LECTURAS DEL SÁBADO 30 DE NOVIEMBRE

LECTURAS DEL SÁBADO 30 DE NOVIEMBRE

Primera lectura:

Ko’ágä   ñahendúta Tupã Ñandejára ñe’ẽ Daniel arandukápe oĩ háicha                            

7, 15-27

Che, Daniel, añandu tuicha eterei akyhyjeha, ha umi mba’e ahecháva tuicha che py’apy. Añemboja peteĩ umi oñembo’ýva rendápe ha aporandu ichupe mba’épa he’ise umi mba’e ahecháva.

Ha’e he’i chéve: Umi irundy tymba tuicha itéva niko irundy mburuvicha guasu opu’ãtáva oisãmbyhy opa ite tetã nguéra. Upéi katu upéva ohasáta Tupã Ñandejára yvatetegua retã guápe ha ha’ekuéra oporosãmbyhýta opa árape guarã.

Che aikuaase mba’épa oiko pe tymba irundyhágui, ndojoguáiva umi ambuépe ha tuicha ñane mongyhyjéva. Umi hãi niko fiérro ha umi ipyapỹ katu vrónse. Opa mba’e ho’úva omopururũ, ha hembýva rehe opyrũ, ombopepa. Aikuaaseve avei umi 10 hatĩgui, iñakãre osẽva. Pe michĩvéva niko oity va’ekue  mbohapýpe okakuaávo. Ha ha’e hesa, ijuru ha iñe’ẽ guasúva ku tuichave ramo guáicha ha’e umi ambue apytépe. Upéi ahecha mba’éichapa ha’e oñorairõ Tupã Ñandejára  retãgua ndive. Ahecha ha’e ipu’akaha hese kuéra. Upéi oguahẽ upe karai. Ha’e osẽ Tupã Ñandejára yvatetegua retãgua rehehápe ha oguahẽ pe ára Tupã Ñandejára retãgua pópe ohasávo, ha’e kuéra oporosãmbyhy haguã.

He’i ha’e: ‘Pe tymba irundyha tetã irundyha hína upéva, oĩtava yvy ári, ha umi ambuépe ndojogua mo’ãi.

Ha’e omokõta pe yvy, ombopéta ha ohundipáta. Umi 10 hatĩ nguéra, umíva 10 mburuvicha guasu hína, ko tetã oisãmbyhýtava.

Umíva rire ojupíta ambue, ndojogua mo’ãiva umi tenonde guápe, ha omongu’ítava mbohapyve mburuvicha guasu hembývape.

Tupã Ñandejára yvatetegua rehe ojahéita, ha ojukáta ohóvo hetã guápe. Ha Tupã Ñandejára rembiapoukapy oha’ãta oipe’a, avei arete kuéra.

Tupã Ñandejára retãgua oĩta ipo guýpe, mbohapy áño imédio pukukue. Ha’e katu oñembojovakéta, ichugui  ojepe’áta ipokatu, ha oñehundi etéta.

Opa hetã, ipokatu ha imimbipa reheve opa iteyvy jerekuévo, Tupã Ñandejára yvatetegua retã guápe oñeme’ẽta. Ha’ekuéra oporosãmbyhýta opa ára, ha mayma tetãgua ko yvy ári, ha’e kuéra he’ívante ojapóta.’

Tupã Ñandejára Ñe’ẽ.

SALMO ÑEMBOHOVÁI                Dn 3, 82-87

R. Perohory Tupä Ñandejárape, pemomba’e guasu ha peropurahéi ichupe opa ára.

Opa yvypóra perohory Tupä Ñandejárape,

pemomba’e guasu ha peropurahéi ichupe opa ára. R.

Israel, erohory Tupä Ñandejárape, emomba’e guasu

ha eropurahéi ichupe opa ára. R.

Ñandejára pa’i kuéra perohory Tupä Ñandejárape,

pemomba’e guasu ha peropurahéi ichupe opa ára. R.

Ñandejára rembiguái kuéra perohory Tupä Ñandejárape,

pemomba’e guasu ha peropurahéi ichupe opa ára. R.

Heko johéi pyréva perohory Tupä Ñandejárape,

pemomba’e guasu ha peropurahéi ichupe opa ára. R.

Imarangatu ha ojejapo’ỹva perohoryTupä Ñandejárape,

pemomba’e guasu ha peropurahéi ichupe opa ára. R.

ALELUIA Lc 21, 36

Aleluia.

Pejesarekóke ha peñe mbo’e opa ára itépe.

Péicha peñe mbojovakéta kyhyje’ÿre Ñandejára Jesucristo rovake.

Aleluia.

EVANGELIO

Ko’ágä   ñahendúta Ñandejára Jesucristo rekove ha hemimbo’e San Lucas omombe’u háicha. Pejapysaka porãtapa hese?                                             

         21, 34-36

Upe ramo Ñandejára omombe’u hemimbo’e kuérape mba’éichatapa pe ijeju:

Pejerereko, ha ani pe’a mba’eveichagua mba’e vaípe, jeka’u ha umi mba’e ñande rekovépe jajepy’apyha, ani haguã upe ára ho’a peichahágui pende ári ñu hãicha. Oúta niko hína opa yvypóra, ári yvy tuichakue. Peñe mbosako’íke aipórõ, peñe mbo’e opa ára, ikatu haguã peñe mo’ã opa ko’ã mba’e oikótavagui, ha ikatu haguã peime Tupã Ñandejára ra’y ou va’ekue  yvypóraicha renondépe.”

Ñandejára Jesucristo Ñe’ẽ.