LECTURAS DEL LUNES 23 DE DICIEMBRE

LECTURAS DEL LUNES 23 DE DICIEMBRE

Primera Lectura:

Ko’ágä   ñahendúta Tupã Ñandejára ñe’ẽMalaquías arandukápe oĩ háicha                                   

3, 1-4. 23-24

Tupã Ñandejára ipu’akapáva he’i: “Amondóta che rembijokuái ombasako’i haguã che raperã. Pende Jára peẽ pehekáva oikéta itupaópe. Oguahẽma pe oñemboúva ha ogueru pe ñe’ẽ me’ẽ peẽ peipotáva”!

Ha mávapa ikatúne ogueropu’aka upe ára? Mávapa ikatúne opyta ñembo’yhápe? Oguahẽta tatáicha ñane mopotĩ haguã. Ha’éta havõicha oipe’áva ky’a ñande hegui. Tupã Ñandejára oguapýta omopotĩ haguã pa’i kuéra, Leví ñemoñare, oñemopotĩ háicha pláta ha óro tatápe. Upéi ha’e kuéra ikatúta omba’e kuave’ẽ hekópe Tupã Ñandejárape. Upérõ Ñandejára oguerohorýta Judá ha Jerusalén mba’e kuave’ẽ oguerohory haguéicha ymave.

Pema’ẽ, amboúta peẽme maranduhára Elías, oguahẽ mboyve Ñandejára ára. Upévata hína ára nde tuicháva ha ojekyhyje etereiha! Ha’e omoingo porãta túva ta’ýra kuéra ndive. Upéicha’ỹ ramo, ajúta ainupã hetã ha ahundi etéta.”

Tupã Ñandejára Ñe’ẽ.

SALMO ÑEMBOHOVÁI                24, 4-5ab. 8-10. 14

R. Tupã Ñandejára, ehechauka chéve umi nde rape

Tupã Ñandejára, ehechauka chéve umi nde rape,

ha umíva rupi che sãmbyhy.

Che reraha pe roviapy rapére;che mbo’e Ndéko hína che Jára.  R.

Tupä Ñandejára imba’e porã ha imarangatu,

upévare oheko mbo’e heko vaívape.

Imboriahúvape oisãmbyhy ani haguãtei ojavy, ha hapére ichupe kuéra omboguata. R.

Tupã Ñandejára rape kuéra mborayhu ha teko jerovia,

ko’ã mba’e ohupity umi hembiapoukapy ojapóvape.

Tupã Ñandejára ojehayhuka umi ichupe omomba’évape, ha ichupe kuéra oikuaauka hembiapoukapy. R.

ALELUIA

Aleluia.

David llave, reipe’áva Yvága opa aragua rokë, eju ha emosasö umi oikóva pytümbýpe.

Aleluia.

EVANGELIO

Ko’ágä   ñahendúta Ñandejára Jesucristo rekove ha hemimbo’e San Lucas omombe’u háicha. Pejapysaka porãtapa hese?                     

                                  1, 57-66

Upe ramo oguahẽvo ára imemby haguã, Isabel ogueru yvy ári peteĩ mitã kuimba’e. Umi hóga jereregua ha hogaygua kuéra oho joa oguerohory ichupe oikuaávo Tupã Ñandejára ipy’a porã iterei hague hendive. Ha 8 ára haguépe ogueraha hikuái pe mitãme ojeapi’o haguã, ha omoĩse hikuái ichupe itúva réra, Zacarías. Isy katu he’i: Nahániri.

Héra va’erã Juan. Ha umi oĩva upépe he’i: Nde rogaygua apytépe ndaipóri avave hérava péicha. Upérö oporandu hikuái Zacaríaspe mba’éichapa omboherase pe mitã. Zacarías ojerure peteĩ yvyra pehẽngue ohai haguã hese, ha omoĩ: “Héra Juan”. Ha maymáva opyta ijurujái. Upe javete Zacarías oñe’ẽ jevy, ha oñemoĩ omomba’e guasu Tupã Ñandejárape.

Umi hóga jereregua opyta ijurujaipa joa, ha opa rupi pe Judá yvyty jerére oñemombe’u pe ojehu va’ekue. Ohendúva guive oñeporandu joa: “Mba’e apoharãnepa ko mitã?”. Ojehecha porã Tupã Ñandejára omoĩha hese ipokatu.

Ñandejára Jesucristo Ñe’ẽ.