DOMINGO SEMANA XXII TO

LECTURA PETEÏHA:

Ko’ágä ñahendúta Tupä Ñandejára ñe’ẽ Jeremías arandukápe oĩ háicha              20, 7-9

Che Jára, nde che mbotavy, ha che añembotavyuka.

Ne mbareteve va’ekue ha nde pu’aka che rehe.

Manterei ojepuka che rehe, opavave oñembohory che rehe.

Añe’ẽ ramo, añe’ẽ amomarandu haguã ñendyry ha ñerundínte voi.

Manterei oñeñe’ẽ reity chéve ha oñeñembohory che rehe amyerakuãgui ne ñe’ẽ.

Ha’e ramo: “Na che mandu’a mo’ãvéi Ñandejára rehe, na ñe’ẽ mo’ãvéi hérape”, upéro ne ñe’ẽ che pype oiko tata che mbokusuguéva ramo, oikéva che kãnguekua peve. Ajokose ha ndaikatúi.

Tupä Ñandejára Ñe’ẽ.

Opavave: Romomba’e guasu ndéve, Ñandejára.

SALMO ÑEMBOHOVÁI                    63, 2-6. 8-9

Opavave: Che py’a nde hegui amyenyhẽse, che Jára.

Tupä, nde niko che Jára.

Opa rupi roheka che py’a nde hegui amyenyhẽségui.

Opa che rekove niko nde rehe oikotevẽ, ku yvy ndokyveiha y oikotevẽháicha. O.

Tupaópe rohechase, nde pu’aka ha nde reko mimbipa

Ne mborayhu niko tuichaiteve jeikovégui.

Ndéve rogueropurahéine, ha aikove aja pukukue romomba’éne. O.

Ndéve añembo’évo che po ahupíne.

Avy’a iténe apytávo ku so’o kyra ha karaku

ha’u ramo guáicha ha torypápe romomba’e guasúne. O.

Ndégui upe che pytyvõva.

Nde pepo guýpe aguapýne vy’águi apurahéi.

Che rekove nde rehe ojejopy, ha nde, nde pópe che rereko. O.

LECTURA MOKÖIHA:       

Ñahendúta Tupä Ñandejára Ñe’ẽ San Pablo ohai va’ekue Roma guápe            12, 1-2

Upéva rehe, che pehẽngue kuéra, Tupä poriahuvereko rehe ajerure peëme, peë voi peñemoĩ haguã Tupä renondépe, ime’ẽmby oikovéva, imarangatúva ha iporãva ramo. Upéva ha’e pe jererohory añete peikuave’ẽ va’erã.

Anivéma peiko oje’e háicha ko’ágã ojeiko va’erãha. Upéva rangue, pemoambue pende py’apy iñambue haguã avei pende rekove ha peikuaa Tupä Ñandejára rembipota, he’ise, pe iporãva, pe ombohorýva ichupe, pe mba’evépe ivai’ỹva.

Tupä Ñandejára Ñe’ẽ.

Opavave: Romomba’e guasu ndéve, Ñandejára.

ALELUIA  Cf. Ef 1, 17-18

Aleluia.

Ajerure Tupä Ñandejárape omyesakã haguã peëme pene akãme perekóva, peikuaa porã haguã mba’e peha’arõ haguãpa ha’e pene renói raka’e, ha mba’eicha itépa ha’e tuicha ohovasa opa mba’épe, umi imba’évape.

Aleluia.

EVANGELIO

Marandu porã Ñandejára Hesukrísto rehegua San Mateo omombe’u háicha                                                                         

               16, 21-27

Opavave: Romomba’e guasu ndéve, Ñandejára

Upérõ Jesús oñepyrũ omombe’u idisípulo kuérape oho mante vaerãha Jerusalénpe. Jesús he’i chupekuéra upépe mburuvichakuéra, pa’i ruvicha ha umi Moisés ley ombo’éva heta ombohasa asytaha chupe. He’i avei ojejukataha upépe, ha oikove jeytaha mbohapy ára haguépe.

 Upépe Pedro ogueraha chupe ha’eñoháme, ha he’i chupe anive hag̃ua péicha oñe’ẽ. He’i chupe: — Mba’éichata piko péva. Tupã ndohejái chéne ojehu ndéve mba’eve.

 Jesús katu ojere ha he’i Pédrope: —Na che reja Sataná. Nde che reityse hína. Ndereikuaái pe Tupã oipotáva. Nde niko rejogua opavavépe.

 Upéi Jesús he’i discípulo kuérape: — Peẽ che moirũsérõ, peñembyesarái umi mba’e peẽ pejaposévagui. Pehupi pende kurusu pende apére, ha peju che moirũ. Umi hekovére hakate’ỹva, omanóta. Ha umi omanóva katu, oikovéta. Mba’eve niko nañanohẽi jarekopárõ opa mba’e, ha ipahápe ñañehundi. Mba’evéma niko ndaikatúi ñame’ẽ jaikove jey hag̃ua.

Ág̃a Che, kuimba’éicha aju vaekue, aju jeývo, ajúta hína che Ru pu’aka reheve ha hi’ángel kuéra ndive. Ág̃a upévo Tupã omyengoviáta peteĩ-teĩme hembiapokue ojerureháicha.

Ñandejára Jesucrísto Ñe’ẽ.

Opavave: Romomba’e guasu ndéve, Ñandejára Hesukrísto.