LECTURAS DEL DOMINGO 6º TIEMPO ORDINARIO
12 febrero, 2023LECTURAS DEL MARTES 6º TIEMPO ORDINARIO
13 febrero, 2023LECTURAS DEL LUNES 6º TIEMPO ORDINARIO
LECTURA PETEÎHA:
Ñahendúta Tupã Ñandejára Ñe’ẽ Santiago ohai va’ekue 1, 1-11
Che, Santiago, Tupã ha Ñandejára Jesucristo rembiguái, amomaitei umi 12 Israelgua ñemoñare opa rupi isarambívape.
Che pehẽnguekuéra, pevy’a ite va’erã pejejuhúrõ opaichagua jepy’a ra’ãme. Pende jerovia ojepy’a ra’arõ niko, pene mbaretéta pehasa asy ramo jepe. Peñeha’ãke aipórõ pene mbarete hekópe, upéva niko pene motyarõta ha na pene kangy mo’ãi mba’evépe.
Oĩrõ pende apytépe na iñarandúiva, to jerure Tupã Ñandejárape ha ha’e ome’ẽta ichupe. Tupã Ñandejára niko ome’ẽ heta porã opavavépe, ha ndojeruréi mba’eve hese. Ha tekotevẽ ojerure jeroviápe ha ipy’a mokõi’ỹre. Pe ipy’a mokõiva niko ojogua y pochýpe, yvytu ogueraháva ápe ha pépe. Upeichaguáva, rei oha’arõta mba’eve Tupã Ñandejáragui. Ko’ágã niko oipota peteĩ mba’e ha ko’ẽrõ ambue, ha ndaipy’a peteĩri mba’evépe.
Pe ñane Pehẽngue imboriahúva, ovy’a va’erã Tupã Ñandejára omopu’ã haguére ichupe, ha pe imba’e retáva ovy’a va’erã Tupã omomirï haguére ichupe. Pe imba’e retáva niko ojogua yvoty ñúme: ndoiko aréi. Kuarahy osẽvo ha ojope tinívo, pe ka’avo ipiru ha ipotykúi, iporãngue oñehundi. Upéicha avei upe mba’eta rekoha, opa rei va’erã imba’e repyeta apytépe.
Ñandejára Jesucristo Ñe’ẽ.
SALMO ÑEMBOHOVÁI 118, 67-68. 71-72. 75-76
Opavave: Tupä Ñandejára, nemborayhu ta che añua opaite ára
Ajecha vai mboyve, che reko vai va’ekue,
Ko’ágã katu aiko ne ñe’e he’i háicha.
Nde niko nde py’a porã ha iporãvante rejapo,
eikuaauka chéve upe ne rembipota. O.
Jechavai ou porã chéve, péicha rupi aikuaa ne rembipota.
Che ahecha ramo ne rembiapoukapy
óro ha plátagui ahecha ramove. O.
Che Jára, che aikuaa porã ne Ñe’ẽ imarangatuha,
ha che mbojecha vai ramo, hendapete rejapoha.
Ne mborayhu ta che moangapyhy
ere haguéicha rejapotaha che ndive. O.
ALELUIA Jn 14, 6
Aleluia.
Ñandejára Jesucristo he’i: Che hína pe Tape, Añete ha Tekove.
Maräve ndohói che Ru rendápe nda ha’éi ramo che rehe ae. Aleluia.
EVANGELIO
Ko’ágã ñahendúta Ñandejára Jesucristo rekove ha hemimbo’e San Marcos omombe’u háicha 8, 11-13
Upe ramo oguahẽ fariséokuéra ha oñoñe’ẽ api Jesús ndive. Ojerure ichupe ojapo haguã mba’e hechapyrãva, ohecha kuaa haguã ha’ekuéra Tupã ombou hague ichupe. Jesús hi’ãho ipy’aite guive ha he’i: Mba’ére piko ko’ã tekove ojerure ohecha haguã mba’e hechapyrãva? Añetehápe ha’e peẽme, ndojehechauka mo’ãi peẽme mba’e veichagua mba’e hechapyrãva.
Ha oheja ichupekuéra, ha ojupi jevývo ygápe, ohasa yguasu mboypýri.
Ñandejára Jesucristo Ñe’ẽ