ASCENSIÓN DEL SEÑOR

ASCENSIÓN DEL SEÑOR

LECTURA PETEÏHA:

Ko’ágä ñahendúta Tupä Ñandejára ñe’ẽ Apóstolkuérarembiapokuépe oĩ háicha                                                            1, 1-11

Che kuatiañe’ẽ tenonde guápe, nde Teófilo rejererohory etéva, añe’ẽ va’ekue opa mba’e Jesús ojapo ha ombo’e va’ekue rehe iñepyrũha guive, yvágape ojehupi hague ára peve. Oho mboyve, Espíritu Santo rupi oheko mbo’e hembiaporãre umi apóstol ha’e oiporavo va’ekuépe. Ha omano rire ojechauka va’ekue ha’ete voi, ohechauka porãvo oikoveha, 40 ára aja ojechauka ichupe kuéra ha oñe’ẽ ichupe kuéra Tupä Ñandejára sãmbyhy  rehe.

Oiko aja gueteri ijapóstolkuéra ndive, Jesús he’i ichupekuéra ani haguã oho Jerusaléngui. He’i ichupekuéra:

Peha’arõ toiko raẽ upe che Ru he’i va’ekue, che añe’ẽ hague peëme. Añete, Juan oporomongarai va’ekue ýpe, mbovy ára riremínte katu peë peñemongaraíta Espíritu Sántope. Umi oñemboaty  va’ekue Jesús ndive oporandu ichupe: Ore Jára, ko’ágãpa remopu’ã jevýta Israel remisãmbyhy?

Jesús he’i ichupekuéra: Peëme ndaijái peikuaávo, mba’e árape térã araka’etépa oikóta umi mba’e che Ru oheja va’ekue ipoguýpe. Espíritu Santo oúvo pende ári katu perekóta pokatu ha pesẽta pe che moerakuãvo Jerusalénpe ha opa Judea ha Samaría pýre ha opa ko yvy jerekuévo.

Upéva he’ipávo, ha’e kuéra oma’ẽ aja hese, Jesús ojehupi ha peteï arai ojaho’i ha ndohechavéi hikuái ichupe. Ha ha’e kuéra oma’ẽ aja yvága rehe, ohechávo mba’éichapa Jesús oho mombyry, mokõi kuimba’e ijao morotĩva ojechauka ijyke rehe kuéra, ha he’i ichupe kuéra:

Peë Galileagua, mba’e rehe piko pepyta pema’ẽ yvága rehe? Upe Jesús voi oĩ va’ekue pene ndive ha ojehupi va’ekue yvágape, ou jevýta pehecha haguéicha oho.

Tupä Ñandejára Ñe’ẽ.

SALMO ÑEMBOHOVÁI           47, 2-3. 6-9

R.Tupä Ñandejára ojupi iguapyhápe, sapukái ha turupúpe.

Opa tetãnguéra pejepopete,

vy’a pópe perosapukái Tupä Ñandejárape.

Ñandejára yvateteguágui jakyhyje va’erã, ha’e hína mburuvicha guasu. R.

Tupä Ñandejára ojupi iguapyhápe, sapukái ha turupúpe.

Pepurahéi! Pepurahéike Tupä Ñandejárape!

Pepurahéi! Pepurahéike ñande ruvicha guasúpe! R.

Tupä Ñandejára hína tetã nguéra ruvicha guasu,

peropurahéike ichupe.

Tupä Ñandejára oisãmbyhy tetãnguéra,

Tupä Ñandejára oĩ iguapyha marangatúpe. R.

SEGUNDA LECTURA:

Ñahendúta Tupä Ñandejára Ñe’ẽ San Pablo ohai va’ekue Éfeso guápe                                                             1, 17-23

Ajerure Ñandejára Jesucrísto  Tupäme, Túva tuicha itéva, ome’ẽ haguã peëme pe Espíritu, pene moarandu ha oikuaaka haguã peëme mba’eichaguápa Tupä Ñandejára, ha añetehápe peikuaa haguã ichupe.

Ajerure Tupä Ñandejárape omoesakã haguã peëme pene akãme perekóva, peikuaa porã haguã mba’e peha’arõ haguãpa ha’e pene renói raka’e, ha mba’eicha itépa ha’e tuicha ohovasa opa mba’épe, umi imba’évape, ha mba’eicha itépa tuicha ha ijojaha’ỹva pe ipokatu ñane pytyvõva, ñande Cristo rehe jajeroviápe.

Ko ipokatu ñane pytyvõva niko hína pe pokatu Tupä Ñandejára ohechauka mbarete va’ekue, omopu’ã jevy ramo Crístope, ha omboguapy ichupe ijakatúape, yvágape. Tupä Ñandejára omoĩ ichupe opaichagua yvategua ruvicha ári, ha opa ite mba’e oĩva ári, ko’agãgua ha oútava. Ha’e omoĩ opa ite mba’e Cristo py guýpe, ha omoĩ Crístope voi iglésia akãrõ. Cristo iglésia niko Cristo rete hína, Cristo rupi oĩmba porãva, Cristo rupi hína opa ite mba’e oĩ porãmba.

Tupä Ñandejára Ñe’ẽ.

ALELUIA    Mt 28, 19a. 20b.

Aleluia.

Tupä Ñandejára ome’ẽ chéve pokatu opa mba’e ári, yvágape ha yvýpe. Ta peho  aipo ramo opa tetã rupi ha pe porombo’e ha pejapo ichupekuéra che remimbo’e ramo.

Peikuaáke, che aimetaha pene ndive opa árape ko yvy opaha peve.

Aleluia.

EVANGELIO

Ko’ágä ñahendúta Ñandejára Jesucrísto  rekove ha hemimbo’e San Juan omombe’u háicha.

Pejapysaka porãtapa hese?                                                28, 16-20

Upe ramo umi 11 Jesús remimbo’e oho Galiléape, pe yvyty Jesús he’i haguépe ichupekuéra. Ha ohechávo ichupe, ha’ekuéra omomba’e guasu ichupe, oĩ ramo jepe ndo gueroviapáiva pe ohechava. Jesús oñemboja hendápekuéra ha he’i: Tupä Ñandejára ome’ẽ chéve pokatu opa mba’e ári, yvágape ha yvýpe.

Tapeho aipo ramo opa tetã rupi ha pe porombo’e ha pejapo ichupekuéra che remimbo’e ramo. Pemongarai ichupekuéra Túva, Ta’ýra ha Espíritu Santo rérape, ha pembo’e ichupekuéra ojapopa haguã opa umi mba’e aheja va’ekue peëme. Peikuaáke, che aimetaha pene ndive opa árape ko yvy opaha peve.

Ñandejára Jesucrísto  Ñe’ẽ.