Ñahendu Jesús Ñe’ẽ. Viernes de la octava de Pascua

Escucha el evangelio y la reflexión en: https://youtu.be/2TKbeA5Y9nE

Viernes de la octava de Pascua Juan 21, 1 – 14.

Upérõ Jesús ojechauka idisípulokuérape lágo Tiberias rembe’ýpe. Kóicha ojehu, oĩ jave hína oñondive Simón Pedro, Tomás ku Gemelo ojeheróva, Natanael pe Caná Galiléaguáva, Santiago ha Juan, Zebedeo ra’y, ha mokõi Jesús disípulo avei. Pedro he’i chupekuéra: — Aháta pirahápe.

Ha’ekuéra osẽ he’i chupe: — Rohóta ne ndive.

Ojupi hikuái peteĩ kanóape ha osẽ oho. Upe pyharépe ndoitýi hikuái mba’evete.

Ko’ẽmbávo, Jesús oñembo’y hína pe y rembe’ýpe. Idisípulo kuéra katu ndoikuaái chupe.
Jesús oporandu chupe kuéra: — Lo mitã, ndapeitýi piko mba’eve.

Ha’ekuéra he’i chupe: — Nahániri.

Jesús he’i chupe kuéra: —Peity pende rred pe kanóa akatúa gotyo, upépe heta pira.

Péicha ojapo hikuái, ha upéi nda’ipu’akái pe rred rehe henyhẽgui pirágui. Upépe, ku
Jesús disípulo ha’e ohayhúva, he’i Pédrope: — Ñandejára niko amóva.

Simón Pedro ohendúvo péva, pya’e oñemonde oĩgui opívo, ha ojepoi ýpe. Umi ambue Jesús disípulo katu oguãhẽ pe y rembe’ýpe kanóape. Ombotyry ohóvo hikuái pe rred henyhẽva pirágui. 100 metroha rupínte niko oĩ hikuái pe y rembe’ýgui. Oguejývo yvýpe, ojuhu hikuái tata ha hi’ári peteĩ pira, ha pan. Jesús he’i chupekuéra:

— Peru avei umi peity va’ekuégui.

Simón Pedro ojupi jey pe kanóape ha ombotyryry pe rred henyhẽva pira guasúgui y rembe’y peve. Oĩ ipype 153 pira ha ndosorói pe rred henyhẽ ramo jepe. Upéi Jesús he’i chupekuéra: — Peju perambosa.

Avave noñanimái oporandu chupe mávapa ha’e. Oikuaa niko hikuái Ñandejára Jesucristoha. Upéi katu Jesús ojagarra pe pan ha ombohasa chupekuéra, ha péicha avei ojapo pe pira reheve. Kóva niko mbohapy vése háma Jesús ojechauka hague idisípulokuérape, oikove jey rire.

Ñandejára Jesucristo ñe’ẽ

ÑAMBOGUEJY ÑANDE REKOVÉPE

Mba’e reiko. Mba’e rejapo. Oporandu lo mitã jajotopa ramo upérupi. Ha ápe jaha hese hína, ñanrreda ñandúicha. Ja’e ñande oporandúvape. Ha péicha ko añete oiko jepi ñande rehe, ñanrreda ha ñaha’ã ikatumi háicha. Ko’ã Hesu disípulo kuéraicha avei ohóva peskádape. Pyhare pukukue opoi irre agotyo ha pegotyo ha ndoikutúi mba’eve.

Nosẽi ichupekuéra mba’eve.

Ikatúko ñandéve avei ojehu péicha ñane rembiapópe, ñande rógape, ñande tupaópe, ñaha’ã agotyo ha pegotyo ha ndajaikutúi vaicha mba’eve, vyrésa vaicha la ñane delihéncia.

Noimeichénepa che reindy ha nde che irũ, ñande avei umi disípulokuéraicha ñaikotevẽ avei Hesúre, toñanduka ñandéve ha’e moõ gotyopa jajapi va’erã, mba’épa jajapo vaerã ideprovecho haguã upe ñane rembiapo.

Pa’i Alberto Luna.