LECTURAS DEL JUEVES TRIGÉSIMA TERCERA SEMANA

LECTURAS DEL JUEVES TRIGÉSIMA TERCERA SEMANA

Primera lectura:

Ko’ágã ñahendúta Tupã Ñandejára ñe’ẽ Macabeos arandukápe oĩ háicha  2, 15-29

Umi árape: Oguahẽ Modínpe mburuvicha guasu rembiguái kuéra ojopývo umi upépe guápe oikuave’ë haguã mymba juka, heta Israelgua oñemoĩ hendivekuéra.

Matatías ha ita’ýrakuéra katu ndojehe’ái hese kuéra. Aipo ramo, umi mburuvicha guasu rembiguái he’i ichupekuéra: “Nde niko peteĩ yvypóra ojeroviaha maymáva ko táva kóvape, ha oĩ ne ndive nde ra’ykuéra ha opavave nde rogagua. Eñemboja nde raẽ ha ejapo pe mburuvicha guasu he’íva opa tetãme ojejapo háicha, ha upéicha avei Judeagua ha umi hemby va’ekue  Jerusalénpe. Upéicha ramo, nde ha nde ra’y kuéra pepyta porãta mburuvicha guasu ndive ha ha’e ome’ëkáta peẽme óro ha pláta ha opaichagua jopói.”

Matatías katu he’i hatã ichupekuéra: “Jepe ra’e opa tetã oĩva mburuvicha guasu poguýpe iñe’ẽ rendu ichupe ombotapykue itúva kuéra ypykue rembiroviakue ha ojapo ha’e he’íva, che, che ra’y kuéra ha che pehẽngue maymáva, rombojeroviáta akói pe ñe’ẽ ñome’ẽ ojapo va’ekue  Tupã Ñandjára ore ru kuéra ypykuéra kue ndive. Anímo Tupã Ñandejára oheja rombotapykue hembiapoukapy ha opa ore reko jeroviaha! Ore ndorojapo mo’ãi pe mburuvicha guasu he’íva ha noroñemboyke mo’ãi ore asúvo térã ore akatúavo ore reko jeroviahágui.”

Matatías oñe’ẽmbávo, oñemotenonde peteĩ Israelgua omymba juka haguã pe altar ári, Modínpe omopu’ã va’ekue  umi mombyrygua, mburuvicha guasu oipota háicha.

Upépe, Matatías ipochy eterei, oryrýi osusũ pochýgui, ha opu’ã oñakã’ö pe altar ári voi upe Israel guápe, ha ojuka avei pe mburuvicha guasu rembiguáipe, ojopýva Israelgua kuérape oikuave’ẽ haguã mymbajuka, ha omoangu’ipa upe altar. Matatías ohechauka mba’éicha ite pevépa hakate’ỹ Tupã Ñandejára rembiapoukapýre, ha ojapo ojapo haguéicha Zimrí rehe, Salú ra’y.

Upéi oñemoĩ osapukái upe táva guasu jerekuévo: “Opa hakate’ỹva Tupã Ñandejára rembiapoukapýre ha omboykese’ỹva ñe’ẽ ñome’ẽ Tupã Ñandejára ndive ojejapo va’ekue, tou che rapykuéri!”

Matatías ha ita’ýra kuéra oho okañy hikuái yvytýre, ha oheja rei opa oguerekóva.

Umíva umi árape, heta umi oikoséva teko potĩme, Tupã Ñandejára rembiapoukapy ohechauka háicha, ohopa oiko umi yvy ojeiko’ỹháme rupi.

Tupã Ñandejára Ñe’ẽ.

SALMO ÑEMBOHOVÁI     49, 1-2. 5-6. 14-15

Opavave: Oguatáva Tupã Ñandejára rapére, ohecháne ichupe.

Ñandejára, Tupã oĩva opa tupã ári, oñe’ẽma.

Ha’e ohenói opa ko yvy apére oikóvape,

kuarahyresëguivekuarahyreikepeve.

Sión, táva ne porãmba jepéva, upépe Tupã omimbipa. O.

“Pemboatypaumichemomba’évape,

umiimba’ekuave’ẽrupiiñe’ẽome’ẽva’ekuechéve.”

TupãÑandejáraupeoporombojovakéva.

Yvágaomombe’uha’ehekojojaha. O.

Emomba’e guasu Tupãme nde py’a ite guive, ha eikuave’ẽ ichupe upéva.

Che renói rejejopy vai jave,  ha che upégui roguenohẽta,

ha nde che momba’e guasúta. O.

ALELUIA Sal 94, 7d. 8a

Aleluia.

Pehendúke Tupã Ñandejára ñe’ẽ, ani pemohatã pene korasõ.

Aleluia.

EVANGELIO

Ko’ágã ñahendúta Ñandejára Jesucristo rekove ha hemimbo’e San Lucas omombe’u háicha   19, 41-44

Upe ramo oguahẽvo Jerusalén ypýpe, ohechávo upe táva guasu, Jesús ojahe’o hese, ha he’i: ‘Ikatúmo ra’e ko árape, nde avei reikuaa mba’épa ome’ẽ kuaa ndéve py’a guapy!

Ko’ágã  jepe, upéva okañy nde hegui ha ndaikatúi rehecha. Oúta ndéve guarã heta ára ivaíva. Umi nde rehe ija’e’ỹva omopu’ãtaha tápia nde jerére, ha okaguaíta nde rehe opáguio, ha ne rundietéta hikuái. Ojukapáta nde pypeguakuéra, ha ndoheja mo’ãi ita ojo’ári, nderehechakuaái rupi pe ára ou hague Tupã Ñandejára ne momarandúvo.

Ñandejára Jesucristo Ñe’ẽ.