MIÉRCOLES SEXTO DE PASCUA
20 mayo, 2020SÁBADO SEXTO DE PASCUA
23 mayo, 2020VIERNES SEXTO DE PASCUA
LECTURA PETEÏHA:
Ko’ágä ñahendúta Tupã Ñandejára ñe’ẽ Apóstolkuéra rembiapokuépe oĩ háicha
18, 9-18
Peteĩ pyharépe, Jesús he’i Páblope peteĩ jechaukápe: “Ani rekyhyje, emoerakuãnte reikóvo upe Ñe’ẽ ha ani rerokirirĩ. Che aimégui ne ndive, ndaipóri opoko va’erã nde rehe ojapo haguã nde rehe ivaíva, che retãgua niko heta eterei hína kóva ko távape.” Aipórõ Pablo opyta áño imédio Coríntope omoasãivo ijapytépe kuéra Ñandejára Ñe’ẽ.
Galión Acaya sãmbyhyhárarõ guare katu, Israelguáva oñemboaty ha opu’ãmba Pablo rehe, ogueraha ichupe mbojovakehápe, ha he’i sãmbyhyhárape: Ko kuimba’e ogueroviaukase opavavépe omomba’e guasu va’erãha Tupãme, ore rembiapoukapy he’i’ỹ háicha.
Pablo oñe’ẽtama hína ha Galión he’i Israelgua kuérape: Tembiapo vai térã porojuka rire ramo, pohendu va’erã mo’ã hekópe, peẽ Israelguáva, ñe’ẽ térã pene rembiapoukapy ramo katu, pejehecha peẽ, che ndaike mo’ãi upévape.
Ha omosẽ ichupe kuéra. Upe marõ umi greciagua ipojái upe judío kuéra tupao upépe omoakãvare, Sóstenes rehe, ha oinupã hikuái upépe voi. Galión katu ohejánte oiko ha ndo jepy’apýi mba’evére.
Pablo opyta gueteri heta ára Coríntope. Upéi omomaitei paha Jesús reroviaha pehẽnguévape ha Priscila ha Aquila ndive ojupi ygápe Siria gotyo. Cencréaspe oñemoakã perõ ojapo haguã iñe’ë ome’ẽ va’ekue Tupã Ñandejárape.
Tupã Ñandejára Ñe’ẽ.
SALMO ÑEMBOHOVÁI 46, 2-7
R. Tupä Ñandejára mburuvicha guasu hína
O bien:
Aleluia.
Opa tetã nguéra pejepopete,
vy’a pópe perosapukái Tupã Ñandejárape.
Ñandejára yvatete guágui Jakyhyje va’erã,
ha’e hína mburuvicha guasu. R.
Hese ae ambue tetã guápe ñamoakãsã,
ha’e omoĩ tetã nguéra ñande po guýpe.
Ñande rayhúgui ome’ẽ ñandéve Jacob ñemoñarévape,
yvy ñane mba’e teerã, yvy ñane rakate’ỹha. R.
Tupã Ñandejára ojupi iguapyhápe,
sapukái ha turupúpe. Pepurahéi!
Pepurahéike Tupãme! Pepurahéi!
Pepurahéike ñande ruvicha guasúpe! R.
ALELUIA Lc 24, 46.26
Aleluia.
Pe Mesías ohasa asy va’eränte voi, ha oikove jevy omanóva apytégui, oike haguä isambyhýpe.
Aleluia.
EVANGELIO
Ko’ágä ñahendúta Ñandejára Jesucristo rekove ha hemimbo’e San Juan omombe’u háicha. Pejapysaka porãtapa hese?
16, 20-23a.
Upe ramo ohasa mboyvemi Tupã Ñandejára ykére, Jesús he’i hemimbo’ekuérape:
“Añetehápe ha’e peẽme: Pene rasẽ ha peñe mbyasýta yvypóra kuéra ovy’a aja. Peẽ peñe mbyasy ramo jepe, upéi pene ñembyasy hendaguéta vy’ápe. Peteĩ kuña imembýtarõ niko heta ohasa asy oguahẽvo imemby haguã. Imemby rire katu ovy’a ogueru haguére peteĩme ko yvy ári ha hesarái ohasa asy hague. Péicha avei peẽ, ko’ágã pehasa asy peína. Ágã che aju jevy vove pohechávo katu, pene renyhẽta vy’águi ha avave ndaikatu mo’ã oipe’a pende hegui upéva.
Upéva upe árape napeporandu mo’ã véima chéve mba’eve.
Ñandejára Jesucristo Ñe’ẽ.