Ñahendu Hesu. Martes 5º Tiempo Durante el Año

Escucha el evangelio y la reflexión en: https://youtu.be/_09jiLRSrKo

Martes 5º Durante el Año Marcos 7, 1 – 13

Upérõ oñemboja Jesús rendápe umi fariséo ha Moises léi ombo’éva. Ou hikuái Jerusaléngui Jesús rendápe. Ohecha hikuái oĩha Jesús disípulokuéra apytépe okarúva ojepohei’ỹre. Mayma hudíova niko ndokarúiva ojepohéi porã’ỹre. Péicha oheja va’ekue chupekuéra ojapo haguã ijypykuéra. Oho ramo oñemu katu ndo’úi hikuái mba’eve ojogua vaekue ojohéi mboyve. Ha umíva apytépe avei, ojohéi térã omopotĩ mante va’erã umi hembiporu oiporúva okaru haguã téra hoy’u haguã.

Upévare fariséo ha Moises léi ombo’éva oporandu Jesúspe: — Mba’éreiko nde disípulo kuéra ndojapói hekópe umi mba’e ñande ypykue oheja vaekue ñandéve. Okaru niko hikuái ojepohei’ỹre.

Jesús ojere he’i chupekuéra: — He’i porã va’ekue voi proféta Isaías peẽichagua tova mokõire, ohai ramo guare: “Ko’ãva ijurúpente che momba’e, ipy’apýpe katu mombyry oĩ chehegui. Reíko che momba’e guasu hikuái, ha ombo’e ku che ahejárõ guáicha umi mba’e ha’ekuérante omoĩva ojejapo haguã.”

Peẽ niko pemboyke Ñandejára léi pejapo haguã umi mba’e peẽnte pejéva. Peẽ pejepokuaa háichante pejapo, ha ndapejapói hekópe Ñandejára léi. Moises niko he’i va’ekue, “Emomba’e nde ru ha nde sýpe” ha avei “Pe ojahéiva itúva térã isýre, tojejuka”.

Peẽ katu peje oimeraẽva ikatuha he’i itúva térã isýpe, “Ndaikatu mo’ã véima poipytyvõ. Opa mba’e arekóva amboykéma Ñandejárape”. Ha péicha he’i haguérente, oheja reíma isy ha itúvape. Ha péicha, peẽ pemboyke Ñandejára léi pejapo haguã peẽ pejepokuaa
háichante. Ha peichagua heta mba’e pejapo.

Ñandejára Jesucristo ñe’ẽ

ÑAMBOGUEJY ÑANDE REKOVÉPE

Jaháramo tupaópe ñamonde ñande ao iporã ha ipotĩva. Ñande kate. Tuicha jajovasa jaikévo. Ha jahechávo ñande rapicha ndaijao porãiva, osoro ha icha’ĩmíva ikatu ñapensa nomomba’eiha Ñandejárape, ajeve péicha ikachafa oúvo tupaópe.

Jesús apóstolkuéra rehe ou oñe’ẽ vai umi tupaogua ndojepohéi haguére okaru mboyve. He’i hikuái Jesús pe ipuerkoha la iñirũ nguéra. Upéicha ningo oapo’i hikuái Jesús pe nombo’éi haguére ichupe kuéra mba’éichapa oiko vaerã hénte apytépe. Jesús katu ipochy hendive kuéra ijapéguionte oma’ ẽ haguére hapicháre.

Ikatu avei ñande sapy’a ñamboyke ñande rapicha pe ijapéguio ojekuaávarente. Ha ñanderesarái pe oñandúvagui ha orahávagui ikorasõme. Mba’eve ko nde’iséi hína ñane potĩ ha ñaneryakuã asy upéi jaiko vai ramo ñande rapicha ndive. Mba’everã ndovaléi ñambojuru he’ẽ ñe’ẽmente ñande rapichápe, ñande py’a pochýramo ha ñande rekove mombyrýramo Ñandejáragui. Mba’épa nde reñandu che reindy ha nde che irũ.

Pa’i Alberto Luna.