he’i ichupe:
Che Jára, inéma niko, 4 árama niko ojapo omano hague.

Jesús he’i ichupe:
Nda’éi nga’u piko ndéve ra’e, rejerovia ramo che rehe rehechataha mba’eicha itépa tuicha Tupä Ñandejára?

Ha oipe’a hikuái pe ita pe itakua jurúgui. Ha Jesús oma’ẽ yvate gotyo ha he’i:
Che Ru, romomba’e, nde che rendúgui. Che aikuaa nde che renduha mante. Ha’énte ndéve kóva, umi ko’ápe oĩva rehe, ha’e kuéra oguerovia haguã ndeha pe che mbouva’ekue.

Péicha he’i rire, osapukái:
Lázaro, esẽ upégui.

Pe omano va’ekue osẽ okápe. Umi ipo ha ipy ojejokuapa génerope, ha hova katu ojejaho’i pañuélope. Jesús he’i upépe: Pejora ha peheja toho.

Heta umi ouva’ekue María andúvo, ohechávo pe Jesús ojapo va’ekue ou ojerovia hese.

Ñandejára Jesucrísto Ñe’ẽ.