LECTURAS DEL JUEVES 26 DE DICIEMBRE

LECTURAS DEL JUEVES 26 DE DICIEMBRE

SAN ESTEBAN, PRIMER MÁRTIR

Primera Lectura:

Ko’ágä ñahendúta Tupä Ñandejára ñe’ẽ Apóstolkuéra rembiapokuépe oĩ háicha  

              6, 8-10; 7, 54-60

Upe ramo:

Esteban, henyhẽva pokatu ha Tupä Ñandejára rovaságui, ojapo hechapyrãva ha techaukarã maymáva apytépe. Oĩ mbovymi umi judío tupao “Tembiguaikue” ojeheróva, oñomoirũva Cirene, Alejandría, Cilicia ha Asiagua ndive, oñepyrũva oñe’ẽ apise Estébanpe, ha ndaikatúi ombohovái ichupe, iñe’ẽ henyhẽgui arandu ha Espíritu Sántogui.

Ha’e katu, henyhẽva Espíritu Sántogui, oma’ẽ yvága rehe ha ohecha Tupä Ñandejára reko mimbipa, ha Jesúspe oñembo’ýva hína Tupä akatúape. Upéma ramo  he’i:

Pema’ẽmi! Ahecha ojepe’a ramo yvága, ha pe yvypóraicha ou va’ekuépe, oĩva Tupä Ñandejára akatúape.

Ha’e kuéra katu omboty ijapysa, ha sapukái pópe ojeity hikuái Esteban ári. Oguenohẽ upe távagui ha ombo ita ichupe ojuka peve. Ha umi oikóva mba’e rechaha ramo oheja ijao kuéra peteï mitã rusu Saulo héravape, oñangareko haguã umíva rehe.

Itápe ojejapi aja, Esteban oñembo’e he’ívo: “Jesús, che Jára, che anga amoi nde pópe”. Upéi oñesũ ha osapukái hatã: “Che Jára, eheja rei ichupe kuéra iñangaipa!” Upéva he’ívo, omano.

Tupä Ñandejára Ñe’ẽ.

SALMO ÑEMBOHOVAI                           31, 3c – 4. 7b- 8a. 16b-17

R.TupäÑandejára nde pópe amoĩ che rekove.

Nde upe che rehe reñangarekóva, Nde äme añeñongatu

ha che renohẽ jejopy vaígui.

Nde réra rehehápe eñangareko che rehe ha che sãmbyhy. R.

Nde pópe amoĩ che rekove, che Jára Tupä añetete, nde hína pe che pytyvõtava.

che katu nde rehe ajerovia. Nde réra, to mbohápe che raperä ha ta chegueraha. R.

Ani che rejátei ha’a umi che rayhu’ỹva ha che rereko asýva pópe.

Tupä Ñandejára, ehecha kuaa kena chéve, Nde, che rayhúgui che pe’a jejopy vaígui. R.

ALELUIA   Sal 117, 26a. 27a

Aleluia.

Tojehovasa pe Tupä Ñandejára rérape oúva

Tupä hína Ñandejára, ha’e ñande resape.

Aleluia.

EVANGELIO

Ko’ágä ñahendúta Ñandejára Jesucrísto  rekove ha hemimbo’e San Mateo omombe’u háicha.

Pejapysaka porãtapa hese?                                   

10, 17-22

Upe ramo Jesús he’i ijapostolkuérape:

Peñangarekóke pende jehe, cháke oĩta pene moakãsãva ha pene moĩva mburuvicha kuéra pópe, ha pene mbyepotíva itupao kuéra rupi. Che remimbo’e hague rehe peë, pejereraháta sãmbyhyhára ha mburuvicha guasu kuéra renondépe. Péicha, peë peñe’ẽta che rehe ichupe kuéra, ha umi judio’ỹvape avei. Ha pene moĩvo hikuái mburuvicha kuéra pópe, ani pejepy’apy mba’épa térã mba’éichapa peñe’ẽta. Ijávo peëme peñe’ẽ haguã, Tupä Ñandejára ome’ẽta peëme mba’épa pejéta. Ha ndaha’e mo’ãi peë, peñe’ẽtava. Pende Túva Espíritu oñe’ẽta pende juru rupi.

Oĩta ome’ẽva tyvýra teépe jepe ojejuka haguã, ha oĩta túva ome’ẽva ta’ýrape. Mitã nguéra opu’ãta túva kuéra rehe, ha ojukaukáne. Che remimbo’e hague rehe peë, avave ndaija’e mo’ãi pende rehe. Pe che rehe ojeroviáva ipaha peve katu, oikovéta.

Ñandejára Jesucrísto  Ñe’ẽ.