LECTURAS: LUNES II DE CUARESMA

LECTURAS: LUNES II DE CUARESMA

Ko’ágä   ñahendúta Tupã Ñandejára ñe’ẽ Daniel arandukápe oĩ háicha                

                                 9, 4b-10

Tupã che Jára, nde Tuicha ha ne Mbaretéva, rejapóva katu ete upe eréva ha rehechauka ne mborayhu umi nde rayhúvape ha ojapóva ne rembiapoukapy.

Rojapo niko ivaíva, ore reko aña, na ore mandu’ái nde rehe. Ropu’ã nde rehe ha romboyke ne rembiapoukapy. Norohenduséi va’ekue ne rembiguáikuéra maranduhárape, oñe’ẽ va’ekue nde rérape ore ruvicha guasukuéra, ore moakãhárakuéra, ore rukuéra ypykuépe, ha opa Israel guápe. Nde niko ore Jára nde reko joja. Ore katu, judíokuéra maymáva, ñemotĩ ro’u ko’ágã.

Peteĩcha roñemotĩ, Jerusalén ha ambue Israelgua, aguĩ térã mombyry roikóva umi tetã nde ore mosarambi hague rupi, ropu’ã haguére nde rehe.

Ore, ore Jára, ñemotĩ ro’u, ha upéicha avei ore ruvicha guasukuéra, ore moakãhára  kuéra ha ore ru kuéra ypykue ore rembiapo vai haguére nde renondépe.

Nde Tupã ore Jára, opa ára reiporiahuvereko ha reheja reíva opavavépe hembiapo vai. Ore katu ropu’ã nde rehe, ha norohenduséi va’ekue ne ñe’ẽ reme’ẽ va’ekue oréve ne rembiguái, maranduhárakuéra rupi.

Tupã Ñandejára Ñe’ẽ.

SALMO ÑEMBOHOVÁI   78, 8-9. 11. 13

R. Ani rejopy ore ndive Tupã Ñandejára ore rembiapo vaíre.

Ani rejopy ore ndive Tupã Ñandejára ore rukuéra ypykue hembiapo vaikuére.

Pya’ékena ore poriahuvereko, cháke vaípe rojecha. R.

Tupã che Pysyröhára, eju ore pytyvõ, nde Réra oñemomba’e guasúre:

ore pytyvõ ha eheja rei oréve ore angaipa, nde Réra rehehápe.  R.

To guahẽ ne renda ite peve umi iñapytĩmby oikóva rembijerure,

ha nde pyapy mbaretépe eipytyvõ umi ojejukatávape. R.

Ore niko ne retã, ore umi nde ovecha, roaguyjeve me’ëne ndéve tapiaite,

opa árape romomba’éne, ha rogueropurahéine opa árape. R.

VERSÍCULO ANTES DEL EVANGELIO   Jn 6, 63c. 68c

Ne ñe’ë Tupä Ñandejára oreko Espíritu ha Tekove:

Nde ereko ñe’ë Tekove ijapyra’ÿva.

EVANGELIO

Ko’ágä   ñahendúta Ñandejára Jesucristo rekove ha hemimbo’e San Lucas omombe’u háicha.                                                     6, 36-38

Upe ramo Jesús he’i hemimbo’ekuérape: Peporo poriahuvereko va’erã, pende Ru pende poriahuvereko háicha.”

Ani pemoĩ vai pende rapichápe, ha Tupã Ñandejára na pene moĩ vai mo’ãi. Ani pejopy vai pende rapichápe ha Tupã Ñandejára na pende jopy vai mo’ãi.

Peheja rei hembiapo vaikue pende rapichápe, ha Tupã Ñandejára oheja reíne peẽme. Peme’ẽ ambuépe, ha Tupã Ñandejára ome’ẽne peẽme.

Ipojeráne pene ndive ha ome’ẽne peẽme pende vosa renyhẽ chovi. Peẽ pejapo háicha pende rapicháre, Tupã Ñandejára omoengovia jevýne peẽme.

Ñandejára Jesucristo Ñe’ẽ.