LECTURAS MIÉRCOLES TRIGÉSIMO DURANTE EL AÑO

LECTURAS MIÉRCOLES TRIGÉSIMO DURANTE EL AÑO

Ñahendúta Tupã Ñandejára Ñe’ẽ San Pablo ohai va’ekue Roma guápe    8, 26-30

Che pehẽnguekuéra:

Pe Espíritu ñane pytyvõ ñane kangy ramo. Nañañe mbo’ekuaái niko ñañe mbo’e haguãicha, ha Espíritu voi oñembo’e ñande rehe Tupã Ñandejárape, py’ambu ikatu’ỹva ja’épe. Ha Tupã Ñandejára, oipyguaráva ñande py’a, oikuaa mba’épa pe Espíritu he’ise. Pe Espíritu niko ojerure asy, Tupã Ñandejára oipota háicha, umi Tupã Ñandejára mba’évare.

Jaikuaa niko Tupã Ñandejára omoĩha opa mba’e iporã haguã umi hayhuhárape, ha’e ohenói va’ekue  ojapo haguã hembipota. Umi ha’e oikuaáma va’ekue  voi, iñepyrũrã guive omoĩ oiko haguã Ita’ýraicha. Ita’ýra ha’e haguã pe tenondegua ipehẽngue  kuéra apytépe. Ha umi Tupã Ñandejára oiporavo va’ekuépe imba’erã, iñepyrũha guive ohenói avei. Ha umi ohenói va’ekuépe omboheko joja, ha umi omboheko joja va’ekuépe, ome’ẽ heko mimbipágui.

Tupã Ñandejára Ñe’ẽ.

SALMO ÑEMBOHOVÁI 12, 4-6

Opavave: Tupã Ñandejára, ajerovia ne marangatúre

Emaña che rehe Tupã, che Jára.

Ehesape umi che resa ani haguãtei ake ha ndaikatuvéi apáy.

Upéicharõ nde’i mo’ãi umi che rayhu’ỹva:

“Ahundíma ichupe.” O.

Anítei ha’e ovy’a che ahasa asy haguére.

Che ajerovia nde rehe,

ha avy’a che renohẽ haguére jejopy vaígui.

Tupã Ñandejárape apurahéita, ha’e che pytyvõ haguére. O.

ALELUIA Cf. 2Tes 2, 14

Aleluia.

Tupã Ñandejára ñane renói Marandu porã rehe ae, jaguereko haguã Ñandejára Jesucristo Sambyhy.

Aleluia.

EVANGELIO

Marandu porã ñahendúta Ñandejára Jesucristo rekove ha hemimbo’e San Lucas omombe’u háicha   13, 22-30

Upe ramo Jerusalén rapére ohóvo, Jesús oporombo’e umi táva ha tava’i ohasaha rupi. Peteĩ osẽ oporandu ichupe: Che Jára, ndaheta mo’ãi piko umi oñepysyrõtava? Ha’e katu he’i ichupe: Peñeha’ã peike pe okẽ po’i rupi.

Che ha’e peẽme hetataha umi oikeséva, ndaikatu mo’ãi ramo jepe oike. Óga jára opu’ã ha omboty rire okẽ, peẽ, okápe peiméva, pesapukáita pejévo: ‘Karai, eipe’ána oréve pe okẽ.’ Ha’e katu he’íta peẽme: ‘Che ndaikuaái mamoguápa peẽ.’

Upépe peñe pyrũta peje: ‘Rokaru ha romboy’u va’ekue  niko ne ndive, ha nde ore mbo’émi ore táva roka rupi.’ Ha’e katu he’íta peẽe: ‘Che ndaikuaái mamoguápa peẽ pe che reja, peẽ tekove ahẽ ha upépe ojahe’o soróta ha hãi mante omopururũa, ojehechávo Abraham, Isaac, Jacob ha opa maranduhára oĩva Tupã Ñandejára oisãmbyhyhápe, ha peẽ peñe mosẽta okápe.

Oúta yvypóra yvatevegua, yvy gotyogua, kuarahy resẽogua ha kuarahy reikevogua, oguapy haguã okaru Tupã Ñandejára sãmbyhýpe. Upévo, umi ko’ágä  itapykuéva, itenondéta. Ha umi ko’ágä  itenondéva, itapykuéta.

Ñandejára Jesucristo Ñe’ẽ.