LECTURAS DEL DOMINGO 1 DE SEPTIEMBRE

LECTURAS DEL DOMINGO 1 DE SEPTIEMBRE 

Ko’ágä ñahendúta Tupä Ñandejára Ñe’ẽ Eclesiástico arandukápe oĩ háicha                                                         

3, 17-18. 20. 28-29

Che ra’y, 

emba’apo rejechaukase’ỹ rehe, 

ha nde rayhúta 

umi ombovy’áva Tupä Ñandejárape. 

Nde tuichave pa’ũme 

eñemomichĩve, 

ha reñemoĩ porãta 

Tupä Ñandejára ndive. 

Tupä Ñandejára niko 

ipokatu eterei, 

ha ichupe omomba’e guasu 

umi ojejapo’ỹva. 

Ojejapóva naipohãi voi, 

ñana vai roky hína umíva. 

Iñakã porãva 

oñamindu’u ñe’ẽngáre, 

ha iñarandúva 

ojapysaka porã opa mba’e rehe. 

Tupä Ñandejára Ñe’ẽ.

SALMO ÑEMBOHOVÁI                            67, 4-5a. c. 6-7b. 10-11

R. Tupä Ñandejára nde, ne mba’eporã imboriahuva ndive.

Torypápe osapukái 

ha ovy’a joa Tupä Ñandejára renondépe. 

Pepurahéi Tupä Ñandejárape, héra peropurahéi. 

Tupä Ñandejára hína héra. R.

Tupä Ñandejára itupao guive

opa ite ityre’ỹva ru ha’e, ha imenave’ỹva ñangarekohára, 

ohogapo nda hógaivape

oñeña pytĩvagui ha’e opoi ovy’a haguã. R.

Ha Tupä Ñandejára! Ama neporãva rembou, 

ha nde yvy yuhéi rembogue va’ekue. 

Upépe ne retã oñemohenda. 

Opavavépe rejehu, 

ha hemikotevẽ imboriahúvape reme’ẽ. R.

SEGUNDA LECTURA 

Ñahendúta Tupä Ñandejára ojehai va’ekue Hebreos kuérape        

                            12, 18-19. 22-24

Che pehengue kuéra:

Peë napeñe mbojái va’ekue, umi Israel guáicha, peteï mba’e ikatúva rehe ojepoko ha hendy va’ekue hína tatáicha, oĩhápe pytũ ha yvytu ratã. Ha napehendúi avei pe turu pu ha Tupä Ñandejára Ñe’ẽ. Umi ohendu va’ekue upe ñe’ẽ, ojerure asy va’ekue anive haguã oñe’ẽ ichupe kuéra.

Peë katu, upéva rangue, peñemboja yvyty Sión rehe ha pe Tupä Ñandejára oikovéva táva guasúpe, Jerusalén yvágape guápe, ha heta iterei Tupä Ñandejára remimbou oñemboaty hápe. Ha avei umi Tupä Ñandejára ra’y aty tenondeguáre, héra kuéra oĩva yvágape. Peñemboja Tupä Ñandejára rehe, opavavépe mbojovakéva, ha umi yvypóra marangatu Espíritu rehe, Tupä Ñandejára omoporã añete va’ekue rehe. Peñemboja Jesús rendápe, oñe’ẽva ñande rehehápe ñe’ẽ ñome’ẽ pyahurã ha pe tuguy ñane mopotĩva rehe. Upéva niko ome’ẽta ñandéve tuichave mba’e Abel ruguykue ome’ẽvagui. 

Tupä Ñandejára Ñe’ẽ.

ALELUIA

Aleluia.

Peheja ta moĩ pende ape rehe che mba’e pohýi, ha pejapo che ha’éva peëme. Ha peikuaáta che py’a porãha ha nda jejapoiha, he’i Tupä Ñandejára

Aleluia.

EVANGELIO

Ko’ágä ñahendúta Ñandejára Jesucrísto  rekove ha hemimbo’e San Lucas omombe’u háicha. Pejapysaka porãtapa hese?                                             

       14, 1. 7-14

Upe ramo peteï pytu’uha árape, Jesús oho okarúvo peteï fariseo ruvicha rógape. Ha oka guio umi fariseo oma’ẽ ñemi hese. 

Jesús ohechávo, umi ohóva okarúvo oiporavoha oguapy haguã umi oñembo jeroviavéva oguapyhápe, oñemoñe’ẽ ichupe kuéra kóicha: 

Reñe henói ramo peteï ñemenda karu guasuhápe, ani reguapy pe iñakãme. Cháke ikatu oguahẽ peteï mba’e guasuvéva nde hegui, ha pe óga jára pene renói va’ekue mokõivépe, ikatu ou he’i ndéve: ‘Eme’ẽ ne renda amóvape’. Aipo ramo rehóne ñemotĩme reguapy pe ipaha itépe. Reñe henói ramo karuhápe eguapy uvei pe ipaha itépe, ikatu haguã pe ne renói va’ekue ou he’i ndéve: ‘Che irũ, ehasa peteï iporãvehápe.’ Upéicha ramo, oñemoengoviáta ndéve umi oguapýva ne ndive mesápe, ne renondépe. Pe oñembotuicháva oñemomichĩta, ha pe oñemomichĩvape oñembotuichata. 

He’i avei pe kuimba’épe pe ojerure va’ekue ichupe oho haguã okarúvo hógape: 

Rejapóvo peteï jekaru, asaje térã pyhare, ani rejerure oho haguã ne irũ nguérape, térã nde ryvy ha nde ryke’y kuérape, ha opa nde róga guápe ha nde róga ykeregua imba’e retávape. Ha’e kuéra ojeruréne avei ndéve reho haguã, ha upéicha omoengoviáta ndéve hikuái. Rejapo ramo karu guasu, ejerure uvei oho haguã upe karuhápe umi imboriahúvape, umi oĩmba’ỹva ha iñepãvape, umi ohecha’ỹvape, ha revy’áta. Umíva niko ndaikatu mo’ãi ohepyme’ẽ ndéve. Ndéve katu oñemoengoviáta opavave heko jojáva oikove jevyha árape. 

Ñandejára Jesucrísto Ñe’ẽ.