VIERNES SEMANA 34º DURANTE EL AÑO

VIERNES SEMANA 34º DURANTE EL AÑO

Ñahendúta Tupã Ñandejára Ñe’ẽ Apocalipsis arandukápe oĩ háicha  20, 1-4. 11-21, 2

Che, Juan, ahecha peteĩ Tupã Ñandejára remimboúpe oguejy ramo yvykua pypuku rokẽ pe’aha reheve ha peteĩ kadéna nde tuicháva reheve ipópe. Upe Tupã Ñandejára remimbou oñapytï pe teju jaguápe, pe mbói yma, ha’éva Aña ha Satana, ha ojokua upépe mil áño.

Omombo pe yvykua pypukúpe, ha upépe omboty, ha omoĩ pe okẽre peteĩ mba’e rechaukaha ani haguã ombotavy tetã nguérape ohasa peve upe mil áño, upe rire ojepoi va’erã ichugui  sapy’ami. Ahecha heta guapyha ha ipype kuéra umi oñemoĩ va’ekue  mburuvicha ramo oporombojovake haguã.

Ahecha avei umi oñeñakã’o va’ekue  ánga, ojerovia haguére Jesús Ñe’ẽre ha Tupã Ñandejára marandúre. Umíva nomomba’e guasúi va’ekue  pe tymba vai guasu ha ha’ãngápe, ha ndohejái va’ekue  oñemoĩ hesekuéra imba’e rechaukaha isyváre térã ipóre, ha ahecha oikove jevy hague ha oisãmbyhy hague Cristo ndive mil áño.

Ahecha peteĩ guapyha morotĩ tuicháva ha pype oguapýva. Henondégui okañymba ite yvy ha yvága, ha mamove ndojehechavéi. Ahecha pe táva marangatu, Jerusalén pyahu, oguejy pe yvágagui, Tupã Ñandejára renondégui. Oñemonde tembirekorãicha oñemondéva imenarãme.

Tupã Ñandejára Ñe’ẽ.

SALMO ÑEMBOHOVÁI   83, 3-6a. 8a

Opavave: Ñandejára, ovy’a ite umi nde pype ojuhúva pytyvõ

Che py’a ite guive che ãho nde tupao róga guýre.

Che py’aite guive hi’ãnte chéve apurahéi Tupã Ñandejára oikovévape. O.

Guyra’i jepe ojuhu hogarã, ha mbyju’i ojaitypo haguã,

nde altar ypy rupi oja haguãme hupi’a,

Tupã, opa mba’e jára, Tupã Ñandejára, che ruvicha guasu. O.

Ovy’a ite nde rógape oikóva ha opa ára nde reropurahéiva!

Ovy’a ite va’erãpa umi nde pype ojuhúva pytyvõ oñepyrũvo oguata nde rape rupi. Imbaretevéne ohóvo hikuái, oguahẽ meve Siónpe, ha Tupã Ñandejárape ohecha. O.

ALELUIA Lc 21, 28

Aleluia.

Pende py’a guasúke ha pemopu’ä pene akã,

oguahë mbotáma peëme peñe pysyrö haguä.

Aleluia.

EVANGELIO

Marandu porã Ñandejára Jesucristo rekove ha hemimbo’e San Lucas omombe’u háicha  21, 29-33

Upe ramo Ñandejára omombe’úvo hemimbo’e kuérape pe ijeju rehegua, oipuru ko ñe’ẽ mbojoja:

 “Pema’ẽ pe ígo mátare ha oimeraẽ ambue yvyráre. Pehechávo hokyha, pehecha kuaa oguahẽmaha ára haku. Péicha avei, pehecha vove ojehu ko’ã mba’e peikuaáta Tupã Ñandejára sãmbyhy hi’aguĩmaha.

Añetehápe ha’e peẽme: Ko’ã mba’e ojehupáta omano mboyve umi ko’ágä  oikovéva. Yvága ha yvy opáne, che ha’éva katu ojehúne katu ete.

Ñandejára Jesucristo Ñe’ẽ.