LECTURAS VIERNES XXIII DEL TIEMPO ORDINARIO

LECTURAS VIERNES XXIII DEL TIEMPO ORDINARIO

LECTURA PETEÎHA:

Ñahendúta Tupã Ñandejára Ñe’ẽ San Pablo ohai va’ekue Timotéope 1, 1-2. 12-14

Che Pablo, Jesucristo apóstol, ombou va’ekue Tupã Ñandejára, ñane pysyrõva, ha Jesucristo Ñandejára, pe ñaha’arõva, amomaitei Timotéope, che jerovia pegua che ra’y tee. Tupã, ñande Ru ha Ñandejára Jesucristo, to ñohẽ ipytyvõ, iporiahuvereko ha ipy’aguapy nde ári.

Ame’ẽ che aguyje pe che mombarete va’ekuépe, Ñandejára Jesucrístope, che rerekóva ijeroviaha ramo ha che moĩ va’ekue amba’apo haguã ichupe guarã. Ha’e rire ramo jepe hese heta mba’e vai yma, amuñámi ha ajahéimi hese, Tupã Ñandejára che poriahuvereko, ndaha’éigui gueteri va’ekue che heroviaha ha ndaikuaái ajapóva. Ñandejára heta ohekuavo che rehe imborayhu, che momba’e ha ome’ẽ chéve pe mborayhu ikatúva jareko Jesucristo rupi ae.

Tupã Ñandejára Ñe’ẽ.

SALMO ÑEMBOHOVÁI 15, 1-2a. 5. 7-8. 11

Opavave: Tupã Ñandejára, nde hína opa mba’e chéve guarã.

Tupã, eñangareko kena che rehe, ne rendápe niko açuahẽ.
Ha’e ndéve: “Nde hína che Jára ndaipóri nde jojáva.”
Ñandejára, nde hína opa mba’e chéve guarã.
Nde pópe oĩ che rekove. O.

Amomba’e guasúta Tupä Ñandejárape che resape’áva,
pyharekue jepe, che py’a rugua guive che moarandu.
Opa árape Ñandejárare che mandu’a,
ha’e oĩ ramo che ypýpe nda’ái chéne. O.

Nde rehechaukáne chéve jeikove rape.
Ne rendápe aime ramo vy’águi che moenyhẽne.
Nde ypýpe vy’a ndopáiva,
nde ykere, nde akatúape. O.

ALELUIA Cf. Jn 17, 17ba

Aleluia.
Ne ñe’ẽ Tupã Ñandejára anetegua; ore momarangatumi upe añeteguápe.
Aleluia.

EVANGELIO

Marandu porã Ñandejára Jesucristo rekove ha hemimbo’e San Lucas omombe’u háicha 6, 37-42

Upe ramo Jesús omombe’úvo ichupe kuéra ko ñe’ẽ mbojoja: “Peteĩ ohecha’ỹva nga’u piko ikatu omboguata ambue ohecha’ỹvape? Ndo’a mo’ãi nga’úpa mokõivéva peteĩ yvykuápe? Ndaipóri temimbo’e mba’e guasuvéva imbo’eháragui.

Ojehekombo’e porã marõ ae ohupitýne imbo’ehárape. Mba’éicha piko rehecha pe yvyra ku’i nde ryvy resápe oíva, ha nderehechái pe yvyra poguasu nde resápe voi rerekóva? Ha nderehecháirõ pe yvyra poguasu oĩva nde resápe voi, mba’éicha piko nde py’a ere haguã nde ryvýpe: ‘Che ryvy, taipe’a ndéve pe yvyra ku’i nde resápe oĩva’. Nde, tekove rova mokõi! Eipe’a raẽ pe yvyra poguasu nde resápe oĩva rehecha porã haguã, ha upéi reipe’a haguã pe yvyra ku’i nde ryvy reságui.”

Ñandejára Jesucristo Ñe’ẽ