LECTURAS DEL DOMINGO 01 DE DICIEMBRE

LECTURAS DEL DOMINGO 01 DE DICIEMBRE

Primera lectura:

Ko’ágã ñahendúta Tupä Ñandejára ñe’ë Isaías arandukápe oĩ háicha               

                                                      2, 1-5

Isaías Amós ra’y ohecha va’ekue, Judá ha Jerusalénpe oikótava.

Ojehúta ágä ára pahápe:

Yvyty oĩháme Ñandejára Róga, yvytykuéra ru’ãme opyta hatãta ha opa ite yvytýgui ijyvatevéta.

Opa tetã hese oñemboatýta . Heta tetã ijatýta ha he’íne oúvo:

“Jaha jajupi Ñandejára yvytýpe, Israelgua Tupä Rógape, ohechaukáta ñandéve hápe, ha upe rupi jaguatáta”.

Sióngui osëta Ñandejára rembiapoukapy Jerusaléngui katu iñe’ë.

Tupä ombojovakéta opa tetã nguérape, ha omoĩ porãta ojoavýva ijapytépekuéra,

Kyse pukúgui ojejapóta yvy mbovoha, ha kyse yvukúgui machéte.

Ndaipóri mo’ãvéima ñorairõ,avavépe noñembo’evéima mba’éichapa oñorairõ va’erã

Néike, Jacob rogagua! Jaguata katu Ñandejára ohesapeha rupi!

Tupä Ñandejára Ñe’ẽ

SALMO ÑEMBOHOVAI                                       122, 1-2. 4-6

R. Vy’ápe jaha tupaópe.

Avy’a ite chéve oje’e ramo:

“Jaha tupaópe”.

Jerusalén! Ne rokẽmema roñembo’y. R.

Upépe ojupi Israel ñemoñaregua kuéra,

Ñandejára réra omomba’e guasúvo,

Upépe oguapy mburuvicha guasu David rogagua,

teko jojápe oporombojovake haguã. R.

Hi’ä ite pejerure py’aguaypy Jerusalenpe guarâ

Kyhyje’ÿme toiko umi nde rayhúva

Py’aguapýpe tojeiko nde rekohápe, ha mburuvicha guasu rógape”. R.

Che ryke’y kuérape ha umi che kuaáva rayhupápe

ajeruréta: “Py’a guapy ndéve guarä”Tupä Ñandejára róga rehehápe

añembo’éta terehupity  vy’a ”. R.

Segunda lectura:

Ñahendúta Tupä Ñandejára Ñe’ẽ San Pablo ohai va’ekue Roma guápe              

  13, 11-14a

Che pehenguekuéra:

Peë pehechakuaa, mba’éichapa peiko are guivéma, ha oguahëma ára pepayhápemaha, ko’ágã niko ñane aguïve Ñandejára mborayhúgui iñepyrũháme guarégui, ako jarovia ñepyrü ramo guare  pe marandu pyahu. Pyhare pytéma, ha hi’aguĩma ko’ẽ. Upéva rehe, jajapove’ÿ umi pytũmby rehegua tembiapo ha pemonde ao ojajaipáva, ku oñoräirötava omonde ramoguáicha ao omo’ãva hete.

Peiko teko potĩme, ára ko’ë porã meguáicha. Anive pekarurasa ha peka’u, anive pende tajasu ha peiko pene akä rehe, anive peñorairö ha peipotapa pejuhúva. Upéva rangue, peñemonde Ñandejára Jesucrístogui ha ani pehekátei umi tembipota vai perekóva yvypóra pende rekópe.

Tupä Ñandejára Ñe’ẽ.

ALELUIA     Sal 85,8

Aleluia.

Ore Jára, ore poriahuverekókena

ha ore renohẽ jejopy vaígui.

Aleluia.

EVANGELIO

Ko’ágä Ñahendúta Ñandejára Jesucrísto  rekove ha hemimbo’e San Mateo omombe’u háicha.                 

  24, 37-44

Pejapysaka porãtapa hese?

Upe ramo  Ñandejára Jesucrísto  he’i hemimbo’ekuérape:

Che, yvypóraicha aju va’ekue, ajevy vove ojehu va’erä Noé oikove ramo guaréicha. Upe ramo, ama guasu mboyve, opavave oiko okaru, omboy’u kaguy ha omendajoa, Noé oike peve pe kanóa guasúpe. Ha upéi oimo’ã’ỹhágui, ou pe ama guasu ha oporoguerahapa ite. Péichata avei che, yvypóraicha aju va’ekue, aju vove. Upe árape, mokõi kuimba’e oĩta hína oñondive ñúme, peteï ojereraháta ha pe ambue katu ojehejáta. Mokõi kuña oñembisóta hína, peteï ojereraháta ha pe ambue katu ojehejáta.

Pejesarekóke aipo ramo, ndapeikuaái hína araka’etépa oúta pende Jára. Perekóke kóva pene akãme: Pe óga jára oikuaa ramo araka’etépa oikéta hógape mondaha, ha’e ndoke mo’ãi ha ndoheja mo’ãi avavépe oike hógape omonda haguã ichupe. Upéva rehe, peë avei pejesareko va’erã. Peimo’ã’ỹve jave niko che, yvypóraicha aju va’ekue, ajúta.

Ñandejára Jesucrísto  Ñe’ẽ.