LECTURAS DOMINGO CUARTO DE PASCUA

LECTURAS DOMINGO CUARTO DE PASCUA

Primera lectura:

Ko’ágä ñahendúta Tupä Ñandejára ñe’ẽ Apóstolkuéra rembiapokuépe oĩ háicha 2, 14a. 36-41

Pedro oñembo’y umi 11 apóstol ndive ha oñe’ẽ hatã he’ívo:

Toikuaa porãke opa Israelgua, ko Jesúspe voi, peë pemosãingo va’ekue kurusu rehe, Ñandejára omoingo hague opa mba’e Jára ha Mesías ramo”.

Umi ijaty va’ekue ohendúvo ko’ã mba’e, oñembyasy eterei ha oporandu joa Pedro ha apóstolkuérape:

Ore pehẽngue, mba’éiko rojapóta?

Pedro he’i ichupekuéra:
Pejevy Ñandejára gotyo ha peñe mongaraiuka peteï teĩ Jesucrísto rérape, Ñandejára oheja rei haguã peëme pene angaipa, ha péicha ome’ẽta peëme Espíritu Santo. Ko ñe’ẽme’ẽ niko peëme ha pene ñemoñarépe, ha avei opa umi mombyry oĩvape guarã. He’ise opa umi Tupä Ñandejára ohenoisévape guarã.

Ko’ãichagua ñe’ẽ rupi, Pedro oñemoñe’ẽ ha oheko mbo’e ichupekuéra, he’ívo:
Pejeheja ko’ã tekove ahẽgui!

Ha umi oguerovia va’ekue iñe’ẽ, oñemongaraika. Ha upe árape oike umi ogueroviáva apytépe, 3.000 tapicha rupi.

Tupä Ñandejára Ñe’ẽ.

Todos: Romomba’e guasu ndéve, Ñandejára.

SALMO ÑEMBOHOVÁI 23, 1-6

R. Ñandejára oñangareko che rehe, mba’eve naikotevẽi.
Ñandejára che rerekua, mba’eve naikotevẽi.
Ñu rovyũ asýpe che mombytu’u, y satĩ ypýpe che moguahẽ.
Tape poräre che reraha che mombarete jevy. R.

Ahasa ramo jepe ka’aguy ypytũ rupi,
nda kyhyjéi chéne, nde, che Jára, reimégui che ndive.
Nde yvyra jekoha, nde rehe che mbojerovia. R.
Karu guasu chéve rejapo umi che rayhu’ỹva rovake.
Che akã rehe reñohẽ mba’e ryakuã asy, ha upe hay’uha remyenyhẽ chovi. R.

Ne mborayhu ha ne mba’e recha kuaa, rehechauka chéve aikove aja pukukue,
ha nde rógape Tupä Ñandejára, aikóne ára opave’ÿva. R.

Segunda lectura:
Ñahendúta Tupä Ñandejára Ñe’ẽ San Pedro aranduka peteï hápe oĩ háicha

2, 20b-25

Che pehenguekuéra pohayhu etéva:

Pehasa asy ramo pejapo hague rehe mba’e porã katu, upéva ombohory Tupä Ñandejárape. Upevarã pene renói va’ekue Tupä Ñandejára. Cristo niko ohasa asy va’ekue pende rehehápe, ha ha’e techapyrã peëme guarã, peho haguã hapykuéri. Cristo ndo guerekói mba’eveichagua angaipa, ha araka’eve nombotavýi avavépe.

Ojejahéimi ramo hese, ha’e nombohováiri va’ekue jejahéipe. Ombohasa asy ramo hikuái ichupe ha’e ndaijuru guasúi avavépe.

Oñembo’énte va’ekue Ñandejárape, oporombojovakéva teko jojápe. Cristo, ha’ete voi ogueraha hetepýpe kurusu rehe ñane angaipa, ñande ñamano haguã angaipápe guarã ha jaikove teko jojápe. Cristo ojekutupa va’ekue, peë pekuéra haguã. Peë niko yma peiko va’ekue ovecha hápe kañývaicha, ko’ágã pejevy Cristo rendápe, oñangarekóva ha oma’ẽva pende rehe ovecha rerekuáicha.

Tupä Ñandejára Ñe’ẽ.

Todos: Romomba’e guasu ndéve, Ñandejára.

ALELUIA Jn 10, 14
Aleluia.
Che ha’e pe ovecha rerekua imba’e porãva, che aikuaa háicha che
ovechápe, ha’e kuéra che kuaa chéve he’i Tupä Ñandejára.
Aleluia.

EVANGELIO
Marandu porã Ñandejára Hesukrísto rehegua San Juan omombe’u háicha 10, 1-10
El pueblo aclama: Romomba’e guasu ndéve, Ñandejára.

Upérõ Jesús he’i fariséokuérape: Añete ha’e peẽme, pe ojapyharáva kora ári oike
haguã ovecha kuéra oĩháme, upéva mondaha ha tekove aña hína. Upe okẽ rupi oikéva
katu, upéva hína pe ovecha rerekua oñangarekóva ijovecháre. Oime niko pe oipe’áva pe
ovecha keha rokẽ pe ovecha rerekuápe.

Oike ha’e, ha peteĩ-teĩme ohenói héra rupi, ha ha’ekuéra oikuaa iñe’ẽ. Oguenohẽ umi ovecha okápe, ha osẽmbávo katu, oho henonderã. Umi ovecha oho hapykuéri oikuaágui iñe’ẽ. Oikuaa’ỹva rapykuéri katu ndohói. Okañymbáne uvei chugui, ndoikuaáigui iñe’ẽ.

Jesús omombe’u umi héntekuérape ko káso, ha’ekuéra katu ndoikuaái mba’épa upe
he’iséva chupekuéra.

Jesús oñe’ẽve chupekuéra upe kásore: Añetehápe ha’e peẽme. Chéko hína pe okẽ umi
ovecha ohasaha rupi. Opa umi ou vaekue che mboyve niko mondaha ha tekove aña
vaekue, ha umi ovecha nohendúi vaekue chupe kuéra. Che hína upe okẽ. Che rupi
oikéva ojesalváta. Ojoguáta umi ovechápe oike ha osẽva ikorágui ha ohóva ojuhu
hembi’urã.

Mondaha niko ou omonda ha oporojuka, ha upéi ave ohundi haguã opa mba’e.
Che katu aju peikove haguã, ha peikove haguã peikotevẽ’ỹre mba’eve.

Ñandejára Jesucrísto Ñe’ẽ.