LUNES CUARTO DE PASCUA

LUNES CUARTO DE PASCUA

Primera lectura:

Ko’ágä   ñahendúta Tupã Ñandejára ñe’ẽ Apóstol kuéra rembiapokuépe oĩ háicha                                

11, 1-8

Apóstol ha oñopehẽngue Jesús reroviaha kuéra oĩva Judéape oikuaa Israelgua’ỹva avei oguerohoryha Ñandejára Ñe’ẽ. Pedro ou jeývo Jerusalénpe katu, oĩ Israelgua Jesús reroviaha oñe’ẽ vaíva hese. Oporandu hikuái ichupe: Mba’ére piko reho Israelgua’ỹva rendápe ha rekaru hendive kuéra?

Pedro omombe’upa ichupe kuéra iñepyrũha guive ojehu va’ekue. He’i ichupe kuéra: Aime hína táva Jópepe, ha añembo’e aja areko peteĩ jechauka: Ahecha peteĩ savana guasu joguaha, oñeñapytĩva irundy ijapýgui oguejy ramo yvágagui che aimeha peve. Ama’ẽ porã ahecha haguã pe oĩva pype ha ahecha tymba ipy irundýva ha tymba saite, hyére otyryrýva ha guyra. Ha peteĩ oñe’ẽva he’i chéve: ‘Pedro, epu’ã ejuka ha he’u.’ Ha’e ichupe: ‘Nahániri, che Jára, araka’eve ndoikéiva che jurúpe mba’eve Tupãme oñemboyke’ỹva, térã ipotï’ỹva.

Tupã Ñandejára Ñe’ẽ.

SALMO ÑEMBOHOVÁI                41, 2-3; 42, 3-4

R. Che ángã nde hegui henyhẽse, Tupã reikovéva.

O bien:

Aleluia.

Ku guasu yuhéi ijuku’a háicha ysyry porãre,

upéicha che ánga henyhẽse nde hegui, Tupã Ñandejára.

Che ángã nde hegui henyhẽse, Tupã Ñandejára reikovéva.

Araka’épa aguahëta ne rendápe ha romomba’e guasu? R.

Embou ne mba’e resapeha ha añetegua:

Ehesape ha emyesakã chéve che raperã,

ikatu haguã aguahẽ nde yvyty marangatúpe,

upe tenda nde reikohápe. R.

Aguahẽne Tupã Ñandejára oñemomba’e guasuhápe,

upe che rekove ombohorýva rendápe;

ha aguyjeve me’ëta ndéve árpa púpe

aropurahéine Tupã, che Járape. R.

ALELUIA Jn 10, 14

Aleluia.

Ñandejára Jesucristo he’i:

“Che hína ovecha Ñangarekoha marangatu:

aikuaa che ovechakuérape ha ha’ekuéra chekuaa avei”.

Aleluia.

EVANGELIO

Ko’ágä   ñahendúta Ñandejára Jesucristo rekove ha hemimbo’e San Juan omombe’u háicha. Pejapysaka porãtapa hese?                                              10, 1-10

Upe ramo Jesús he’i fariséo kuérape: “Añete ha’e peẽme, pe oike’ỹva ovecha kuéra korápe hokẽ rupi, upéva mondaha ha teko moñái hína. Upe oikéva kora rokẽ rupi katu, upéva hína pe ovecha rerekua oñangarekóva umi ovecháre. Kora rerekua oipe’a pe ovecha rerekuápe kora rokẽ ha’e oike haguã. Ha oike ha’e, ha peteĩ teĩme ohenói umi ovecha kuérape héra rupi, ha ha’e kuéra oikuaa iñe’ẽ. Ha’e oguenohẽ umi ovecha korágui, ha osẽmbávo okápe, ha’e oho henonderã. Umi ovecha oho hapykuéri oikuaágui iñe’ẽ. Peteĩ oikuaa’ỹva rapykuéri katu ndoho mo’ãi.

Okañymba uvei ichugui , ndoikuaáigui iñe’ẽ”.

Jesús ohenduka ichupekuéra ko ñe’ẽ mbojoja, ha’e kuéra katu ndohecha kuaái mba’épa Jesús he’ise ichupekuéra.

Jesús oñe’ẽ jevy ichupe kuéra kóicha: “Añetehápe ha’e peẽme: Che hína pe okẽ ohasaha rupi ovecha kuéra. Opa umi ou va’ekue che mboyve, umíva mondaha ha teko moñái va’ekue, ha umi ovecha kuéra nohendúi va’ekue ichupe kuéra. Che ha’e pe okẽ. Che rupi oikéva ndojejopy vai mo’ãi. Ha’e ojoguáta ku ovechápe, oike ha osẽva korágui ha ojuhúva hembi’urã.”

“Mondaha niko ou omonda, oporojuka ha ohundi haguã opa mba’e. Che katu aju peikove haguã, ha peikove haguã peikotevẽ’ỹre mba’eve.

Ñandejára Jesucristo Ñe’ẽ.