LECTURAS DEL DOMINGO 22 DE SEPTIEMBRE

LECTURAS DEL DOMINGO 22 DE SEPTIEMBRE 

Primera Lectura 

Ko’ágä ñahendúta Tupä Ñandejára ñe’ẽAmós arandukápe oĩháicha                                                                                8, 4-7

Pehendúke peë pejopýva mboriahu ndive ha pehundíva tetãguápe. peë pejéva: “Araka’épa ohasáta jasy pyahu ñame’ẽhaguãupe trígo? Araka’épa upe pytu’uha ára ohasáta ñahepy ñame’ẽhaguãupe avati jaiporúvo mba’e ra’ãha japu, ñambo hepyvéta, jajoguáta mboriahúpe toiko ichugui kuéra ñane rembiguái, to ñeme’ẽ ñandéve sapatu repy rehe. Upe trígo vorakue jepe ñame’ẽta ichupe kuéra”. 

Jacob ojejapo itereígui, Tupä Ñandejára he’i kóicha: “Nda che resarái mo’ãi upe pejapo va’ekuégui”. 

Tupä Ñandejára Ñe’ẽ.

SALMO ÑEMBOHOVÁI                                                  112, 1-2. 4-8

R. Ñandejára to ñemo mba’e  guasu, omopu’ãva imboriahúvape.

Tupä Ñandejára rehe ojeroviáva

tomomba’e guasu ichupe, 

toguerohory héra. 

Tupä Ñandejára réra 

to ñemomba’e  guasu, 

ko’ágã ha opa ára. R. 

Tupä Ñandejára oĩtetã nguéra ári, 

imimbikue yvága rehe iñasãi. 

Tupä Ñandejaraichagua ndaipóri, 

ha’e oiko amo yvate, 

ha ojayvy omaña haguã

yvága ha yvy rehe. R.

Yvýgui ha’e omopu’ã 

imboriahúvape, 

ha oikotevẽvape pe oĩvaivehagui. 

Poguasu kuéra 

apytépe ichupe omoĩ, 

hetãgua poguasu apytépe omohenda. R. 

Segunda Lectura 

Ñahendúta Tupä Ñandejára Ñe’ẽSan Pablo ohaiva’ekue ikuatia peteïháme Timotéope                                          

2, 1-8

Che ra’y rohayhu etéva:

Tenondete ha’e oñeñembo’e va’erã, ojejerure asy va’erã opavave rehe ha oñeme’ẽva’erãTupä Ñandejárape aguyje opa yvypóra rehehápe. Oñeñembo’e va’erãumi tetãsãmbyhyhára rehe, mburuvicha kuéra rehe, ikatu haguãjaiko py’a guapýpe ha ñorairõ’ỹre, jeporiahuverekópe ha ñemomba’épe. Upéva iporã ha ombohory Tupä Ñandejára ñande pysyrõvape. Ha’e niko oipota opavave toñepysyrõ ha toikuaa pe añetegua. Tupä Ñandejára niko peteïnte ha peteïnte avei pe omoĩporãva yvypóra kuéra Tupä Ñandejára ndive. Upéva hína Cristo Jesús, yvypórava avei. Ha’e niko omano ñande rehehápe opavave ñañe pysyrõ haguã, ha mba’e rechaukaha ramo ome’ẽva va’ekue hi’árape porã. Amombe’u haguãko’ãmba’e ha’e che moĩmba’e mombe’uha ha apóstol ramo. Ha oheja che pópe ambo’e haguãjerovia ha añetegua umi judio’ỹvape. Ko che ha’éva hína añete. Nda che japúi. 

Ha upéicha, aipota kuimba’e kuéra oñembo’e opa rupi ha ohupi ipo Tupä Ñandejárape py’a potĩme ha pochy’ỹ rehe, térãñe’ẽmbojovai’ỹme.

Tupä Ñandejára Ñe’ẽ.

ALELUIA                                                                      2Cor 8, 9

Aleluia.

Peikuaáma niko Ñandejára Jesucrísto,

pende rayhupápe, mba’e rerekoha ramo jepe, 

oñemomboriahu hague, 

ikatu haguã oiko pende hegui 

mba’eta rerekoha imboriahukue rupi. 

Aleluia.

EVANGELIO

Ko’ágä ñahendúta Ñandejára Jesucrísto  rekove ha hemimbo’e San Lucas omombe’u háicha. Pejapysaka porãtapa hese?

                                                     16, 1-13

Upe ramo Jesús omombe’u avei kóva hemimbo’e kuérape: “Oiko va’ekue peteï kuimba’e imba’e retáva oguerekóva peteï hóga rerekua. Ha ojeho oje’e ichupe, upe óga rerekua oiporu vaipaha hína umi oguerekóva. Ijára ohenói ha he’i ichupe: ‘Mba’e piko ko oje’éva nde rehe? Emoĩmba chéve kuatia rehe ne rembiapokue, nde ndaikatu véima reiko che róga rerekua ramo.’Upe óga rerekua oñemoĩojepy’a mongeta: ‘Mba’e piko ajapóta ko’ágã, che jára che rejáva mba’apo’ỹ rehe? Na che mbaretéi ayvyjo’o haguãha atĩajerure haguãTupämba’e. Aikuaáma mba’épa ajapóta, areko haguãche moguahẽva hógape, ágãapytávo mba’apo’ỹ rehe.’Ohenói peteï teĩme umi ohepyme’ẽva’erãva ijárape. Pe tenonde guápe oporandu: ‘Mbovýpa rehepyme’ẽva’erãche járape?’Upéva he’i ichupe: ‘Ame’ẽva’erãichupe 100 hyru ñandyry.’ Pe óga rerekua he’i: ‘Péina ko’ápe nde kuatia, eguapy ha ejapo ambue 50 rehénte.’ Upéi oporandu ambuépe: ‘Ha nde, mbovy rehepyme’ẽva’erã? Ha ha’e he’i: ‘100  trígo vosa.’ Pe óga rerekua he’i avei ichupe: ‘Kóina ápe nde kuatia, ejapo ambue 80 rehénte.’ Mba’e jára ohecha kuaa, pe óga rerekua rova atã ikatupyry hague opa ojapóvape. Ha upéicha niko, umi omba’apóva ko yvy ári guáre ikatupyryve voínte umi Tupä Ñandejára rembipota rehente oikóvagui”. 

“Ha’e peëme peiporu haguãopa herekopy ko yvy arigua peñemoirũheta haguã. Péicha umi mba’eta opávo oĩta pene moguahẽva óga opa ára guarãme”. 

Pe mba’e michĩvape heko potĩva, heko potĩavei hetávape; ha pe ipojoja’ỹva mba’e michĩme, ndaikatúi avei ipojojávo mba’e hetápe. Ha upéicha, umi mba’e reta gua’u ko yvy arigua ndive peë napendereko potĩri ramo, máva piko ojeroviáta pende rehe ome’ẽhaguãpeëme umi mba’e reta añeteguáva? Ha na pende reko potĩri ramo pene mba’e’ỹrehe, máva piko ome’ẽta peëme pe pene mba’éva? 

Peteï tembiguái ndaikatúi ijára mokõivo. Ndaija’éine peteï rehe ha ohayhúne pe ambuépe, térãombojeroviáne peteïme ha ojahéine pe ambue rehe. Ndaikatúi ñambojerovia Tupä Ñandejárape ha virúpe oñondive.

Ñandejára Jesucrísto Ñe’ẽ.