DOMINGO SEMANA XII TO

LECTURA PETEÏHA:

Ko’ágä ñahendúta Tupä Ñandejára ñe’ẽ Jeremías arandukápe oĩ háicha

20, 10-13

Ikatu ahendu oñeñe’ẽ ngururu ramo.

“Opa rupi ojekyhyjepa guasu!”

He’i hikuái:

“Jagueraha ñambojovake ichupe!”

Che irũ teéva jepe oipota añepysãnga vai.

He’i hikuái: “Ikatu mba’éko ojavy.

Upéma ramo ñande pu’akáta hese ha ñamyengoviáta ichupe”.

Nde katu, che Jára, reime che ndive kuimba’e py’a guasúicha ñorairõme.

Ho’áta umi che rehe oñemoĩva ha ndaipu’aka mo’ãi che rehe.

Opa mba’e osẽ vaíta ichupekuéra ha itĩndýta opytávo, opa ára ojaho’íta ichupe kuéra ñemotĩ opave’ỹva.

Che Jára nde pu’akapáva, nde reporohekora’ãva teko jojápe, nde rehecháva yvypóra py’apy, ehechaukána chéve mba’éichapa reporonupã,

nde pópe niko amoĩ che rekove.

Peropurahéi Ñandejárape, perohory ichupe!

Ha’e niko oipe’a ojepy’apývape iñañáva poguýgui.

Tupä Ñandejára Ñe’ẽ.

Todos: Romomba’e guasu ndéve, Ñandejára.

SALMO ÑEMBOHOVÁI         69, 8-10. 14. 17.33-35

R. Tupä, ne mborayhu tuichagui ehendu che ñembo’e.

Nde rehehápe niko heta mba’e ahasa, ha ñemotĩ mante ha’u.

Che ryke’y kuéra mba’eve ndoikuaaséi che hegui,

che rógape okaragua ramo aiko.

Nde tupao ahayhúgui che piru che kã,

ha nde rehe oñeñe’ẽ vai ramo, che rehe oñeñe’ẽ hína. R.

Tupä, ndéve niko añembo’e reju haguã che pytyvõ.

Ne mborayhu niko tuicha, eju che nohẽ ajejopy vaihagui.

Tupä, ne mborayhu tuichagui ehendu che ñembo’e.

Nde che poriahuverekógui ejapysaka che rehe. R.

Imboriahúva ohecha ha ovy’a, ikyre’ỹne umi Tupä rehe ojeroviáva.

Tupä ojapysaka imboriahúva rehe, ha nomboykéi umi iñapytĩmby oikóva.

Yvága, yvy ha umi y tomomba’e Tupäme, ha opa ipype oikóva. R.

LECTURA MOKÖIHA:

Ñahendúta Tupä Ñandejára Ñe’ẽ San Pablo ohai va’ekue Roma guápe

                                            5, 12-15

Che pehenguekuéra:

Peteï kuimba’e año rupi, niko oike pe pekádo apo ko yvy ári. Ha upe pekádo apo rape rupi, oike pe mano. Ha upéicha, mano ohasa opavavépe, opavave ipekádo rupi. Ñandejára mandamiénto oĩ mboyve, oĩma va’ekue pekádo ko yvy ári. Pekádo apo ndojererekói mba’eve ramo, ndaipóri ramo mandamiento.

Upéicha ramo jepe, Adán ára guive Moisés peve, mano oguahẽ opa yvypórape, umi hembiapo vai’ỹvape jepeve, ojehu haguéicha Adánpe, peteï mandamiento ojapo’ỹ hague rehe. Adán ojogua hína, pe upe rire oútavape.

Pe Adán rembiapo vaikue ndaikatúi ñambojoja, pe jopói Tupä ome’ẽ va’ekue rehe ñandéve. Peteïva pekádo rehe año heta omano va’ekue, ha pe mba’e Tupä ome’ẽ va’ekue ñandéve reiete katu, peteï año rupi, Jesucrísto, upéva tuichave mba’e ha iporã opavavépe.

Tupä Ñandejára Ñe’ẽ.

Todos: Romomba’e guasu ndéve, Ñandejára.

ALELUIA    Jn 15, 26b. 27a

Aleluia.

Pe Espíritu oikuaaukáva mba’eichaguápa Tupä ha oúva che Rúgui. Ichupe amboúta peëme che Rúgui ha ha’e oñe’ẽta che rehehápe. Ha Peë avei peñe’ẽta che rehehápe

Aleluia.

EVANGELIO

Marandu porã Ñandejára Hesukrísto rehegua San Mateo omombe’u háicha

    10, 26-33

El pueblo aclama: Romomba’e guasu ndéve, Ñandejára.

Upérõ Jesús he’i idisípulokuérape: Ani pekyhyje avavégui. Opa mba’e oñemívako ojekuaapa vaerã ágã. Ha opa mba’e okañýva ojehecha vaerã ágã.  Ko’ã mba’e ha’éva peẽme pytũmbýpe, pehenduka peẽ araitépe. Ha umi mba’e ha’éva peẽme pende apysápe, perosapukái opa rupi.  Ani pekyhyje umi ikatúvagui ohundi pende rete, ha ikatu’ỹva ohundi pene ánga. Pekyhyje Ñandejáragui, ikatúva pene rundi Aña retãme.

 Mokõi guyra’i niko mba’eve ndovaléi. Péicharõ jepe nomanói Ñandejára ndoipotái ramo.  Pene akãrague peteĩ-teĩ jepe niko ha’e oikuaapa.  Aníke aipo ramo pekyhyje, peẽ niko mba’e guasueteve hína heta guyra’ígui.

 Peẽ pemombe’u ramo peẽ che disípuloha, che ave amombe’úne che Rúpe peẽ che mba’eha.  Peje ramo pende jehe ndaha’eiha katu, che ha’éne che Rúpe ndapoikuaaiha.

Ñandejára Hesukrísto  Ñe’ẽ.

Todos responden: Romomba’e guasu ndéve, Ñandejára Hesukrísto.