MIÉRCOLES SEGUNDO DE PASCUA

MIÉRCOLES SEGUNDO DE PASCUA

Primera lectura:

Ko’ágä   ñahendúta Tupã Ñandejára ñe’ẽ Apóstolkuéra rembiapokuépe oĩ háicha          

    5, 17-26

Pa’i guasu ha saduséo kuérava oĩva hendive, ipochy eterei hikuái, ipojái apóstolkuérare ha omoinge koty ypytũ opavavépe guarãvape. Tupä Ñandejára remimbou katu oipe’a pyhare pe koty ypytũ rokẽ ha oguenohẽ ichupe kuéra, he’ívo: “Tapeho, ha ñembo’yhápe Tupaópe pemoerakuã opavavépe ko ñe’ẽ jeikove rehegua.” Upe ohendu haguéicha, oike hikuái ko’ẽmbávo Tupaópe ha oñepyrũ oporombo’e.

Upérõ pa’i guasu ha umi oĩva hendive ohenói hikuái opa Israel moakãhára pe ñemboaty guasúpe, ha omondo koty ypytũme apóstolkuéra píari. Umi ñorairõhára oguahẽvo koty ypytũme katu ndojuhúi ichupe kuéra. Upérõ ou jevy hikuái, he’ívo: Rojuhu koty ypytü oñemboty porã ha ñorairõhara kuéra oï joa okẽ nguéra renondépe. Roipe’ávo katu ndorojuhúi avavépe.

Ohendúvo Tupao pegua ñorairõharakuéra ruvicha ha pa’i ruvicha kuéra oporandu joa ojupe mba’épepa opáta upéva. Upérõ oguahẽ peteĩ he’íva ichupe kuéra: Umi peẽ pemoinge va’ekue koty ypytũme oime hikuái Tupaópe oporombo’e.

Ñorairõhara kuéra ruvicha iñorairõhára kuéra reheve oho ipiári, ha ndopokói hese kuéra okyhyjégui umi tetãgua omboitárõ guarã ichupe kuéra.

Tupã Ñandejára Ñe’ẽ.

SALMO ÑEMBOHOVÁI      33, 2-9

R.TupäÑandejára ombovy’a che rekove.

O bien:

Aleluia

Amomba’e guasúta opa ára Tupä Ñandejárape,

ichupe aropurahéita tapiaite.

Tupä Ñandejára ombovy’a che rekove.

Imboriahúva tohendu ha tovy’a! R.

Oñondive ñamomba’e guasu Tupä Ñandejárape,

héra jaropurahéi oñondivepa.

Tupä Ñandejárape añembo’e, ha’e che rendu,

ha oipe’apa che hegui umi mba’e che mongyhyjéva. R.

Umi Tupä Ñandejára rehe ojeroviáva vy’águi ojajaipáne,

ha hova noñomi chéne ñemotĩgui.

Che, tekove poriahu, Tupä Ñandejárape añembo’e.

Ha’e, che rendu ha che pe’a jejopy vaígui. R.

Tupä Ñandejára remimbou oñangareko ha oguenohẽ

jejopy vaígui opa umi hese ojeroviávape.

Peha’ã ha pehecha Tupä Ñandejára imba’e porãha.

Ovy’a rasa upe hese ojeroviáva. R.

ALELUIA Jn. 3, 16

Aleluia.

Tupä Ñandejára ohayhu eterei yvypórape, ome’ë hesehápe Ita’ýra peteï ete; maymave ogueroviáva ichupe oreko Tekove ijapyra’ÿva.

Aleluia.

EVANGELIO

Ko’ágä   ñahendúta Ñandejára Jesucristo rekove ha hemimbo’e San Juan omombe’u háicha. Pejapysaka porãtapa hese?                                            

  3, 16-21

Upe ramo Jesús he’i: Tupã ohayhu etereígui opa yvypórape, ome’ẽ va’ekue Ta’ýra peteĩ ete, ani haguã omano umi hese ojeroviáva, oikove haguã uvei opa ára. Tupã Ñandejára niko nomboúi Ta’ýra yvy ári ohundi haguã yvypórape. Ombou ichupe, ha’e rupi oipysyrõ haguã yvypóra kuérape.

Pe ojeroviáva Tupã Ra’ýre noñe hundíri. Pe ojerovia’ỹva katu oñehundíma, ojerovia’ỹ haguére Tupã Ra’ýre. Ha kóicha rupi Tupã ohundi umi ojerovia’ỹvape: Pe tesapeha niko ou ko yvy ári, yvypóra kuéra katu hembiapo vaígui, oikoseve pytũmbýpe oikove rangue ára sakãme. Mayma hembiapo vaíva ndohayhúi añetegua, ha noñemo’aguĩri añetépe ojeikohápe ani haguã jehecha hembiapo vaikue. Umi oikóva Tupã Ñandejára oipota háicha katu oñemoaguĩ ojehecha haguã hese kuéra oikoha Tupã Ñandejára oipota háicha.

Ñandejára Jesucristo Ñe’ẽ.