LECTURAS DE NAVIDAD

LECTURAS DE NAVIDAD

Primera Lectura:

Ko’ágä ñahendúta Tupä Ñandejára ñe’ẽ Isaías arandukápe oĩ háicha                                                                        9, 1-6

Upe Táva oguata va’ekue pytümbýpe Ohecha ára sakä guasu;

Umi oiko va’ekue hína upe tekoha pytümbýpe. Ojajái tesape.

Remongakuaa tory, ha heta ojevy’a.

Opavave ovy’a ne renondépe, kóga ñemono’õme ramo guáicha,

ovy’a háicha umi oñomboja’óva opa mba’e ñorairõme guare  rehe.

Mba’e pohýi ijati’ýre oĩ va’ekue, mba’e pohýi ijape rehe oguapýva,

inupãhára po pegua yvyra, remongu’ipa, Madiánpe ramo guaréicha.

Ipy rehegua ombohyapu va’ekue ñorairõhára,ha ijao kuéra tuguýpe ojehypýiva,

ojehapýta ha tatápe ikusuguéta.

Ou hague rehe ñandéve mitämi, mitä ra’y oñeme’ëta ñandéve

ichupe oñeme’ëta pu’akapa oisambyhy haguä Ha oñembohérata ha’e:

Mbo’ehára imombe’upyrä,Tupä Ñandejára imbaretéva

Túva opa ára  oikovéva,

Mburuvicha guasu

Py’aguapy reruha.

Itúva ypykue David guapyhápe oguapýta; ha py’a guapy ndopa mo’ãi,

hetã imbaretéta, tekojoja ha hekopeguáta ipyenda, ágä guive opa árape guarã. 

Ko’ä mba’e ojapóta Tupä Ñandejára ipu’akapáva mborayhu.

Ñandejára Jesucrísto  Ñe’ẽ.

SALMO ÑEMBOHOVÁI                                    95, 1-3. 11-13

R. Ko árape onase ñane pysyröha.

Ñandejára rembimbou.

To jereropurahéi Tupäme purahéi pyahu, To purahéi Ñandejárape ko arapy

Pepurahéi Ñandejárape, héra pemomba’e. R.

Opa ara ite pemoerakuã jejopy vaígui oporoguenohẽha.

Pemombe’u opa tetã rupi ha’e tuichaha, ha maymávape, hechapyrãva ojapóva. R.

To vy’a yvága ha yvýpe to jerosapukái.

To sununu yguasu ha opa ipýpe oĩva. To vy’a umi ñu ha opa mba’e ipype oĩva.

Vy’águi to sapukái umi yvyra ka’aguy pegua. R.

To jepurahéi Ñandejára renondépe, ha’ete voi oúgui oisãmbyhy haguã ko arapy.

Teko jojápe oisãmbyhýta ko yvy, ha tetã nguéra iñañetépe R.

Segunda lectura:

Ñahendúta Tupä Ñandejára Ñe’ẽ San Pablo ohai va’ekue Títope                                                       

2, 11-14

Tupä Ñandejára niko ohechauka va’ekue imba’e porãha, oikuave’ẽvo yvypórape oñepysyrõ haguã. Pe Tupä py’a porä, ñane mbo’e jajeheja haguã teko jerovia’ỹ ha mba’e pota yvy ári guágui, ha jaiko haguã ñande rekove ko’ágã guápe, akã guapýpe, hekópe ha Tupä Ñandejára mborayhúpe, torypápe ñaha’arõ aja ou jevy Ñandejára Jesucrísto  ñane pysyrõhára . Ha’e omano va’ekue ñande rayhupápe, ñane renohẽ haguã teko añágui ha ñane mopotĩ mbaite haguã, ojapóvo ñande hegui peteï tetã imba’e teéva, mba’e porãnte oipotáva.

Tupä Ñandejára Ñe’ẽ.

ALELUIA   Lc 2, 10-11

Aleluia.

Agueru peëme marandu iporãva, ombovy’átava opavavépe:

Péina ko árape onase yvy ári, pe oporopysyrõva,

upéva hína ku Mesías, Ñandejára voi.

Aleluia.

EVANGELIO

Ko’ágä ñahendúta Ñandejára Jesucrísto  rekove ha hemimbo’e San Lucas omombe’u háicha.

Pejapysaka porãtapa hese?                                                        2, 1-14

Umi árape, mburuvicha guasu Augusto he’i oñemoĩ haguã kuatia rehe opavave réra. Ko mba’e kóva ojejapo Quirino oisãmbyhy ramo guare  Siria. Maymáva oho va’erã itávape, omoĩka haguã héra kuatia rehe.

Upéva rehe José osẽ táva Nazarétgui, Galilea yvy peguágui, ha oho Belénpe, Judéape, ou ypy haguépe yvy ári mburuvicha guasu David. José niko David ñemoñare. Oho upépe ohaiuka haguã kuatiápe hembireko María ndive, hye guasúva hína. Ha upe Belénpe oĩ aja, Maríape oguahẽ ára imemby haguã. Ha upépe ou yvy ári imemby ypykue, omonde hese mitã rupa ha omoñeno peteï vaka karuhápe, ndaipóri niko kuri hendaguã kuéra pe óga ojepytahápe.

Pe Belén ypýpe oiko ovecha rerekua pyharekue oñangerekóva ñúme hymba kuéra rehe. Peichahágui ojechauka sapy’a peteï Ñandejára remimbou ha Tupä mimbipa ojaho’ipa ichupe kuéra, ha okyhyjeterei hikuái. Upe Tupä remimbou katu he’i ichupe kuéra: “Ani pekyhyje, aru peëme marandu iporãva, ombovy’átava opavavépe: Péina ko árape onase peëme yvy ári, ko David távape, pe oporopysyrõva, upéva hína ku Mesías, Ñandejára voi. Peikuaa haguã, pejuhúta ichupe oñeñuã mitã rupápe, ha oñeno pe vaka karuhápe”.

Upe jave ojechauka hetave Tupä remimbou yvága pegua oguerohorýva Tupäme, ha he’íva: To ñemomba’e guasu Tupäme yvatete, ha ta ipy’a guapy opa yvypóra ichupe ombohorýva.

Oho jevývo yvágape umi Tupä remimbou, umi ovecha rerekua he’i ojupe:

Jaha aipo ramo Belénpe jahecha haguã pe ojehúva, ha upe Ñandejára ñane momarandu hague.

Oho pya’ete hikuái ha ojuhu María ha Josépe, ha pe mitãme oñeno hína pe mymba karuhápe.

Upe jave ojechauka hetave Tupä remimbou yvága pegua oguerohorýva Tupäme, ha he’íva:

To ñemomba’e guasu Tupäme yvatete, ha ta ipy’aguapy opa yvypóra ichupe ombohory.

Ñandejára Jesucrísto  Ñe’ẽ.