LECTURAS DEL DOMINGO 23 FEBRERO

LECTURAS DEL DOMINGO 23 DE FEBRERO

PRIMERA LECTURA:

Ko’ágä ñahendúta Tupä Ñandejára ñe’ẽ Levítico arandukápe oĩ háicha                                                          19,1-2.17-18

Ñandejára he’i Moiséspe:

Ere Israel guápe ko’ã mba’e ha’ekáva ichupekuéra:

Ta pende reko marã’ỹ. Che hína opa mba’e Jára ha che reko marã’ỹ.

Ani pende py’aro pende rapicha ndive, ha oime ramo ojavy, peje ichupe upéva, ani oja pende rehe iñangaipa.

Ani pejapo ivaíva pene retãguare  ojapo va’ekue ivaíva pende rehe, térã pende py’aro hendive. Pehayhu pende rapichápe pende jupéicha. Che hína pende Jára.

Tupä Ñandejára Ñe’ẽ.

SALMO ÑEMBOHOVÁI           102, 1-4. 8. 10. 12-13

Amomba’e guasu Ñandejárape che py’a ite  guive, che py’a ite  guive amomba’e guasu héra marangatu.

Amomba’e guasu Ñandejárape che py’a ite  guive, nda che resarái chéne heta mba’e porã ome’ẽ hague chéve. R.

Ha’e oheja rei chéve che rembiapo vaikue ha che mongueráva opaichagua mba’asýgui.

Ha’e ndo hejái   apa yvykuápe ha mborayhúpe che añuã ha che mokunu’ũ. R.

Ñandejára imba’e porã ha oporoporiahuvereko, ndaipochy reíri ha oporohayhu.

Nomoengoviái ñandéve ñane angaipa, ha ndojapói ñande rehe ojapo haguãicha. R.

Kuarahy resẽ mombyryháicha kuarahy reikégui, upéicha omomombyry ñande hegui ñane angaipa.

Túva omokunu’ũháicha ita’ýra kuérape, upéicha avei Ñandejára umi ichupe omomba’éva ndive. R.

SEGUNDA LECTURA:

Ñahendúta Tupä Ñandejára Ñe’ẽ San Pablo ohai va’ekue ikuatia peteïhápe Corintoguápe                                                3, 16-23

Ndapeikuaái nga’u piko peë Tupä rogaha, ha Tupä Espíritu oikoha pende pype? Oime ramo ohundíva Tupä róga, Tupä ohundíta ichupe, Tupä róga imarangatu ha upéva peë voi.

Aníke avave oñembotavy. Oime ramo pende apytépe oimo’ãva iñaranduha ko yvy arigua arandúpe, toiko jevy itavýva ramo, ikatu haguã iñarandu añete. Arandu ko yvy arigua niko, výro reiete Tupäme guarã. Ñandejára Ñe’ẽ voi niko he’i: “Tupä omoñuhã iñarandúvape, pe iñarandúpe voi”. Ha he’i avei: “Ñandejára oikuaa opa iñarandúva remiandu výro reiha”. Upéva rehe, avave ndojejapói va’erã yvypóra ikatúva ojapo rehe. Opa mba’e niko pene mba’e: Pablo, Apolos, Cefas, ko yvy, jeikove, ñemano, ko’agãgua ha tenondevegua. Opa mba’e pene mba’e ha, peë niko hína Cristo mba’e, ha Cristo katu Tupä mba’e.

Tupä Ñandejára Ñe’ẽ.

ALELUIA       1 Jn 2, 5

Aleluia.

Ojapo ramo iñe’ẽ katu, Tupä rayhu oĩ hekopete ipype

ha ikatu jaikuaa ñane peteïha hendive

Aleluia.

EVANGELIO

Ko’ágä ñahendúta Ñandejára Jesucrísto  rekove ha hemimbo’e San Mateo omombe’u háicha.

Pejapysaka porãtapa hese?                                                      5, 38-48

Peikuaa oje’e hague: “Oimeraẽ ohesa mombúva hapichápe, ichupe ojehesa mombu va’erã avei. Ohãi’o ramo hapichápe, ichupe oñehãi’o va’erã”. Che katu ha’e peëme: “Ani pemoengovia pe ivaíva ojapóvape pende rehe. Oĩ ramo nde rova petéva, eheja ta nde rova pete jovái. Oĩ ramo nde rerahaséva mbojovakehápe oipe’aségui ndehegui nde ao, eheja togueraha nde ahoja avei. Oĩ ramo oguerojaukaséva ndéve imba’e pohýi 1 legua, eraha ichupe 2 legua. Oime ramo omba’e jeruréva ndéve, eme’ẽ ichupe upe ojeruréva. Oĩ ramo omba’e poruséva, eiporuka ichupe”.

Peikuaa avei oje’e hague: “Ehayhu nde rayhúvape, ha na nde a’éi va’erã nde rayhu’ỹva rehe”. Che katu ha’e peëme: “Pehayhu umi pende rayhu’ỹvape, ha peñembo’e umi pene mbohasa asýva rehe. Péicha ramo peë pehechaukáta pejoguaha pende Ru yvágape guápe. Ha’e niko oheja kuarahy ojope peteïcha iñaña ha imarangatúvape guarã, ha ogueru ama hembiapo porã ha hembiapo vaívape guarã. Mba’éicha piko Tupä omoengoviáta peëme, peë pehayhu ramo umi pende rayhúvapente? Umi viru omboatýva táva Roma peguarã jepe niko péicha oiko. Ha peë peñe’ẽ ramo umi peikuaávapente, piko mba’e iporãva oĩ upévape? Umi Tupä rehe ojerovia’ỹva jepe niko péicha ojapo. Pene marangatúke peë, pende Ru yvágape oĩva imarangatuháicha”.

Ñandejára Jesucrísto  Ñe’ẽ.