SÁBADO DE LA OCTAVA DE PASCUA

SÁBADO DE LA OCTAVA DE PASCUA

Primera lectura:

Ko’ágä ñahendúta Tupä Ñandejára ñe’ẽ Apóstolkuéra rembiapokuépe oĩ háicha                                                         4, 13-21

Mburuvichakuéra ohechávo mba’eicha itépa ipy’a guasu oñe’ẽ haguã Pedro ha Juan, ha ohechakuaa ha’e kuéra naiñaranduiha, iñarandu’ỹva reheguaha uvei, ijurujái joa opytávo ha ohechakuaa Jesús remimbo’eha. Hi’arive, upe oñemonguera va’ekue oĩ upépe hendive kuéra, ha upéva rehe ndaikatúi he’i mba’eve omoĩ vai haguã ichupe kuéra. Upéma ramo omosẽ hikuái ichupe kuéra upe atýgui, ha opyta hikuái oñemongeta upépe. He’i ojupe hikuái: Mba’e piko jajapóta ko’ã tekove rehe? Opa Jerusalengua oikuaa ojapo hague hikuái ko hechapyrãva techaukarã, ha ndaikatúi ja’e japuha upéva. Ani haguã ko mba’e herakuãve ohóvo opa rupi, ñamongyhyje ichupe kuéra, anive haguã oñe’ẽ avavépe Jesús rérape.

Ohenói ha he’i hikuái ichupe kuéra anive haguã oñe’ẽ térã oporombo’e Jesús rérape. Pedro ha Juan katu he’i ichupe kuéra:

Peë voi pehecháta, iporãpa Tupä Ñandejára renondépe rojapo peë pejéva, rojapo rangue ha’e he’íva. Ore ndaikatúi roguerokirirĩvo pe rohecha ha rohendu va’ekue. Umi mburuvicha, omongyhyje rire, opoi ichugui kuéra. Ndojuhúi hikuái mba’éichapa oinupãta, opavave omomba’e guasúgui Tupä Ñandejárape upe ojehu va’ekue rehe.

Tupä Ñandejára Ñe’ẽ.

SALMO ÑEMBOHOVÁI   118, 1. 14-16. 18-21

R. Tupä Ñandejára, ndéve romomba’e guasu, nde che rendúgui.

Pemomba’e guasu Tupä Ñandejárape, ha’e niko ipy’a porã

ha imborayhu ndopái araka’eve.

Tupä Ñandejára che mombarete, ichupe aropurahéi.

Ha’e che renohẽ jejopy vaígui.

Sapukái rory oñehendu heko jojáva róga guýpe. R.

Tupä Ñandejára ipyapýgui tuicha mba’e ojapo,

Tupä Ñandejára ipyapy mbarete,

Tupä Ñandejára ipyapýgui tuicha mba’e ojapo.

Tupä Ñandejára che nupã pohýi,

upéicha ramo jepe, ha’e nda che rejái amano. R.

Peipe’a chéve tupao rokẽ ha taike tamomba’e guasu Tupä Ñandejárape.

Kóva hína Tupä Ñandejára rokẽ, árupi heko jojáva mante oike.

Tupä Ñandejára, ndéve romomba’e guasu, nde che rendúgui

ha che renohẽgui jejopy vaígui. R.

SECUENCIA

Ñandejára Jesucrísto  rayhupárakuéra

ñamoï Tupä Ñandejára ra’y pópe ñane remikuave’ë momba’e guasu rehegua

ojora va’ekue ñane angaipa Cristo imara’ÿva,

omoï porã jevy va’ekue hi’angaipávape ñande Ru ndive.

Mano ha tekove oñembojovake ñera’ã mbaretépe

pe mburuvicha guasu omano va’ekue

ha ko’ágä oikove jevy.

Ere oréve María Magdalena mba’épa rehecha tape rehe

Ahecha Ñandejára Jesucrísto  tyvy ha Ñandejára oikove jevýva rova ojajaipáva.

Ahecha angelkuérape, ohecha va’ekue pe mba’e hechapyrã

ahecha Ñandejára Jesucrísto  oñeñuvã hague ha ijaokuéra

oikove jevy Cristo che jeroviaha, ha omotenondéta hemimbo’e kuérape Galiléape.

Jaikuaa Ñandejára Jesucrísto  oikove jevyha añete hápe nde, Mburuvicha guasu nde pu’akapáva,ore poriahuverekomi kena.

ALELUIA             Sal 117, 24

Aleluia.

Kóva ko árape

Ñandejára oñemongu’e,

javy’a joáke hese hápe

Aleluia.

EVANGELIO

Ko’ágä ñahendúta Ñandejára Jesucrísto  rekove ha hemimbo’e San Marcos omombe’u háicha.

Pejapysaka porãtapa hese?                                                      16, 9-15

Upe ramo Jesús oikove jevy rire pe semána ñepyrũha ára ko’ẽvo, ojechauka raẽ María Magdalena, 7 mba’epochy omosẽ va’ekuéguipe. Ha’e oho ha omomarandu umi Jesús ndive oiko va’ekuépe, ndo vy’avéi etéva ha hasẽ joáva hikuái. Ko’ãva ohendúvo Jesús oikoveha ha ha’e ohecha hague ichupe, ndo gueroviái.

Upe rire, Jesús ojechauka ambue kuimba’e ramo guáicha, mokõi ha’e kuérava ñu gotyo ohóvape. Ko’ãva oho omomarandu umi ambue kuérape ha ichupe kuéra avei ndo gueroviái hikuái.

Ipahápe Jesús ojechauka avei umi 11 hemimbo’ekuérape, ha’e kuéra oguapy aja mesápe. Oja’o ichupe kuéra ndo gueroviái hague rehe ha ipy’a hatãgui oguerovia haguã umi ichupe ohecha va’ekuépe. Ha he’i ichupe kuéra: “Ta peho  opa rupi ko yvy jerekuévo ha pemombe’u opavavépe upe marandu porã.

Ñandejára Jesucrísto  Ñe’ẽ.