LECTURAS DEL DOMINGO 24 DE NOVIEMBRE

SOLEMNIDAD DE NUESTRO SEÑOR JESUCRISTO , REY DEL UNIVERSO

Primera lectura:

Ko’ágä ñahendúta Tupä Ñandejára ñe’ẽ Samuel aranduka mokõiháme oĩ háicha                       

 5, 1-3

Upe rire opa Israel ñemoñaregua oho Hebrónpe oñe’ẽ haguã David ndive ha he’i hikuái ichupe: “Ore niko nde ruguy tee, ha Saúl ramo jepe ore ruvicha guasu, ndénte voi reisãmbyhy va’ekue Israel guápe ñorairõháme. Hi’arive, Ñandejára ome’ẽ ndéve iñe’ẽ ndetaha upe omoakãva ha oisãmbyhýva Israel”.

Upéicha opa moakãhára  Israelgua oho ha oñe’ẽ David ndive Hebrónpe, ha ha’e oñoñe’ẽ me’ẽ hendive kuéra, omoĩvo Tupäme mba’e rechaha ramo. Upéma ramo  ha’e kuéra omoĩ Davídpe Israel ruvicha guasu ramo.

Tupä Ñandejára Ñe’ẽ.

SALMO ÑEMBOHOVÁI                            121, 1-2. 4-5

R. Jaha vy’apópe Tupaópe.

Avy’a ite chéve oje’e ramo:

 “Jaha tupaópe”. Jerusalén!

Ne rokẽmema roñembo’y. R.

Upépe ojupi Israel ñemoñareguakuéra,

Ñandejára réra omomba’e guasúvo,

ojeheja haguéicha ichupekuéra tembiapoukapy ramo.

Upépe oguapy mburuvicha guasu David rogagua,

teko jojápe oporombojovake haguã. R.

Segunda lectura:

Ñahendúta Tupä Ñandejára Ñe’ẽ San Pablo ohai va’ekue Colosas guápe           

           1, 12-20

Che pehenguekuéra:

Peme’ẽne pende aguyje ñande Túvape, pene mbokatupyrýva pehupity haguã avei pe ha’e ome’ẽtavagui Tupä mba’évape, ha’e oisãmbyhy mimbihápe. Tupä niko ñande pe’a pytũ poguýgui ha ñande reraha pe Ta’ýra ohayhu etéva oisãmbyhyhápe. Ha’e rupi ñane pysyrõ ha ojeheja reipa ñandéve ñane angaipa.

Cristo rehe jahecha, Tupä ikatu’ỹva ojehecha. Ha’e hína ta’ýra ypykue, opa mba’e mboyve guare . Ha’e rupi, Tupä ojapo ypy opa mba’e oĩva yvágape ha yvýpe, ojehechava ha ojehecha’ỹva, ha avei umi espíritu yvategua opa mba’e oguerekóva ipoguýpe ha imbaretéva. Opa mba’e ojejapo va’ekue ha’e rupi ha ichupe guarã. Cristo hína opa mba’e mboyve ha ha’e rupi opa mba’e oĩ hendápe.

Upéi ave, Cristo ha’e pe Tupä iglésia akã, ha upéva hete. Ha’e niko opa mba’e ñepyrũ ypy hague, ha’e raẽvete oikove jevy, itenonde haguã upéicha opa mba’e rehe. Crístope niko Tupä omoĩmba va’ekue ipokatu. Ha ha’e rupi, Tupä omoingo porã jevy hendive opa mba’e oĩva ko yvy ári ha yvágape, Cristo ruguy rupi, oñohẽ va’ekue kurusu rehe.

Tupä Ñandejára Ñe’ẽ.

ALELUIA                               Mc 11, 9. 10

Aleluia.

Tupä to ñemomba’e  guasu! To ñemomba’e  guasu Ñandejára rérape oúva! Tupä tohovasa pe oúva ñande ru Davídcha ñane sãmbyhývo! Tupä to ñemomba’e  guasu!

Aleluia.

EVANGELIO

Ko’ágä ñahendúta Ñandejára Jesucrísto  rekove ha hemimbo’e San Lucas omombe’u háicha.

Pejapysaka porãtapa hese?                   

       23, 35-43

Ha opavave oĩva upépe oma’ẽ joa hikuái hese. Ha mburuvicha kuéra jepeve oñembohory hese, ha he’i:

Hetápeko oipysyrõ va’ekue. To japo  ijehe ko’ágã, añete ramoha ha’e upe Mesías, Tupä oiporavo va’ekue.

Umi ñorairõhára  oñembohory avei Jesús rehe. Oñemboja, ho’uka ichupe kaguy hai, ha he’i:

Nde ramo judío kuéra ruvicha guasu, nde voi eñepysyrõ!

Ha oĩ peteï kuatia iñakã ári, he’íva: ‘Kóva hína judío kuéra ruvicha guasu!’

Peteïva pe oporojuka va’ekue, oĩva kurusu rehe ijyke rehe, oñembohory hese:

Nde ramo upe Mesías, eñepysyrõ nde, ha ore pysyrõ oréve ave!

Pe ambue katu oja’o upe hapichápe ha he’i ichupe:

Nderekyhyjéi piko Tupägui, ñaime niko hína peteïcha?

Ñande niko hekópe jahasa asy hína. Oñemboekovia ñandéve hína ñane rembiapo vaikue. Ko kuimba’e katu ndojapói mba’eve ivaíva.

Upéi he’i Jesúspe:

Jesús, ne mandu’amíke che rehe reñepyrũvo reisãmbyhy.

Jesús he’i ichupe:

Añetehápe ha’e ndéve, ko árape reimetaha che ndive yvágape!

Ñandejára Jesucrísto  Ñe’ẽ.