MIÉRCOLES SEXTO DE PASCUA

MIÉRCOLES SEXTO DE PASCUA

LECTURA PETEÏHA:

Ko’ágä   ñahendúta Tupã Ñandejára ñe’ẽ Apóstol kuéra rembiapokuépe oĩ háicha           

   17, 15. 22 – 18, 1

Umi omoirũva Páblope oho hendive Atenas peve. Upéi ojevy oguerúvo iñe’ẽ Silas ha Timoteo peguarã, oñemboaty pya’e haguã hendive. Pablo opu’ã ijapytépe kuéra upe Areópagope ha he’i: Kuimba’e kuéra Atenasgua, opa umi ahechávare, ahecha kuaa peẽ perohoryha tupã nguérape.

Ama’ẽvo peẽ pemomba’e guasuha rupi ichupekuéra, ajuhu peteĩ altar ojehaihápe ko’ã ñe’ẽ: ‘Pe Tupã ojekuaa’ỹvape.’ Upe peẽ peikuaa’ỹre pemomba’e guasúvare aju añe’ẽvo peẽme. Pe Tupã ojapo va’ekue yvy ha opa mba’e ipype oĩva, upéva hína yvy ha yvága Jára. Ndoikói tupao yvypóra po rupi ijapopyrépe, ha noikotevẽi avave ojapo hese mba’eve, ko ha’e voi ome’ẽva ñandéve, jeikove, pytuhẽ ha opa mba’e.

Peteĩ kuimba’égui añónte ojapo ha’e opa tetã nguéra, oiko haguã yvy ári, ha he’i ichupe kuéra araka’épa ha moõpa oikóta, ikatu haguã oheka Tupã Ñandejárape ha ku jepovyvýpe ramo guáicha ojuhu mba’e ichupe, añete ramo jepe Tupã Ñandejára noĩri mombyry ñande hegui.

Tupã Ñandejárape niko jaiko, jaku’e ha jaikove, he’i haguéicha avei pene ñe’ẽ yvoty apohárava, he’i ramo guare: ‘Tupã ñemoñare hína ñande.’ Aipórõ, Tupã Ñandejára ñemoñare ñande rekópe, nañaimo’ãi va’erã Tupã ojoguaha umi ta’ãnga óro, pláta térã itágui guápe.

Tupã Ñandejára yma oheja reínte va’ekue yvypóra kuéra kuaa’ỹ, ko’ágã katu he’i opavavépe opa rupi ojevy haguã ha’e gotyo, Tupã omoĩ haguére peteĩ ára ombojovake haguã opa yvypórape teko jojápe, peteĩ kuimba’e rupi, ha’e oiporavo va’ekue, ha upéva ohechauka opavavépe omoingove jeývo ichupe.

Ohendúvo upe jeikove jevy omanóva apytégui rehegua, oĩ oñembohorýva hese, ha oĩ he’íva ichupe: Ágã upéinte rohendu jeýne reñe’ẽvo oréve ko’ã mba’ére.

Upe marõ Pablo oheja ichupe kuéra. Oĩ katu ohóva hendive ha oguerovia. Umíva apytépe oĩ Dionisio, ha’e peteĩ Areópago pegua kuérava, peteĩ kuñakarai hérava Dámaris avei, ha ambueve kuérava. Upe rire Pablo osẽ Aténasgui ha oho Coríntope.

Tupã Ñandejára Ñe’ẽ.

SALMO ÑEMBOHOVÁI      148, 1-2. 11-14

R. To ñemomba’e guasu Tupä Ñandejára.

O bien:

Aleluia.

Yvágagui to ñemomba’e guasu Tupä Ñandejára,

amo yvate guive ichupe to ñemomba’e guasu.

To momba’e guasu ichupe hemimbou kuéra,

tomomba’e guasu ichupe opa tekove yvága pegua. R.

Mayma mburuvicha guasu ha tetã nguéra,

poguasu ha opa mburuvicha yvy arigua,

mitã rusu ha kuñataĩ nguéra,

itujáva ha mitãva to momba’e guasu ichupe. R.

Pemomba’e guasu Ñandejára réra,

ha’e año ite upe héra tuicha itéva.

Ha’e imimbipápe oĩ yvága ha yvy ári.

Hetã ha’e omombarete va’ekue. R.

¡Ichupe omomba’e guasu umi hese ojeroviáva,

Israelgua, umi ha’e ohayhúva!. R.

ALELUIA    Jn 14, 16

Aleluia.

Ñandejára Jesucristo he’i:

“ Che ajeruréta che Rúpe ha Ha’e ome’ëta peëme ambue Pytyvöha pene moirü haguä opa árape”.

Aleluia.

EVANGELIO

Ko’ágä   ñahendúta Ñandejára Jesucristo rekove ha hemimbo’e San Juan omombe’u háicha. Pejapysaka porãtapa hese?                                                       16, 12-15

Upe ramo ohasa mboyvemi Tupã Ñandejára ykére, Jesús he’i hemimbo’e kuérape:

“Heta mba’e gueteri aguereko ha’e va’erã peẽme, ko’ágãnte ndaikatu mo’ãi oikepa peẽme pene akãme. Ágã Espíritu ou vove oikuaaukáva mba’éichaguápa Tupã, ha’e ohechaukáta peẽme mba’épa upe añetegua. Ha’e noñe’ẽ mo’ã ijehegui reínte, amombe’úta peẽme umi mba’e ha’e ohendu va’ekue, ha oikuaaukáta avei peẽme umi mba’e ojehútava.

Ha’e ohechaukáta peẽme mba’éicha itépa che tuicha. Ojapyhýta upe che ame’ẽvagui ichupe oikuaauka haguã peẽme. Opa mba’e che Ru oguerekóva, che mba’e avei. Upévare ha’e pe Espíritu ojapyhytaha che ame’ẽvagui ichupe oikuaa haguã peẽme».

Ñandejára Jesucristo Ñe’ẽ.