MIÉRCOLES QUINTO DE PASCUA

Primera lectura:

Ko’ágä   ñahendúta Tupã Ñandejára ñe’ẽ Apóstol kuéra rembiapokuépe oĩ háicha                           

15, 1-6

Umi oho va’ekue Judéagui Antioquíape, oñepyrũ ombo’e umi Jesús reroviaha judio’ỹvape, ndojeapi’oukái ramo, Moisés he’i haguéicha ndaikatuiha oñepysyrõ. Pablo ha Bernabé oñoñe’ẽ api mbarete hendive kuéra, ha ipahápe Pablo, Bernabé ha ambue kuérava ojeporavo oho haguã Jerusalénpe oñe’ẽvo ko mba’ére apóstolkuéra ha moakãhára kuéra upe Jesucristo iglésia pegua ndive.

Umi Antioquía pegua Jesucristo iglésia rembijokuái, ohasávo Fenicia ha Samaría rupi, omombe’u mba’éichapa umi Israelgua’ỹva ojeheja ra’e ijerovia ymágui, oho haguã Tupã Ñandejára ndive. Ha opa oñopehẽnguéva ovy’a eterei ohendúvo.

Pablo ha Bernabé oguahẽvo Jerusalénpe, upepegua iglésia, apóstol ha moakãhára kuéra oguerohory ichupe kuéra, ha ha’e kuéra omombe’u opa Tupã Ñandejára ojapo va’ekue hendive kuéra. Oĩ jepe fariséova oguerovia va’ekue, opu’ãva ha he’i: Tekotevẽ ñambyapi’ouka umi Israelgua’ỹ Jesús reroviahápe, ha tojapo Moisés rembiapoukapy.

Upérõ oñemboaty apóstol ha moakãhára kuéra, oñe’ẽ haguã kóvare.

Tupã Ñandejára Ñe’ẽ.

SALMO ÑEMBOHOVÁI       121, 1-5

R.Avy’a ite chéve oje’e ramo: “Jaha tupaópe”.

O bien:

Aleluia.

Avy’a ite chéve oje’e ramo:

“Jaha Tupä Ñandejára tupaópe”.

Jerusalén! ne rokẽmema roñembo’y.

Jerusalén niko táva neporãva, oñemopu’ã porãitéva. R.

Jerusalén, nde rejejapo va’ekue táva mbareterä,

upépe ojupi Israel ñemoñareguakuéra,

Tupä Ñandejára réra omomba’e guasúvo,

ojeheja haguéicha ichupekuéra tembiapoukapy ramo. R.

Upe tembiapoukapy he’i háicha Israelpe

oñemomba’e guasu haguä Tupä Ñandejára réra.

Upépe oguapy mburuvicha guasu David rogagua,

tekojojápe oporombojovake haguã. R.

ALELUIA Jn 14, 4a. 5b

Aleluia.

Ñandejára Jesucristo he’i:

“Peiméke che ndive,Che aï háicha pene ndive.

Pe oïva che ndive heta mba’e porä osë ichugui”.

Aleluia.

EVANGELIO

Ko’ágä   ñahendúta Ñandejára Jesucristo rekove ha hemimbo’e San Juan omombe’u háicha. Pejapysaka porãtapa hese?                          

                      15, 1-8

Upe ramo ohasa mboyvemi Tupã Ñandejára ykére, Jesús he’i hemimbo’e kuérape:Che hína ku parral máta ijeroviaháicha, ha che Ru katu ku hese oñangarekóicha. Peteĩva umi che rakã ndahi’ái ramo, ha’e oikytĩ. Hi’a ramo katu oikytĩ oikotevẽháme ha omopotĩ, hi’a hetave haguã. Peẽ niko pene potĩmbáma opa umi mba’e peẽme ha’e va’ekue rupi.

Pejoajuke che rehe, che ajoaju háicha pende rehe. Peteĩ yvyra rakã niko ndahi’ái ha’eño ndojoajúi ramo imátare. Péicha avei peẽ, ndaikatúi pejapo mba’eve ndapejoajúi ramo che rehe.

Che hína pe parral máta ha peẽ katu umi hakã. Pe ojoajúva che rehe ha che hese, upéva heta hi’a. Che rehe’ỹ niko peẽ ndaikatúi pejapo mba’eve. Pe ndojoajúiva che rehe oñemombóta ku yvy rakãicha upéi ipirúva. Umíva upéi oñemboaty ha ojehapypa.

Peẽ pejoaju ramo che rehe ha napemboykéi ramo che Ñe’ẽ, pejerure pejerureséva ha oñeme’ẽta peẽme. Péicha ojehecháta che Ru tuichaha, peẽ pejapo ramo heta mba’e ha péichape peiko che remimbo’e añete ramo.

Ñandejára Jesucristo Ñe’ẽ.