LECTURAS MARTES SEMANA XVIII TO

LECTURAS MARTES SEMANA XVIII TO

Ko’ágä   ñahendúta Tupã Ñandejára ñe’ẽ Jeremías arandukápe oĩ háicha        

  30, 1-2. 4. 12-15. 18-22

Kóva hína upe ñe’ẽ Tupä Ñandejára he’i va’ekue  Jeremíaspe. “Tupã Israel Jára he’i: Ehai kuatiápe opa mba’e ha’e va’ekue  ndéve, Tupä Ñandejára he’i:

“Nde jekutukue ndaikatuvéi okuera, nde mba’asy naipohãvéi.

Ndaipóri nde rehe ojepy’apýva.

Ndaipóri nde ai oipohanóva, ha na ne pohãi voi.

Ne ñembokihakue hesaraipáma nde hegui, ndojepy’apy véima nde rehe.

Che niko roikutu va’ekue  ñande kutu háicha ñande rayhu’ỹva, roinupã pochy va’ekue  ne rembiapo vaiku eta ha heta ite ne añanguére.

Mba’ére piko nde pochy rejekutu haguére?

Ne mba’asy naipohãi.

Heta ite ne añangue ha heta ne rembiapo vai haguére ajapo va’ekue  nde rehe upéicha.

Tupä Ñandejára he’i: Amoambue jevýta  Jacob retã rekove, hetã aiporiahuverekóta.

Itáva kuéra oñemopu’ã jevýta  itapere kuépe, ha hóga guasu kuéra henda guépe.

Umívagui osẽta purahéi aguyje  ha puka rory.

Naimbovy mo’ãi, che ambohetáta ichupekuéra.

Ndojeapo’i mo’ãi, che arohorýta ichupekuéra.

Israelgua ha’éta yma guaréicha; hetãgua oĩ hatãta che renondépe, ha hendive ojopývape ainupãta.

Ijapytégui anohẽta huvicharã: Peteĩ oporosãmbyhýva osẽta upégui voi.

Amoñembojáta che rendápe.

Upéicha’ỹ ramo piko máva oñembojaséta che rendápe?

Ha’e kuérata che retãgua, che katu ha’éta Itupã.

Che, opa mba’e Jára, upéicha ha’e.”

Tupã Ñandejára Ñe’ẽ.

SALMO ÑEMBOHOVÁI      101, 16-21. 29. 22-23

R. Tupä Ñandejára ojechaukáta Siónpe heko mimbipápe

Tupä Ñandejára, tetã nguéra nde réragui okyhyjéne,

mburuvicha guasu kuéra ne momba’éne.

Tupä Ñandejára omopu’ã jevy vove Sión,

ha ojechaukávo heko mimbipápe,

ohendúne imboriahúva ñembo’e

ha nomboykéi chéne imba’e jerure. R.

Ne rembiguái ra’y kuérare reñangarekóne,

ha iñemoñare kuéra oiko porãne nde rupi.

Tupä Ñandejára réra ojererohorýne Siónpe,

héra oñemomba’éne Jerusalénpe, ágã tetã nguéra

oñemboatývo oñondive

omomba’e guasu joa haguã ichupe. R.

Ne rembiguái ra’ykuérare reñangarekóne,

ha iñemoñarekuéra oiko porãne nde rupi

Tupä Ñandejára réra ojererohorýne Siónpe,

héra oñemomba’éne Jerusalénpe, ágã tetãnguéra oñembyatývo oñondive

omomba’e guasu joa haguã Tupä Ñandejárape. R.

ALELUIA Jn 1, 49b

Aleluia.

Mbo’ehára, nde ningo Tupä Ñandejára Ra’y. Nde hína Mburuvicha guasu Israelpe guarä.

Aleluia.

Evangelio

Ko’ágä   ñahendúta Ñandejára Jesucristo rekove ha hemimbo’e San Mateo omombe’u háicha.

Pejapysaka porãtapa hese?  15, 1-2. 10-14

Upe ramo oñemboja Jesús rendápe fariséokuéra ha umi Moisés rembiapoukapy mbo’eha, oúva Jerusaléngui. Oporandu ichupe hikuái:

Mba’ére piko umi ne remimbo’e ndojapói hekópe umi mba’e ñande ypykue ñande reko mbo’e va’ekue ? Ndojepohéiri niko okaru haguã, ojejapo va’erã háicha.

Upéi Jesús ohenói opavavépe, ha he’i ichupekuéra:

  “Pehendúke peikuaa haguã. Ndaha’éi pe ñande juru rupi oikéva pe ñane mongy’áva. Pe ñande jurúgui osẽvante pe ñane mongy’áva”.

Upépe, hemimbo’e kuéra oñemboja Jesús rendápe, ha he’i ichupe:

Reikuaa piko umi fariséo ipochy hague ohendúvo upe eréva?

Jesús katu he’i ichupekuéra:

Oimeraẽ ka’avo che Túva yvága pegua noñotỹi va’ekue, oñemondoróta hapo guive. Pejeheja ichugui  kuéra. Ha’e kuéra niko hína ohecha’ỹva oisãmbyhýva ohecha’ỹvape avei. Ha pe ohecha’ỹva oisãmbyhy ramo ambue ohecha’ỹvape, mokõivéva ho’áne katu ete yvykuápe.

Ñandejára Jesucristo Ñe’ẽ.