LECTURAS SÁBADO SEMANA 25º DURANTE EL AÑO

LECTURAS SÁBADO SEMANA 25º DURANTE EL AÑO

Ko’ágã ñahendúta Tupã Ñandejára ñe’ẽ Eclesiastés arandukápe oĩ háicha        11, 9-12, 8

Evy’áke, nde mitã rusu, ko’ágã ne resãiva; evy’a iporãvagui, ko’ágã ikatúva. Ejapo nde py’a oñandúva ha opa mba’e rehecháva, ne mandu’ánteke Tupã Ñandejára omba’e jerure va’erãha rejapo va’ekuére. Eipe’a nde jehegui jepy’apy ha mba’e mbyasy, iporãve ramo jepe mitãrusu rekove, tavy reko poru reínte avei.

Ne mandu’áke Tupã Ñandejára nde apoharére, ko’ágä  ne mitãva ha ne’ĩra gueteri oguahẽ teko asy; áçante oguahẽne ára ere haguã: “Ára ahasáva ndoguerúi chéve vy’a.” Ejapo ko’ágä  ne’ĩrava gueteri ogue kuarahy, jasy ha umi mbyja ave, ha oĩva gueteri arai pe oky rire.

Oguahẽta ára umi mburuvicha guasu róga ñangarekoha oryryipávo ha oñesẽvo umi ipy’a guasúva; mba’e ra’ỹi mongu’iha sa’i opytáne ha nomongu’ivéi chéne; umi oma’ẽva ovetã rupi, oñepyrũne ndohechavéi ohóvo. Oguahẽvo upe ára, oñembotýne umi okẽ tape ári oĩva. Avati mongu’iha ryapu opáne ohóvo. Guyra kuéra opurahéine, ha noñehendúi chéne. Umi yvateha oporomongyhyjéne, tapére katu oiméne oporombyaiséva.

Mbokaja oñepyrũne ipoty, tuku oporomo angekóine ha katuáva naiporãvéi chéne.

Yvypóra niko ohóma ouve’ỹ haçuagui, ha oñehendúma umi tape rupi hasẽ joáva imanóre.

Ne mandu’áke Tupã Ñandejára nde apoharére, ko’ágä  ne’ĩräva oso nde rekove sã pláta guigua ha ojeka ku japepo óro guiguáva; ko’ágã  ne’ĩräva ojeka ykua rembe’ýpe kambuchi ha ndosopái pe tukumbo y nohẽha.

Upéva rire ku pe yvytĩmbo ojevýne yvýpe, yma guaréicha, ha ñane ágä oho jevýne Tupã Ñandejára rendápe, ko ha’éva ime’ẽhare. Che, Ñemoñe’ẽhára, ha’e jevy jevy: Tavy reko poru rei, tavy reko poru rei!

Opa mba’e tavy reko poru rei!

Tupã Ñandejára Ñe’ẽ.

SALMO ÑEMBOHOVÁI   89, 3-6. 12-14. 17

Opavave: Tupã Ñandejára ore poriahuvere kóna, ore niko ne rembiguái hína.

Nde upe yvypórape remondóva oiko haguã ichugui  yvy

ichupe kuéra erévo: “Tapeho jevy yvýpe pepa.”

Mil áño niko ndéve guarã ku ára ohasa va’ekuéicha,

opa jeýmava, térã ku pyhare mbykýicha, pya’e ohasáva. O.

Ku jake ramo guáicha sapy’a ite reraha ichupekuéra,

ku ñana heñói vaicha, ko’ẽ vove.

Pyhare heñói ha ipoty, ka’aru haviru ha ipiru. O.

Ehechauka ore rekove mbykyha ikatu haguã ore akã guapy.

Ore Jára, eju ore rendápe!

Araka’e peve piko reñeha’arõukáta?

Ore poriahuverekóna. Ore niko ne rembiguái hína. O.

Ára ko’ẽre ore moenyhẽ ne mborayhúgui

ikatu haguã ore py’a rory roikove aja pukukue.

Tupã Ñandejára imba’e porãva ta ñande rovasa

ha ta ñane pytyvõ ñasẽ porã haguã opa mba’épe. O.

ALELUIA Cf. 2Tim 1, 10b

Aleluia.

Ñandejára Jesucristo ñane Pysyrõhára ipu’aka manóre ha ombojajái tekove, Marandu porä rehe ae.

Aleluia.

EVANGELIO

Marandu porã ñahendúta Ñandejára Jesucristo rekove ha hemimbo’e San Lucas omombe’u háicha 9, 43b-45

Upe ramo maymáva opyta ijurujái ha ohecha ramo Tupã Ñandejára mba’e guasu eteha.

Opavave ohecha ramo aja hína pe Jesús ojapóva, ha’e he’i hemimbo’ekuérape: Pehendu porã kóva ha ani pende resarái: Che, yvypóraicha aju va’ekue, ha’áta hína yvypórakuéra pópe.

Hemimbo’ekuérape katu nahesakãi pe he’íva. Ne’irä gueteri niko ha’ekuéra oĩ oikuaa haguãicha. Upéi ave, okyhyjeterei hikuái oporandu haguã Jesúspe mba’épa pe he’iséva.

Ñandejára Jesucristo Ñe’ẽ